Дабяслаў Кезгайла

Дабяслаў Кезгайла (Добка Кезгайлавіч; ? — каля 1460) — дзяржаўны дзяяч Вялікага Княства Літоўскага. Кашталян віленскі (з 1458).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дабяслаў.

Дабяслаў Кезгайла
лац. Dabiasłaŭ Kiezgajła / Kiezhajła

Герб «Задора»
Асабістыя зьвесткі
Нарадзіўся	невядома Вялікае Княства Літоўскае
Памёр	каля 1460 Вялікае Княства Літоўскае
Род	Кезгайлы
Бацькі	Кезгайла Валімонтавіч Алена

Імя

Асноўныя артыкулы: Імёны ліцьвінаў і Кезгайла

Геза або Кеза (Geso, Keso) і Гайла (Gailo) — імёны германскага паходжаньня^[1][2]. Іменная аснова -гез- (-гіз-, -кез-) (імёны ліцьвінаў Геска, Гізель, Гесмонт; германскія імёны Geske, Giesel, Gismondus) паходзіць ад гоцкага gais 'суліца, кап’ё'^[3], германскага gaizá 'завостраны кій'^[4], а аснова -гайл- (-гал-, -гел-) (імёны ліцьвінаў Відзігайла, Інгела, Монтгайла; германскія імёны Widigail, Ingeila, Montigel) — ад гоцкага і бургундзкага gails 'жвавы, свавольны, ганарысты'^[3]. Такім парадкам, імя Кезгайла азначае «жвавае кап’ё»^[5].

Форма імя ў гістарычных крыніцах: Dobeslaus filius domini Kiesgal^[6] (30 верасьня 1442 году)^[7].

Біяграфія

Зь літоўскага баярскага роду Кезгайлаў гербу «Задора», сын Кезгайлы Валімонтавіча, кашталяна віленскага^[8], і Алены зь нявызначанага роду. Меў братоў Міхайлу, Яна, Пятра, Бутрыма і, магчыма, Таліята.

Упершыню ўпамінаецца пад 1442 годам. Значыцца як кашталян віленскі ў тэстамэнце Івашкі Манівідавіча, тагачаснага ваяводы віленскага.

Няма зьвестак пра жонку і нашчадкаў.

Глядзіце таксама

• Судзівой Валімонтавіч
• Дабрагост Нарбутавіч
• Завіша Гудзігердавіч