Таліят Кезгайлавіч

Таліят Кезгайлавіч — літоўскі баярын.

Таліят Кезгайлавіч
лац. Talijat Kiezgajłavič / Kiezhajłavič

Герб «Задора»
Асабістыя зьвесткі
Род	Кезгайлы
Бацькі	Кезгайла Валімонтавіч Алена

Імя

Асноўныя артыкулы: Таліят і Кезгайла

Тала (Talo) і Ёта (Joto) — імя германскага паходжаньня^[1]. Іменная аснова тал- (дал-) (імёны ліцьвінаў Дальман, Талімунт, Талмут; германскія імёны Dalman, Talamund, Talamot) паходзіць ад гоцкага tals 'дасьціпны, руплівы'^[2] або ад германскага і стараангельскага deall 'славуты, ганарлівы'^[3], а аснова -ют- (-ят-) (імёны ліцьвінаў Ютэль, Даўят, Карыят; германскія імёны Jutilo, Dowyatt, Cariatto) — ад гоцкага iuþa, старагерманскага joþ 'дзіцё, народзінец, нашчадак'^[2]. Такім парадкам, імя Таліят азначае «дасьціпнае дзіця»^[4].

Варыянт імя ў гістарычнай крыніцы: Троцкое волости. Таляту Кезкгаиловичу пять чоловеков (Талят Кезкгаилович; 1440—1492 гады)^[5].

Біяграфія

Зь літоўскага баярскага роду Кезгайлаў гербу «Задора», імаверны сын Кезгайлы Валімонтавіча, кашталяна віленскага. Відаць, меў братоў Міхайлу, Яна, Пятра, Дабяслава і Бутрыма.

У 1433 годзе нейкі Таліят (Taleiothe) упамінаецца сярод літоўскіх водцаў, што ўварваліся ў землі Тэўтонскага ордэну (магчыма, тоесны Таліяту Вігайлавічу, які ў 1431 годзе засьведчыў Чартарыйскую ўмову).

У сярэдзіне XV ст. атрымаў пяць чалавек у Троцкай воласьці. Магчыма, тоесны памянёнаму ў лісьце 1481 году Яна Кезгайлы цівуну эйрагольскаму Таліяту^[6].