Судзімонтавічы

Судзімонтавічы — шляхецкі род Вялікага Княства Літоўскага.

Судзімонтавічы лац. Sudzimontavičy
Герб Судзімонтавічаў
Краіна паходжаньня	Вялікае Княства Літоўскае

Прозьвішча

Асноўны артыкул: Судзімонт (імя)

Суда (Sudo) і Мунд або Монт (Мунд, Mont) — імёны германскага паходжаньня^[1][2]. Іменная аснова суд- (сут-) (імёны ліцьвінаў Судзіла, Судар, Сутарт; германскія імёны Sudila, Suderus, Sutardus) паходзіць ад гоцкага sauþa 'вобраз'^[3], а аснова -мунд- (-мунт-, -монт-) (імёны ліцьвінаў Монтгерд, Валімонт, Жыгімонт; германскія імёны Mundgerd, Walmont, Sigimunt) — ад германскага *mundô 'рука, абарона, крэўнасьць'^[4] або гоцкага munds 'моц розуму, імкненьне', mundrs 'гарлівы, палкі'^[5]. Такім парадкам, імя Судзімонт азначае «вобраз гарлівасьці»^[6]. Адзначалася старажытнае германскае імя Sodilmunt^[7].

Гісторыя

Пачынальнік роду — баярын Судзімонт Доргевіч, чашнік вялікі літоўскі і староста крэўскі; меў сыноў Алехну, Мікалая Кміту і Івана (Івашку).