Сасноўка (Фастаўскі раён)

Сасно́ўка (па-ўкраінску: Сосні́вка) — сяло ў складзе Тамашоўскай сельскай тэрытарыяльнай грамады Фастаўскага раёну Кіеўскай вобласьці Ўкраіны.

Сасноўка лац. Sasnoŭka
укр. Соснівка
Герб Сасноўкі Сьцяг Сасноўкі
Першыя згадкі:	1568 год
Былая назва:	Сасновая, Сасноў
Краіна:	Украіна
Вобласьць:	Кіеўская
Раён:	Фастаўскі
Плошча:	0,3 км²
Вышыня:	161 м н. у. м.
Часавы пас:	UTC+2
летні час:	UTC+3
Тэлефонны код:	4578
Паштовы індэкс:	08054
КОАТУУ:	3222787701
Геаграфічныя каардынаты:	50°13′23″ пн. ш. 29°50′7″ у. д.
Сасноўка на мапе Ўкраіны Сасноўка
Галерэя здымкаў у Вікісховішчы

Гісторыя

Вялікае Княства Літоўскае

Згадка пра Сасновую ёсьць у дароўнай грамаце ўнучкі пана Сямёна Полаза Фенны свайму другому, пасьля Мельхіёра Насілоўскага, мужу пану Шчаснаму Харлінскаму, пісанай 6 сьнежня 1568 году^[1]:

Я, Фенна Дмитровна Любецкая, жона пана Щасного Харлинского, дворенина и струкциса господара короля его милости, вызнаваю и явно чиню сим моим листомъ всим посполите и кожному з особна, кому того чтучи слышати нинешним и напотом будучимъ: што перво сего матка моя небожчица кнегиня Дмитровая Романовича Любецкая кнегиня Фенна Семеновна Полозовна небожчику брату моему а сыну своему князю Богушу Дмитровичу Любецкому зостала винна певную суму пенезеи две тысечи копъ грошеи личбы литовское, которую взявши до рукъ своих, на потребы свое властные обернула и в тои суме двохъ тисечах копахъ грошеи заставила сыну своему а брату моему именя свое отчизные, дедизные, материстые у повете Киевскомъ лежачие, тоестъ… Хоиники, Остроглядовичи, Новоселки, Глядковичи, Хвостницу, Ставокъ, Сосновую, половицу Лопатина, Загайцы, Гостомлъ, Вытечов, Бышов, Бугаювъ, землю Злобицкую, три дворища в месте Киевскомъ а дворище, на которомъ былъ двор небожчика деда моего пана Семена Полоза, которые именя и дворища вышеи мененые въ тои суме его милости малжонкови моему заделати и нагородити а на часы пришлыи и потомныи его милост охотнеишимъ и прихилнеишимъ уделати... Писан в Луцку, лета Божего нароженя тисеча пятсот шестдесят осмого, месеца декабра, шостого дня

Напярэдадні падпісаньня акту Люблінскай уніі ўказам караля Жыгімонта Аўгуста ад 6 чэрвеня 1569 году Кіеўскае ваяводзтва (і Сасновая з прылегласьцямі) было далучана да Кароны Польскай^[2].

Карона Каралеўства Польскага

25 красавіка 1618 году князь Януш Астроскі, кашталян кракаўскі, судзіўся з панам Мікалаем Харлінскім ў справе недапушчэньня яго да валоданьня Сасновам і эвікцыі названых добраў. 4 траўня таго году пан Юры Харлінскі і князь Януш Астроскі падпісалі разьмеркавальны акт што да Саснова. 7-м чэрвеня 1621 году пазначаны судовы дакумэнт, які скасоўваў прэтэнзію Мікалая Харлінскага на валоданьне паловай замку і мястэчка Бышаў, сёлаў Ставок, Сасноў^[a], Данкоў і пакідаў іх цалкам ва ўласнасьці мачыхі Катарыны з князёў Збараскіх і брата Юрыя Харлінскіх^[3].

Пад уладай Расейскай імпэрыі

Пасьля другога падзелу Рэчы Паспалітай (1793) Сасноўка апынулася ў Расейскай імпэрыі. З 1797 году сяло — у межах Кіеўскага павету Кіеўскай губэрні.

Найноўшы час

Мапа Кіеўскай акругі УССР. 1925 г.

У 1925 годзе сяло Сасноўка — у складзе Бышаўскага раёну Кіеўскай акругі УССР.

Заўвагі

1. Гэта ўсё — дзедзічныя добры маці Мікалая і Станіслава Харлінскіх Фенны, князёўны Любецкай, першай жонкі Шчаснага Харлінскага, харунжага, падкаморага кіеўскага.