Мажэла

Мажэла (Мажэль, Мазель, Майзэла), Мазала (Мазуль, Масіль, Мазіла, Масель, Мазайла), Мяжала (Мезуль) — мужчынскае імя і вытворнае ад яго прозьвішча.

Mazela
Паходжаньне
Мова(-ы)	германскія
Утворанае ад	Mazo + суфікс з элемэнтам -л- (-l-)
Іншыя формы
Варыянт(ы)	Мазала, Мазель, Мажэль, Майзэла, Мазуль, Масіль, Мазіла, Масель, Мяжала, Мезуль, Мазайла
Зьвязаныя артыкулы
якія пачынаюцца з «Мажэла»

Паходжаньне

Асноўны артыкул: Імёны ліцьвінаў

Мазела, Мазала, Масіла, Масул, Масал або Месіла (Mazela, Mazola, Massila, Masilo^[1], Massul^[2], Massall^[3], Messila^[a]) — імя германскага паходжаньня^[4]. Іменная аснова маз- (мез-, мас-) (імёны ліцьвінаў Мажэйка, Мазан, Мазгіль; германскія імёны Mazecha, Massana, Mesgilo) узыходзіць да гоцкага *Matja 'есьці, ядун'^[5], стараверхненямецкага maz 'ежа'^[6] (беларускае мажны^[b] 'рослы, поўны, моцнага целаскладу; тоўсты').

У Польшчы ў 1602 годзе і ў XVIII ст. адзначалася прозьвішча Mazela^[7].

Варыянты імя ў гістарычных крыніцах: cmeto… Pitko Mesilowicz (15 сакавіка 1497 году)^[8]; Инвенътар двора Бирштанского… под Можелем (1503 год)^[9]; Можели Юревич… Можел Петрович (1537—1538 гады)^[10]; у Лесницъкомъ селе осмънадцат служоб людеи, на имя… Можель Великович (23 траўня 1539 году)^[11]; z Janulem Moyzelowiczem (4 сьнежня 1554 году)^[12]; Maciey Mazulewicz (27 ліпеня 1553 году)^[13]; siolo Lyntupy… Stas Mazalo (26 лютага 1619 году)^[14]; Ławryn Mazelewicz (1621 год)^[15]; Woyciech Mazało (1641 год)^[16]; Васко Мазиленко (1649 год)^[17]; Stanisław y Jan Mazułowie (1 сакавіка 1655 году)^[18]; Jakub Mazoło… Piotr Mazało… Daniło Mazało… Aleksander Mazało… Sczasny Mazało (6 студзеня 1700 году)^[19]; Wieś Dansk. Jonisz Mieżała (1765 год)^[20]; Jan Mazałło (1799 год)^[21]; Franciszek Mazel (1800 год)^[22]; Apolonia Maziło (1804 год)^[23]; Katarzyna Mazylewicz (1822 год)^[24]; Masel-Masiewicz (1913 год)^[25].

Носьбіты

• Мажэлі Юр’евіч і Мажэль Пятровіч — жыхары Жамойцкага староства, якія ўпамінаюцца ў 1537—1538 гадох
• Станіслаў Стэфанавіч Мажаловіч — расенскі зямянін, які ўпамінаецца ў 1590 годзе^[26]
• Войцех і Станіслаў Шчаснавічы Мажаловічы — расенскія зямяне, якія ўпамінаюцца ў 1596 годзе^[27]
• Адам Венцлававіч Мажаловіч — расенскі зямянін, які ўпамінаецца ў 1597 і 1599 гадох^[28][29]
• Якім Масілевіч — жыхар Чашнікаў, які ўпамінаецца ў 1632^[30] і 1633^[31] гадох
• Марцін Мазала — жыхар вёскі Ясяловічаў (Барцянскае староства), які ўпамінаецца ў 1765 годзе^[32]
• Фёдар Мазаловіч — жыхар маёнтку Крупніцы (Полацкае ваяводзтва), які ўпамінаецца ў 1785 годзе^[33]

Мазалы (Mazało) — прыгонныя зь мястэчка Лаздунаў, якія ўпамінаюцца ў XIX стагодзьдзі^[34].

Мезулевічы (Miezulewicz) — літоўскі шляхецкі род^[35].

Масілевічы (Masilewicz) гербу Самсон — літоўскі шляхецкі род^[36].

Масулевічы (Massulewicz, Masulewicz) гербу ўласнага — літоўскі шляхецкі род^[37].

Мазулевічы (Mazulewicz) гербу Радван — літоўскі шляхецкі род^[38].

Мазайла (Mazailo) — прозьвішча, гістарычна зафіксанае на тэрыторыі цяперашняй Летувы^[39].

На 1906 год існавала вёска Мазілава ў Себескім павеце Віцебскай губэрні^[40].

На гістарычнай Слонімшчыне існуе вёска Масілавічы, на гістарычнай Ашмяншчыне — Мазалеўшчына, на гістарычнай Рэчыччыне — Стары Мазалаў. Назву Мазалава маюць вёскі на гістарычных Амсьціслаўшчыне і Віцебшчыне.

Заўвагі

1. Паводле назвы мясцовасьці Messilingun
2. Параўн.: муж > мужны, вежа > вежны і пад.