Асіпавічы (футбольны клюб)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Асіпавічы (неадназначнасьць), Асіповічы (неадназначнасьць).

Асіпавічы
Поўная назва	па-беларуску: Асіповічы
Заснаваны	1994
Горад	Асіпавічы, Беларусь
Стадыён	Юнацтва Умяшчальнасьць: 2500
Галоўны трэнэр	Андрэй Лясюк[1]
Чэмпіянат	Першая ліга
· 2024 (Магілёўская)	1 месца

«Асіпавічы» — беларускі футбольны клюб з гораду Асіпавічаў. Заснаваны ў 1994 годзе. У 1999 годзе клюб выступаў у Найвышэйшай лізе, дзе заняў 15 месца і апусьціўся ў Першую лігу. У 2003 годзе каманда пад ужо сучаснай назвай трапіла ў Другую лігу, дзе і праводзіла большую частку сваёй гісторыі. У 2022 годзе зноўку павярнулася ў Першую лігу.

Гісторыя

Клюб быў заснаваны ў 1994 годзе і першапачаткова меў назву КРЗ, пазьней у 1996 годзе атрымаў назву «Сьвіслач-Дах». У 1998 годзе клюб выйшаў у Першую лігу, а на наступны год дэбютаваў у Найвышэйшай лізе. Выступ у найвышэйшым дывізіёне, аднак, быў нядоўгім, то бок клюб заняў апошняе месца і апусьціўся назад у Першую лігу. Найлепшымі бамбардзірамі той каманды былі Сяргей Крот, Ігар Паркулевіч і Максім Самушчык, кожны зь якіх запісаў 4 галы на свой рахунак у чэмпіянаце. «Сьвіслач-Дах» у тым сэзоне двойчы вырагуляў «Маладэчна», а таксама здабыў перамогі над «Тарпэда-Кадзіна» і «Лідай». Праз тры гады ўвогуле апынуўся ў Другой лізе. З 2002 году клюб мае сучасную назву.

Гульцы «Асіпавічаў» у матчы Кубка Беларусі супраць «Гомля».

У сэзоне 2016 году, пасьля доўгіх безвыніковых гадоў у трэцім дывізіёне, «Асіпавічы» сталіся адным з асноўных прэтэндэнтаў на павышэньне ў клясе. Каманда амаль увесь сэзон трымала другое месца ў табліцы і, не зважаючы на няўдалы фініш, здолела захаваць яго паводле вынікаў чэмпіянату і прасунуцца ў Першую лігу. Па вяртаньні ў другі дывізіён дружына з пачатку турніру апынулася ў зоне вылету. У другой палове сэзону «Асіпавічы» замацаваліся на перадапошнім месцы і, не зважаючы на барацьбу да апошняга тура, выбылі ў Другую лігу. У сэзоне 2018 году ў Другой лізе каманда месьцілася ў верхняй частцы табліцы, але не прэтэндавала на прызавыя месцы, і скончыла сэзон на шостым радку. Сытуацыя захавалася і ў сэзоне 2019 году, калі «Асіпавічы» сталі восьмымі.

Паводле вынікаў сэзону 2021 году асіпавіцкі клюб скончыў першынство на пятымі радку і ў пачатку 2021 году атрымалі прапанову заявіцца ў Першую лігу замест камандаў, якія адмовіліся ад удзелу, аднак у сакавіку 2021 году клюб вырашыў працягнуць свае выступы ў Другой лізе^[2]. «Асіпавічы» выйшлі ў плэй-оф Другой лігі, дзе ў выніку занялі чацьвертае месца ў атрымалі месца ў Першай лізе. У сэзоне 2022 году ў Першай лізе клюб быў сярод аўтсайдэраў, аднак за некалькі тураў да фінішу здолеў пакінуць апошні радок і фінішаваць на 12 месцы перад «Баранавічамі».

Склад

Актуальны на 6 красавіка 2025 году

№ Пазыцыя Імя Год нараджэньня 3 Аб Андрэй Кухацкаволец 2005 4 Аб Максім Жордачкін 2004 5 Аб Арцём Гляк 2005 6 ПА Максім Азараў 2001 7 Аб Павал Рацкевіч 2002 8 ПА Аляксандар Болдыраў 2003 9 Нап Максім Баравік 2002 10 ПА Дзьмітры Дзенісенка  (ар. Белшына) 2004 11 Нап Даніла Стаін 2002 12 ПА Аляксандар Грынь 2003 14 ПА Аляксандар Зьвераў 2006 15 ПА Кірыл Малых  (ар. Белшына) 2006 16 Бр Канстанцін Магалецкі 1991

№ Пазыцыя Імя Год нараджэньня 17 Нап Аляксандар Емяльянаў (капітан) 1995 18 ПА Андрэй Емяльянаў  1995 19 Нап Адрыян Платон 2006 21 ПА Яўген Елязаранка 1993 23 Нап Максім Кунскі  2003 25 ПА Аляксандар Мінкевіч 2006 27 ПА Максім Самарцаў 2005 29 Нап Іван Каржанеўскі 2005 31 Нап Анатоль Ярмоліч 2005 33 Бр Арсень Кудзін 1995 — Бр Андрэй Ігнатовіч  (ар. Дняпро) 2003 — Аб Ільля Рабешка 2002 — Аб Арцём Перапечка 2005

Статыстыка

Сэзон	Ліга	Месца	Г	В	Н	П	РМ	Пкт	Кубак
2012	Другая	18	36	8	9	19	47–74	33	1/32
2013	Другая	9	24	5	8	11	28–35	23	1/32
2014	Другая	11	24	9	6	9	32–33	33	1/64
2015	Другая	8	26	12	1	13	48–45	37	1/32
2016	Другая	2 ▲	24	13	6	5	50–29	45	1/32
2017	Першая	15 ▼	30	6	7	17	30–62	25	1/32
2018	Другая	6	28	11	7	10	51–42	40	1/32
2019	Другая	8	28	10	5	13	32–48	35	1/32
2020	Другая — група Б	3	20	12	1	7	44–35	37	1/32
	Другая — фінальны этап	5	10	3	0	7	14–27	9
2021	Другая — Магілёўскі	2	18	12	3	3	60–16	39	1/32
	Другая — плэй-оф	4 ▲	7	3	2	2	12–12
2022	Першая	12	24	3	4	17	21–53	13	1/16

Галоўныя трэнэры

• Аляксандар Кавалеўскі (з 2019 году)
• Вадзім Чэчат (верасень — сьнежань 2018 году)^[3]
• Канстанцін Чахаў (ліпень — верасень 2018 году)^[4]
• Дзяніс Дрыгалёў (красавік 2017 году — ліпень 2018 году)^[5]
• Аляксандар Кончыц (да 2016 году)