Скарады (Мядзельскі раён)

Скарады́^[1] — вёска ў Мядзельскім раёне Менскай вобласьці, уваходзіць у склад Мядзельскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Скарады.

Скарады
трансьліт. Skarady
Краіна:	Беларусь
Вобласьць:	Менская
Раён:	Мядзельскі
Сельсавет:	Мядзельскі
Насельніцтва:	3 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222400
Нумарны знак:	5
Геаграфічныя каардынаты:	54°51′43″ пн. ш. 27°2′57″ у. д.
Скарады на мапе Беларусі ± Скарады Скарады

Гісторыя

• 1770 год — зьяўляліся вёскай Мядзельскага староства Ашмянскага павету Віленскага ваяводзтва. Вёска налічвала 5 сем’яў.
• 1868 год — зьяўляліся вёскай у Мядзельскай воласьці Вялейскага павету Віленскай губэрні. Вёска налічвала 7 двароў і 78 жыхары.
• 1904 год — вёска налічвала 128 жыхары. У вёсцы знаходзілася школа граматы, у якой ў 1896/97 навучальным годзе вучыліся 17 хлопчыкаў.
• 1908 год — 21 двор, 131 жыхар.
• 1921 год — знаходзіцца ў складзе Мядзельскай гміны Дунілавіцкага павету (з 1925 году — Пастаўскага) Віленскага ваяводзтва. Вёска налічвала 24 двары і 137 жыхароў.
• 1931 год — вёска налічвала 28 двары і 146 жыхароў^[2].
• З 12 кастрычніка 1940 году і з 25 студзеня 1996 году знаходзілася ў складзе Лук’янавіцкага сельсавету Мядзельскага раёну Вялейскай вобласьці (з 20 верасьня 1944 году — Маладэчанскай).
• У верасьні 1943 году падчас Вялікай Айчыннай вайны нямецка-фашысцкія захопнікі спалілі вёск — 31 двор — і забілі трох жыхароў. Пасьля вайны вёска была адбудаваная.
• 1948 год — створаны калгас «Пераможца». З красавіка 1954 году вёска знаходзіцца ў складзе сучаснага калгасу «Пераможца» з цэнтрам у вёсцы Лук’янавічы.
•  З 16 ліпеня 1954 году і з 25 студзеня 1996 году вёска знаходзіцца ў складзе Мядзельскага сельсавету, з 17 лістапада 1959 году — у складзе гарпассавету Мядзельскага раёну.
• 20 студзеня 1960 году вёска ўвайшла ў склад Менскай вобласьці.

Насельніцтва

• 2010 год — 3 жыхары
• 1999 год — 16 жыхароў
• 1 студзеня 1997 году — 18 двароў, 23 жыхары