Вірконт

Вірконт (Вярконт, Варакунць) — мужчынскае імя.

Wercund
Паходжаньне
Мова(-ы)	германскія
Утворанае ад	Wero + Cund
Іншыя формы
Варыянт(ы)	Вярконт, Варакунць
Зьвязаныя імёны	Gunthivera
Зьвязаныя артыкулы
якія пачынаюцца з «Вірконт»

Паходжаньне

Асноўны артыкул: Імёны ліцьвінаў

Верыкунд, Веркунд, Вергунт або Варыгунда (Werecundus, Wercund^[1], Wergund, Warigundis) і Гунтывера (Gunthivera^[2]) — імёны германскага паходжаньня^[3][4]. Іменная аснова -вер- (-вар-, -вір-) (імёны ліцьвінаў Вірбольт, Вербут, Вірмонт; германскія імёны Virboldus, Warboto, Vermunt) паходзіць ад германскага *war(j)a-, war(i)n 'абарона'^[5], а аснова -гунд- (-гунт-, -кунт-) (імёны ліцьвінаў Гунтар, Вігунт, Гаўгонт; германскія імёны Guntar, Wigunt, Gavigunt) — ад гоцкага gunþs 'бойка, бітва'^[6].

Варыянты імя ў гістарычных крыніцах: на боярына господарского Ошменьского повета Стася Янушковича Ворокунътевича (6 кастрычніка 1528 году)^[7]; xiędzu Jakubowi Verecundusowi, plebanowi jurborskiemu (18 лістапада 1596 году)^[8]; Wirkontowna (4 траўня 1755 году)^[9][a].

Носьбіты

• Юры Вірконтавіч — жыхар Жамойцкага староства, які ўпамінаецца ў 1538 годзе^[14]

У XVI ст. існавала «зямля» Вярконцішка (Верконтишка) у Жамойцкім старостве^[15].

Глядзіце таксама

• Вера
• Гунт

Заўвагі

1. Таксама:

   • Сьвірконт, Сьвіргонт, Сьвіркунт (параўн.: Dawid Żminigajło Jawgiel, т. б. z Minigajła^[10]): Свирконту семъица (1440—1492 гады)^[11], Swirgont (XV—XVI ст. паводле выпісу XIX ст.)^[12], землю Свиръконтишки… Кгедмин Свиркунтович (1537—1538 гады)^[13]