Юры Гайлімін

Юры Гайлімін, Гайлімін Надобавіч (упамінаецца ад 1409; памёр, імаверна, перад 1438) — дзяржаўны дзяяч Вялікага Княства Літоўскага, староста вялёнскі (1432) і жамойцкі (1433—1434).

Уласны геральдычны знак Юрыя Галіміна (зь пячаці 1434 г.)

Юры Гайлімін
лац. Jury Gajlimin / Hajlimin

герб «Дубна»
Асабістыя зьвесткі
Памёр	перад 1438
Бацькі	Станіслаў Надоба[d][1]

Магчыма, вотчынныя ўладаньні знаходзіліся ў Эйраголе і Відуклі. Меў маёнткі ў Вялёне^[2].

Імя

Асноўны артыкул: Гайлімін

Гелемін або Гальмін, пазьней Галамін або Гайлімін (Geleminus^[3], Galmin^[a][4], Galamin, Gaillemin^[5]) — імя германскага паходжаньня^[6]. Іменная аснова -гайл- (-гал-, -гел-) (імёны ліцьвінаў Відзігайла, Інгела, Монтгайла; германскія імёны Widigail, Ingeila, Montigel) паходзіць ад гоцкага і бургундзкага gails 'жвавы, свавольны, ганарысты'^[7], а аснова -мін- (-мен-) (імёны ліцьвінаў Мінят, Альмін, Асьміна; германскія імёны Miniatus, Almin, Osminna) — ад гоцкага minan 'менаваць, памятаць, любіць'^[8], minthi 'памяць'^[9]. Такім парадкам, імя Гайлімін азначае «жвавы думкамі» (тое ж, што і імя Мінігайла)^[10].

Варыянты імя ў гістарычных крыніцах: Geilemin Nadaps sone (6 чэрвеня 1409 году)^[11]; Jorge Gailemynne (16 чэрвеня 1409 году)^[12]; Galeminne (21 чэрвеня 1409 году)^[13]; Поилыминъ (1431—1432 гады, перапісанае ў 1543—1547 гадох)^[14]; Herr Golymyn Hauptmann zu Welun (17 жніўня 1432 году)^[15]; Goylimin Nadobowicz (15 кастрычніка 1432 году)^[16]; Golymini capitanei Samagittiae [sigilla] (20 студзеня 1433 году)^[17]; Golimyn capitanues Samagittiae (27 лютага 1434 году)^[18]; Кгойлиминъ (1434—1437 гады, перапісанае ў 1543—1547 гадох)^[14]; Golymyn, Goleminne^[2]; шесть чоловековъ под Кгоилиминомъ^[19], земля Кгоилиминова^[20] (1440—1492 гады).

Біяграфія

Зь літоўскага баярскага роду, сын Станіслава Надоба. Меў брата Станіслава. Апроч уласнага знака, вядомага зь пячаці 1434 году, карыстаўся гербам «Дубна» (прывесіў пячаць з гэтым гербам да дакумэнту Гарадзенскай уніі ў 1432 годзе). Таму, імаверна, быў у сваяцтве з Войцехам Карэйвам, які прыняў гэты герб на Гарадзельскай уніі^[2].

Упершыню ўпамінаецца ў 1409 годзе, калі выконваў даручэньні Вітаўта ў Жамойці. Кіраваў жамойцкай дэлегацыяй на Канстанцкім саборы. У 1432 годзе Сьвідрыгайла даслаў яго на перамовы зь вялікім магістрам. У гэты час быў старостам вялёнскім, у 1433—1434 гадох — старостам жамойцкім.

Мова і культура

Асноўныя артыкулы: Ліцьвіны і Русіны

Да актаў Гарадзенскай уніі (1432 год) і Гарадзенскай умовы (1434 год) прывесіў пячаці з рускімі надпісамі^[21][22]:

ГОІЛЬЕМИНОВА НАДО'ВИЧА

КГОИЛИМИНЪ НАДОБЬЕВЪ

Заўвагі

1. Паводле назвы мясцовасьці Galmindrup