Кунаш

Кунаш, Конаш (Конуш) — мужчынскае імя.

Kühnsch
Паходжаньне
Мова(-ы)	германскія
Утворанае ад	Cuno + суфікс з элемэнтам -ш- (-sch-)
Іншыя формы
Варыянт(ы)	Конаш, Конуш
Зьвязаныя артыкулы
якія пачынаюцца з «Кунаш»

Паходжаньне

Асноўны артыкул: Імёны ліцьвінаў

Кунш (Kühnsch) — імя германскага паходжаньня^[1]. Іменная аснова -кон- (-кун-) (імёны ліцьвінаў Кондрут, Конрад, Якун; германскія імёны Cundrud, Konrad, Acun) паходзіць ад гоцкага koni- 'адважны'^[2] або германскага kunja, kuni '(хтосьці) з годнага, шляхецкага роду'^[3].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Kunosz (Konosz, Kuniesz, Kunisz, Kunsz)^[4]: Hannus Kunosch (1483 год), Hannus Kwnisz (1480 год), Cunesz (1481 год), Kunusz (1482 год), Kwnosch (1493 год)^[5].

Варыянты імя ў гістарычных крыніцах: чоловека… а Куноша (1440—1492 гады)^[6]; на воита маръковъского Куноша (27 лістапада 1528 году)^[7]; мещане места Полоцкого… Федко Коношевичъ (17 сакавіка 1531 году)^[8]; чоловековъ лысковскихъ… Кунаша Вороновича… Кунуша Вороновича (3 верасьня 1537 году)^[9]; по чоловеку королевъскомъ по госмирцы на имя Конаши… истыи Конаш… тотъ Конашъ… тотъ Кониш (16 сакавіка 1539 году)^[10]; sioło Protkowskie… Moteli Konuszewicz (4 сьнежня 1554 году)^[11]; Mikitha Kunassewic… Kunas Hawrylowicz (1558 год)^[12].

Носьбіты

Канашэвічы — літоўскі шляхецкі род^[13].

Канішэвічы (Kaniszewicz) — літоўскі шляхецкі род^[14].

Канушэвічы — літоўскі шляхецкі род^[15].

Кунішы (Kunisz) гербу Любіч — шляхецкі род Рэчы Паспалітай^[16].

У XVI ст. існаваў маёнтак Кунашавічы (Кунашевичи) у Жамойцкім старостве^[17].

На 1904 год існавалі вёска і пустка з назвай Конашы (Канашы) у Парэцкім павеце Смаленскай губэрні^[18].

На гістарычнай Меншчыне існуе вёска Кунашы, на гістарычнай Віцебшчыне — Канашэва, на гістарычнай Браслаўшчыне — Канашоўка. Назву Канашы маюць вёскі на гістарычных Віцебшчыне і Полаччыне.