Сурвілішкі (Віцебская вобласьць)

Сурві́лішкі^[1] — вёска ў Беларусі, паміж азёрамі Вялікімі Сурвілішкамі і Малымі Сурвілішкамі. Уваходзяць у склад Камайскага сельсавету Пастаўскага раёну Віцебскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сурвілішкі (неадназначнасьць).

Сурвілішкі лац. Surviliški
Краіна:	Беларусь
Вобласьць:	Віцебская
Раён:	Пастаўскі
Сельсавет:	Камайскі
Насельніцтва:	68 чал. (2010)
Часавы пас:	UTC+3
Тэлефонны код:	+375 2155
Паштовы індэкс:	211865
Нумарны знак:	2
Геаграфічныя каардынаты:	55°5′30.8″ пн. ш. 26°31′15.9″ у. д.
Сурвілішкі на мапе Беларусі ± Сурвілішкі Сурвілішкі

Назва

Асноўны артыкул: Сурвіла

Паводле францускага лінгвіста-германіста Раймонда Шмітляйна, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў, імя Сурвіла цалкам адпавядае германскаму імю Surville, ад якога ўтварыліся назвы некалькіх мясцовасьцяў у Францыі^[2].

Яшчэ этнограф і мовазнаўца Яўхім Карскі зьвяртаў увагу на тое, што ў латыскай Курляндыі, «большасьць беларускіх населеных месцаў заканчваюцца на -ішкі»^[3], пазьней у рэчышчы палітыкі летувізацыі падобныя тапонімы на -ішкі азначылі як «гістарычна балтыйскія» і нават «тыпова летувіскія»^[4]. Тым часам менскі дасьледнік Алёхна Дайліда зазначае, што «ва ўсходнегерманскіх мовах быў пашыраны суфікс -isk-: такім парадкам, так менаваная «лінія Сафарэвіча» (мяжа перавагі паселішчаў з назовамі на -ішкі ў Панямоньні) не абавязкова зьнітаваная з балтамі»^[5].

Гісторыя

Да 8 красавіка 2004 году вёска ўваходзіла ў склад Мягунскага сельсавету.

Насельніцтва

• 1999 год — 62 чалавекі
• 2010 год — 68 чалавек

Асобы

• Зыгмунт Чаховіч (1831—1907) — адзін з кіраўнікоў паўстаньня 1863—1864 гадоў