Паўлаўка (Гомельская вобласьць)

Па́ўлаўка^[1] — вёска ў Беларусі, пасярод сеткі мэліярацыйных каналаў, на паўднёвы захад ад урочышча Забалоцьце. Уваходзіць у склад Старавысокаўскаага сельсавету Ельскага раёну Гомельскай вобласьці. Насельніцтва 49 чал. (2004). Знаходзіцца за 22 км на захад ад места і чыгуначнай станцыі Ельск (лінія Каленкавічы — Оўруч), за 199 км ад Гомелю; на аўтамабільнай дарозе Старое Высокае — Ельск.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Паўлаўка.

Паўлаўка
Краіна:	Беларусь
Вобласьць:	Гомельская
Раён:	Ельскі
Сельсавет:	Старавысокаўскі
Насельніцтва:	49 чал. (2004)
Часавы пас:	UTC+3
Тэлефонны код:	+375 2354
Нумарны знак:	3
Геаграфічныя каардынаты:	51°47′41.4″ пн. ш. 28°51′18.0″ у. д.
Паўлаўка на мапе Беларусі ± Паўлаўка Паўлаўка

Гісторыя

Упершыню Паўлаўка згадваецца ў XIX ст. як вёска Мазырскага павету Менскай губэрні. У 1850 мясьціна знаходзілася ў валоданьні Горватаў. Паводле вынікаў перапісу (1897) у Паўлаўцы працавалі крама і вятрак. У 1908 паселішча ўваходзіла ў склад Каролінскай воласьці. У 1918 тут адкрылася школа.

Насельніцтва

• XIX стагодзьдзе: 1850 — 10 двароў; 1897 — 33 двары, 230 жыхароў (паводле перапісу)
• XX стагодзьдзе: 1908 — 45 двароў, 299 жыхароў; 1940 — 72 двары, 194 жыхары; 1959 — 118 жыхароў (паводле перапісу); 1999 — 60 жыхароў
• XXI стагодзьдзе: 2004 — 19 гаспадарак, 49 жыхароў^[2]