Рымейка

Рымейка (Рымка) — мужчынскае імя і вытворнае ад яго прозьвішча.

Rimicho
Паходжаньне
Мова(-ы)	германскія
Утворанае ад	Rimo + суфікс з элемэнтам -к- (-k-)
Іншыя формы
Варыянт(ы)	Рымка
Зьвязаныя артыкулы
якія пачынаюцца з «Рымейка»

Паходжаньне

Асноўны артыкул: Імёны ліцьвінаў

Рыміка (Rimicho) — імя германскага паходжаньня^[1]. Іменная аснова -рым- (імёны ліцьвінаў Рымель, Рыман, Рымунд; германскія імёны Riemel, Rimann, Rimund) паходзіць ад гоцкага rimis 'спакой, стрыманасьць, непарухлівасьць'^[2].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Rymko (Rymka)^[3].

У 1639 годзе ў Каралявецкім унівэрсытэце навучаўся Mathias Rimmeck, Marggraboviensis Borussus, у 1641 годзе — Matthias Riemek, Margrabova-Borussus ^[4].

Варыянты імя ў гістарычных крыніцах: а Римеика^[5], Римеику у Колтянех чоловекь Бирнеико^[6] (1440—1492 гады); viginti homines tributarios… sextus Rimeyko (1461 год)^[7]; Римейковича Юшка (каля 1510 году)^[8]; Римъко Марътиновичъ^[9], Кгедвилъ Римеиковичъ^[10] (1528 год); Рымко Янкович… Римко Павлович… Римко Петрашович… Римко Янович… Римейко Юревич (1537—1538 гады)^[11]; Georgius Rimkaw, Lituanus (1571 год)^[12]; до нивы Яна Рымейковича, подданого (30 траўня 1585 году)^[13].; подданые пана его млсти Петръ Станиславовичъ а Матей Рымейковичы (7 лістапада 1596 году)^[14]; Adam Rymeyko (1621 год)^[15]; Chrysostomus Rymeikiewicz (1714 год)^[16]; Jan Remeyko (5 студзеня 1763 году)^[17].

Носьбіты

• Рымейка — літоўскі баярын, які атрымаў наданьне ад вялікага князя Казімера
• Гедзівіл Рымейкавіч — дзірванскі баярын, які ўпамінаецца ў попісе войска Вялікага Княства Літоўскага 1528 году
• Рымка Янкавіч, Рымка Паўлавіч, Рымка Янавіч, Рымка Пятрашавіч і Рымейка Юр’евіч — жыхары Жамойцкага староства, якія ўпамінаюцца ў 1537—1538 гадох

Рымейкі — прыгонныя зь мястэчка Майшаголы, якія ўпамінаюцца ў XIX стагодзьдзі^[18].

Рымейкі^[19] або Рымэйковічы (Rymeyko, Rymeykowicz) гербу Дуброва — літоўскі шляхецкі род^[20].

Рымкевічы (Rymkiewicz) гербаў Божы Дар, Бонча, Любіч, Помян, Прыяцель і Ястрабец — літоўскія шляхецкія роды^[21].

Рымкевічы або Рымковічы (Rymkiewicz, Rymkowicz) гербу Пабог — літоўскі шляхецкі род^[21].

Рымэк (Rymek), Рымэйка (Rymeyko) і Рымкевіч (Rymkiewicz) — прозьвішчы, зафіксаваныя ў XIX стагодзьдзі ў ваколіцах Сувалкаў^[22].

Вёскі з назвай Рымкі існуюць на гістарычных Аршаншчыне, Ашмяншчыне і Лідчыне.