Гарані (Мядзельскі раён)

Гара́ні^[1] — былая вёска ў Мядзельскім раёне Менскай вобласьці, на мяжы з Пастаўскім раёнам. Уваходзіла у склад Мядзельскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Гарані.

Гарані
трансьліт. Harani
Краіна:	Беларусь
Вобласьць:	Менская
Раён:	Мядзельскі
Сельсавет:	Мядзельскі
Насельніцтва:	2 чал. (1999)
Часавы пас:	UTC+3
Тэлефонны код:	+375 1797
Паштовы індэкс:	222380
СААТА:	6240831035
Нумарны знак:	5
Геаграфічныя каардынаты:	55°0′52″ пн. ш. 26°49′9″ у. д.
Гарані на мапе Беларусі ± Гарані Гарані

Гісторыя

• 1868 год — зьяўлялася вёскай у Кабыльніцкай воласьці Сьвянцянскага павету Віленскай губэрні. Вёска налічвала 3 двары і 20 жыхароў.
• 1904 год — вёска, налічвала 33 жыхароў. Побач зь вёскай знаходзіўся засьценак Гарані, які зьяўляўся ўладаньнем Даўгялы, і ўчастак, які зьяўляўся ўладаньнем Гірычаў. Насельніцтва засьценку складала 13 жыхароў, участку — 17.
• 1907 год — у складзе вёскі знаходзіліся 6 двароў і 30 жыхароў.
• З 12 кастрычніка 1940 году вёска знаходзіцца ў складзе Латвянскага сельсавету Пастаўскага раёну (з 25 лістапада 1940 году — Мядзельскага) Вялейскай вобласьці (з 20 верасьня 1944 году — Маладэчанскай).
• У верасьні 1943 году падчас Вялікай Айчыннай вайны вёска была спаленая нямецкімі захопнікамі (9 двароў). Пасьля вайны вёска адбудаваная.
• З 1957 году вёска знаходзіцца ў складзе калгасу «40 гадоў Кастрычніка» з цэнтрам у вёсцы Лотва.
• 20 студзеня 1960 году вёска ўвайшла ў склад Менскай вобласьці.
• 1960 год — насельніцтва вёскі складала 51 жыхара.
• 9 верасьня 2006 году перададзеная зь ліквідаванага Лацьвянскага ў Мядзельскі сельсавет^[2].
• Скасаваная з 30 лістапада 2016 году.^[3]

Насельніцтва

• 1999 год — 2 жыхары
• 1 студзеня 1997 году — 4 двары, 7 жыхароў