Мікалай Сігневіч
беларускі футбаліст From Wikipedia, the free encyclopedia
Remove ads
Мікала́й Сігне́віч (нарадзіўся 20 лютага 1992 году, Берасьце, Беларусь) — беларускі футбаліст, нападнік казаскага клюбу «Табол» і нацыянальнай зборнай Беларусі.
Remove ads
Кар’ера
Клюбная
Выхаванец берасьцейскага футболу, з 2011 году праходзіў у асноўны склад берасьцейскага «Дынама», у асноўным выходзячы на замены. У сэзоне 2013 году стаў асноўным нападнікам і найлепшым бамбардзірам берасьцейскай каманды. У жніўні 2013 году падпісаў кантракт з барысаўскім БАТЭ да канца 2016 году, але паводле дамоўленасьці выступаў за берасьцейскае «Дынама» да канца 2013 году на правах арэнды[5]. У пачатку 2017 году аддадзены ў арэнду клюбу «Плятаніяс» на паўгоду[6]. Па сканчэньні арэнды ў траўні 2017 году вярнуўся ў БАТЭ[7]. У канцы 2018 году падпісаў кантракт з вугорскім клюбам «Фэрэнцвараш»[8].
У верасьні 2020 году далучыўся да расейскіх «Хімкаў»[9], аднак у тым жа месяцы скасаваў кантракт, правёўшы за клюб тры матчы[10], і вярнуўся ў БАТЭ[11]. У 2020 годзе зьяўляўся на полі эпізадычна, на наступны год з часам замацаваўся ў стартавым складзе. У сьнежні 2021 году на ўзаемную згоду скасаваў кантракт з клюбам[12]. У студзені 2022 году падпісаў кантракт на паўтары гады з грэцкім клюбам «Апалён Сьмірніс»[13]. Застаўся ў камандзе ў сэзоне 2022—2023 гадоў, калі яна выбыла ў другі дывізіён. У жніўні 2023 году зышоў з сталічнага грэцкага клюбу пасьля таго, як ён страціў прафэсійны статус[14]. У студзені 2024 году стаў гульцом казаскага «Атыраў»[15]. Праз год зьмяніў каманду на «Табол», адзначыўшыся голам за клюб у першым жа матчы[16].
Міжнародная
У 2012—2013 гадах выступаў за моладзевую зборную Беларусі, згуляўшы ў ейным складзе 12 матчаў і правёўшы адзін гол.
15 лістапада 2014 году дэбютаваў у нацыянальнай зборнай Беларусі ў гульні адборачнага турніру да чэмпіянату Эўропы 2016 году супраць зборнай Гішпаніі. У тым матчы замяніў на 67-й хвіліне Сяргея Карніленку. Ужо ў другім матчы за зборную, якім стала таварыская сустрэча супраць зборнай Мэксыкі, Сігневіч адкрыў лік галам беларусаў, ураўнаўшы лік на 55-й хвіліне.
Remove ads
Дасягненьні
БАТЭ:
- Чэмпіён Беларусі: 2014, 2015, 2016, 2018
- Срэбраны прызэр чэмпіянату Беларусі: 2020, 2021
- Уладальнік Кубка Беларусі: 2015, 2021
- Уладальнік Супэркубка Беларусі: 2014
- У сьпісе 22 найлепшых футбалістаў чэмпіянату Беларусі: 2013, 2014, 2015
«Фэрэнцвараш»:
- Чэмпіён Вугоршчыны: 2019, 2020
Статыстыка
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads