Гертаўт

Гертаўт (Гіртаўт, Кіртаўт) — мужчынскае імя і вытворнае ад яго прозьвішча Гортаўт.

Gertold
Паходжаньне
Мова(-ы)	германскія
Утворанае ад	Gerd + Wald
Іншыя формы
Варыянт(ы)	Гіртаўт, Кіртаўт, Гортаўт
Зьвязаныя імёны	Waldigardis
Зьвязаныя артыкулы
якія пачынаюцца з «Ґертаўт»

Паходжаньне

Асноўны артыкул: Імёны ліцьвінаў

Гартвалд або Герталд, пазьней Картальд (*Gartwald, Gertoldus^[1], Kartold) і Валдзігарда (Waldigardis^[2]) — імёны германскага паходжаньня^[3]. Іменная аснова -гард- (-герд-, -герт-) (імёны ліцьвінаў Альгерд, Мундыгерд, Тэўтыгерд; германскія імёны Algardus, Mundgerd, Teutgerdis) паходзіць ад гоцкага gairdan 'падпяразваць' (пераноснае 'ахоўваць'), garda 'агароджа' (пераноснае 'ахова, бясьпека'), а аснова -валд- (-алд, -олт) (імёны ліцьвінаў Геральт, Левалт, Рамвольт; германскія імёны Gerwald, Lewolt, Romuald) — ад гоцкага і германскага waldan 'валодаць, гаспадарыць' або wulþus 'слава, мажнасьць'^[4].

Варыянты імя ў гістарычных крыніцах: Адамъ Кгертовтовичъ (1528 год)^[5]; в бояр нашых волости Ейшишъское… въ Дороты Марътиновое Киртовътовича (26 чэрвеня 1530 году)^[6]; Adam Girtowt (1824 год)^[7].

Носьбіты

• Герталд Клейчэр (Gertold Kleyczer) — войт Глівіцаў у 1286 годзе^[8]
• Адам Гертаўтавіч — відуклеўскі баярын, які ўпамінаецца ў попісе войска Вялікага Княства Літоўскага 1528 году
• Балтрамей Станіслававіч Гортаўт — расенскі зямянін, які ўпамінаецца ў 1597 годзе^[9]

У XVI ст. існаваў «дварэц» Гіртаўцішкі (Гиртовтишки) у Жамойцкім старостве^[10][11].

Глядзіце таксама

• Герд
• Валд