Юшкавічы (Мядзельскі раён)

Ю́шкавічы^[1] — вёска ў Мядзельскім раёне Менскай вобласьці, уваходзіць у склад Мядзельскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Юшкавічы.

Юшкавічы
трансьліт. Juškavičy
Краіна:	Беларусь
Вобласьць:	Менская
Раён:	Мядзельскі
Сельсавет:	Мядзельскі
Насельніцтва:	29 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222399
СААТА:	6240831126
Нумарны знак:	5
Геаграфічныя каардынаты:	54°56′37″ пн. ш. 26°57′0″ у. д.
Юшкавічы на мапе Беларусі ± Юшкавічы Юшкавічы
Галерэя здымкаў у Вікісховішчы

Гісторыя

• 1904 год — на месцы сучаснай вёскі разьмяшчаліся сядзіба Юшкавічы, фальварак, засьценак, пасёлак і вёска Мядзельскай воласьці Вялейскага павету Віленскай губэрні. Сядзіба зьяўлялася ўладаньнем Леановіча, складалася з 2 жыхароў і 3 дзесяцінаў зямлі. Фальварак быў уладаньнем Купрэвічаў, складаўся з 33 жыхароў і 120 дзесяцінаў зямлі. Засьценак належаў Нафрановічам, уключаў у свой склад 13 жыхароў і 43 дзесяціны зямлі. Пасёлак зьяўляўся ўладаньнем праваслаўнай царквы і налічваў 12 жыхароў і 40 дзесяцінаў зямлі. Вёска складалася з 191 жыхара, якія валодалі 142 дзесяцінамі зямлі.
• 1908 год — у складзе вёскі 24 двароў, 173 жыхары.
• 1921 год — знаходзіцца ў складзе Мядзельскай гміны Дунілавіцкага павету (з 1925 году — Пастаўскага) Віленскага ваяводзтва. Вёска налічвала 45 двароў і 240 жыхароў.
• 1931 год — вёска налічвала 52 двароў і 251 жыхароў^[2].
• 12 кастрычніка 1940 году вёска ўвайшла ў склад Баярскага сельсавету Мядзельскага раёну Вялейскай вобласьці (з 20 верасьня 1944 году — Маладэчанскай). Вёска налічвала 50 двароў і 156 жыхароў.
• верасень 1943 — падчас Вялікай Айчыннай вайны нямецка-фашысцкія захопнікі спалілі вёску (50 двароў). Пасьля вайны Юшкавічы былі адбудаваныя.
• 1949 год — створаны калгас «Новае жыцьцё».
• З 16 ліпеня 1954 году і з 25 студзеня 1996 году знаходзілася ў складзе Мядзельскага сельсавету, з 17 лістапада 1959 году — у складзе гарпассавету Мядзельскага раёну.
• З 1954 году вёска ўваходзіць у склад калгасу «Пераможца» з цэнтрам у вёсцы Лук’янавічы.
• 20 студзеня 1960 году вёска ўвайшла ў склад Менскай вобласьці.
• З 11 лютага 1960 году вёска знаходзіцца ў складзе калгасу «Сталінскі шлях», з 20 лістапада 1960 году — калгасу «Ленінскі шлях» з цэнтрам у вёсцы Баяры.

Насельніцтва

• 2010 год — 29 жыхароў
• 1999 год — 44 жыхары
• 1 студзеня 1997 году — 36 двароў, 56 жыхароў

Інфраструктура

У вёсцы знаходзіцца крама.