Рупейка

Рупейка (Рупіка, Рупека, Рупка, Рапейка) — мужчынскае імя і вытворнае ад яго прозьвішча.

Rupke
Паходжаньне
Мова(-ы)	германскія
Утворанае ад	Rupo + суфікс з элемэнтам -к- (-k-)
Іншыя формы
Варыянт(ы)	Рупіка, Рупека, Рупка, Рапейка
Зьвязаныя артыкулы
якія пачынаюцца з «Рупейка»

Паходжаньне

Асноўны артыкул: Імёны ліцьвінаў

Рупке (Rupke) — імя германскага паходжаньня^[1]. Іменная аснова руп- паходзіць ад асновы -грод- (-род-, -руд-)^[2].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Rupek (Rupik, Ropek)^[2].

У Прусіі бытавала імя Ruppe^[a][4].

Варыянты імя ў гістарычных крыніцах: Рупеику у Колтянех чоловекъ (1440—1492 гады)^[5]; в Промядеве чотыри чоловеки… а Рупеика Еиниковича (14 кастрычніка 1502 году)^[6]; в бояр наших жомоитскихъ… в Нармонта Рупеиковича (8 сьнежня 1516 году)^[7]; Михаило Рупеиковичъ^[8], Рупеико Воишутовичъ… Румшъ Рупеиковичъ ^[9], Левъ Рупиковичъ^[10], Рупеико Вишутевичъ^[11] (1528 год); Jakub Rupko (1641 год)^[12]; Benedykt Ropeykowicz, komornik (10 лютага 1779 году)^[13]; panów… Ropejki (1782 год)^[14]; Ignacy Ropeyko (11 лютага 1784 году)^[15]; Rupejko Franciszek (1832—1834 гады)^[16][b].

Носьбіты

• Рупейка — літоўскі баярын, які атрымаў наданьне ад вялікага князя Казімера
• Міхайла Рупейкавіч — эйрагольскі баярын, які ўпамінаецца ў попісе войска Вялікага Княства Літоўскага 1528 году
• Рупейка Вайшутавіч — расенскі баярын, які ўпамінаецца ў попісе войска ВКЛ 1528 году
• Румш Рупейкавіч — відуклеўскі баярын, які ўпамінаецца ў попісе войска ВКЛ 1528 году
• Леў Рупікавіч — паюрскі баярын, які ўпамінаецца ў попісе войска ВКЛ 1528 году
• Рупейка Вішуцевіч — тандзягольскі баярын, які ўпамінаецца ў попісе войска ВКЛ 1528 году
• Ян Лаўрынавіч Рупекавіч — расенскі зямянін, які ўпамінаецца ў 1582 годзе^[20]

Рапейкі і Рупейкі — літоўскія шляхецкія роды^[21].

Рапэйка (Ropejko), Рапейка (Ropiejko) і Рупэйка (Rupejko) — прозьвішчы, зафіксаваныя ў XIX стагодзьдзі ў ваколіцах Сувалкаў^[22].

На 1903 год засьценак Рупішкі існаваў у Вількамірскім павеце, а выселак і паселішча Рупекі — у Цельшаўскім павеце Ковенскай губэрні^[23].

На гістарычнай Ваўкавышчыне існуе вёска Рупейкі, на гістарычнай Лідчыне — Рапэйкі.

Заўвагі

1. Адзначалася старажытнае германскае імя Rupo^[3]
2. Таксама:

   • Роп (адзначалася старажытнае германскае імя Rupo^[3]): Agata Ropowicz (1811 год)^[17];
   • Ропіла (адзначалася старажытнае германскае імя Rupil^[3]): Щасный Ропиловичъ (1567 год)^[18];
   • Рупін: Rupinowicz (1632 год)^[19].