Рыгала

Рыгала (Рыгель), Рыгайла (Рыкайла) — мужчынскае і жаночае імёны і вытворнае ад іх прозьвішча.

Ricgela
Паходжаньне
Мова(-ы)	германскія
Утворанае ад	Rick + Gelo
Іншыя формы
Варыянт(ы)	Рыгель, Рыгайла, Рыкайла
Зьвязаныя артыкулы
якія пачынаюцца з «Рыґала»

Паходжаньне

Асноўны артыкул: Імёны ліцьвінаў

Рыгела або Рыгайл (Ricgela, Rigail^[1]) — імя германскага паходжаньня^[2]. Іменная аснова -рых- (-рык-) (імёны ліцьвінаў Дзітрык, Індрых, Эрык; германскія імёны Ditricus, Hindrich, Erik) паходзіць ад гоцкага reiks 'магутны'^[3], германскага rikja 'магутны, каралеўскі'^[4], а аснова -гайл- (-гал-, -гел-) (імёны ліцьвінаў Відзігайла, Інгела, Монтгайла; германскія імёны Widigail, Ingeila, Montigel) — ад гоцкага і бургундзкага gails 'жвавы, свавольны, ганарысты'^[5].

У Польшчы ў 1546 годзе і ў XVIII ст. адзначалася прозьвішча Rygiel^[6].

У Прусіі бытавала прозьвішча Riegel^[7], у тым ліку ў ваколіцах Мэмэлю^[8].

Варыянты імя ў гістарычных крыніцах: Рикайло (паміж 1387 і 1392 гадамі)^[9][10]; Trochim Regieliew (1558 год)^[11]; дочки, едну Ригайлу (Хроніка літоўская і жамойцкая)^[12].

Носьбіты

• Рыкайла — літоўскі баярын, які ўпамінаецца паміж 1387 і 1392 гадамі
• Рыгор Станіслававіч Рыгала (Рэгала) — расенскі зямянін, які ўпамінаецца ў 1582 годзе^[13]

Рэгелі — літоўскі шляхецкі род^[14].

Рыгель (Rygel, Rygiel) — прозьвішча, зафіксаванае ў XIX стагодзьдзі ў ваколіцах Сувалкаў^[15].

На гістарычнай Берасьцейшчыне існуе вёска Рыгалі, на гістарычнай Гарадзеншчыне — Рыгалаўка.

Глядзіце таксама

• Рых
• Гайла