Март (імя)

Март (Мерт, Мардзь) — мужчынскае імя. Жаночае імя — Марта.

Marti
Паходжаньне
Мова(-ы)	германскія
Іншыя формы
Варыянт(ы)	Мерт, Мардзь
Зьвязаныя імёны	Марціла, Мардвін
Зьвязаныя артыкулы
якія пачынаюцца з «Март»

Паходжаньне

Асноўны артыкул: Імёны ліцьвінаў

Марці, Мэрці або Марда (Marti, Merti, Mardo) — імя германскага паходжаньня^[1]. Іменная аснова -мард- (-март-) паходзіць ад лацінскага імя Марцін^[2] або хрысьціянскага імя Мардас^[a]. Сярод ліцьвінаў бытавалі імёны Мардвін (Мортвін), Мардвін, Мардвіл^[5]. Адзначаліся германскія імёны Martilo, Martoin (Merduwinus), Martoaldus^[2], Mardolf^[1].

Варыянты імя ў гістарычных крыніцах: Huius tempore Mindowe rex Letwinorum et Marta uxor eius baptismum susceperunt et coronam regni in Lethovia a domino Innocentio papa Ivto (Хроніка Лівоніі Германа Вартбэрга)^[6]; Бартошъ Мартовичъ самъ. Братъ его Матеи самъ (1528 год)^[7]; Mortowicza (28 лістапада 1844 году)^[8][b].

Носьбіты

• Марта — жонка караля Міндоўга
• Барташ і Мацей Мартавічы — бельскія баяры, якія ўпамінаюцца ў попісе войска Вялікага Княства Літоўскага 1528 году

Мерты (Miert) гербу Страла — літоўскі шляхецкі род з Ашмянскага павету^[12].

Мардзевічы (Mardiewicz) — літоўскі шляхецкі род^[13].

Мартовіч (Martowicz) — прозьвішча, зафіксаванае ў XIX стагодзьдзі ў ваколіцах Сувалкаў^[14].

Мартышкен (Martischken) — вёска ў Прусіі, якая ўпаміналася ў 1584 годзе^[15].

На гістарычнай Ашмяншчыне існуе вёска Мартышкі, на гістарычнай Віцебшчыне — Марцішкі.

Заўвагі

1. Прыклад падобнага спалучэньня асновы -віл- зь іншай, з усяго відаць, таксама вытворнай ад асабістага імя (Станіслаў, Станька) асновай — Станквиль Монвиловичъ з Ковенскага павету (баярын з попісу войска Вялікага Княства Літоўскага 1528 году^[3])^[4]
2. Таксама:

   • Мардвіл: усходнюю частку вёскі Купнікаў утварае былы засьценак Мардвілавічы, Jan Mardwiłowicz (1739 год)^[9];
   • Мардар: в Берестеиском повете, в Мардаровичох (26 студзеня 1516 году)^[10];
   • Мардміль: Мардмільлёвічы — літоўскі шляхецкі род^[11]