Фінал Лігі чэмпіёнаў УЭФА 2022 году

Фінальны матч Лігі чэмпіёнаў УЭФА 2022 году праходзіў у Парыжы на стадыёне «Стад дэ Франс», дзе сустракаліся ангельскі клюб «Лівэрпул» і гішпанскі клюб «Рэал». Гэта быў 67-ы фінал у гісторыі Кубка эўрапейскіх чэмпіёнаў і 30-ы фінал у гісторыі Лігі чэмпіёнаў УЭФА. Футбольны матч прызначаны на суботу 28 траўня 2022 году. Пераможца Лігі чэмпіёнаў атрымае права згуляць зь пераможцам Лігі Эўропы ў гульні за Супэркубак УЭФА ўлетку 2022 году, а таксама возьме ўдзел ў розыгрышу клюбнага чэмпіяната сьвету па футболе. Першапачаткова плянавалася, што фінал будзе згуляны на «Альянц-Арэне» ў нямецкім Мюнхене. Аднак празь перанос фіналу 2020 году фінал 2022 году павінен быў быць праведзены ў Санкт-Пецярбургу^[1]. У лютым 2022 году УЭФА зацьвердзіў, што будзе разглядаць пытаньне пераносу матчу з Расеі праз распачатую ёй вайну супраць Ўкраіны^[2][3][4]. На скліканным пазачарговым паседжаньні быў зацьверджаны перанос галоўнай гульні спаборніцтва з Расеі ў іншую краіну, якой сталася Францыя^[5][6].

Перад гульнёй

Арбітар

Галоўны судзьдзя фіналу Клеман Цюрпэн.

11 траўня 2022 году УЭФА прызначыла француза Клемана Цюрпэна судзьдзём фіналу. Цюрпін ёсьць арбітрам ФІФА з 2010 году, раней абслугоўваючы фінал Лігі чэмпіёнаў у якасьці чацьвёртага арбітра ў 2018 годзе, дзе таксама спаборнічалі адзін з адным «Рэал» і «Лівэрпул». У папярэднім сэзоне ён быў арбітрам фіналу Лігі Эўропы, у якім сышліся «Вільярэал» і «Манчэстэр Юнайтэд». У гэтым сэзоне Лігі чэмпіёнаў, на фінал якога Цюрпэн быў прызначаны, арбітар правёў восем матчаў, якія ўлучалі два матчы ў кваліфікацыі, чатыры на групавым этапе і яшчэ два ў раўндах на выбыцьцё. Цюрпэн мае на сваім рахунку абслугоўваньне матчаў чэмпіянатаў Эўропы 2016 і 2020 гадоў, а таксама матчаў чэмпіянату сьвету 2018 году. Да яго далучыліся пяцёра ягоных землякоў, у тым ліку памочнікі арбітра Нікаля Данос і Сырыль Грынгор. Бэнуа Баст’ен выконваў функцыі чацьвёртага судзьдзі, а Жэром Брысар правёў гульню ў якасьці відэапамочніка арбітра.

Цырымонія адкрыцьця

На цырымоніі адкрыцьця перад пачаткам матчу выступіла кубінска-амэрыканская сьпявачка Каміла Кабэльля^[7].

Амбасадар

Амбасадарам фіналу быў празначаны былы нападнік зборнай Расеі і «Зэніту» Андрэй Аршавін^[8]. Аднак, пазьней былы расейскі гулец быў выкрасьлены зь ліку амбасадараў, а ягонае месца занялі Рауль і Ен Раш.

Матч

28 траўня 2022 22:36 (UTC+3)	Лівэрпул	0:1	Рэал Мадрыд	Стад дэ Франс, Парыж Судзьдзя: Клеман Цюрпэн (Францыя)
		Справаздача	Вінісіюс  59'

1 Алісан 66 Трэнт Аляксандар-Арнальд 5 Ібраіма Канатэ 4 Вірджыл ван Дэйк 26 Эндру Робэртсан 14 Джордан Гэндэрсан (капітан) 77' 3 Фабіньню 62' 6 Тыяга Алькантара 77' 11 Магамэд Саляг 10 Садыё Манэ 23 Люіс Дыяс 65' Запасныя: 62 Ківін Келегэр 12 Джо Гомэс 21 Костас Цымікас 32 Жаэль Матып 7 Джэймз Мілнэр 8 Набі Кейта 77' 15 Алекс Окслэйд-Чэмбэрлен 17 Кэртыс Джонз 67 Гарві Эліёт 9 Рабэрту Фірміну 77' 18 Такумі Мінаміна 20 Дыёгу Жота 65' Галоўны трэнэр: Юрген Клёп

1 Тыбо Куртуа 2 Даніель Карвахаль 3 Эдэр Мілітан 4 Давід Аляба 23 Фэрлян Мэндзі 8 Тоні Кроос 14 Казэміру 10 Лука Модрыч 90' 15 Фэдэрыка Вальвэрдэ 86' 9 Карым Бэнзэма (капітан) 20 Вінісіюс Жуніяр  59' 90+3' Запасныя: 13 Андрэй Лунін 6 Нача 12 Марсэлу 17 Люкас Васкес 19 Дані Сэбальяс 90' 22 Іска 25 Эдуарду Камавінга 86' 7 Эдэн Азар 11 Марка Асэнсіё 18 Гарэт Бэйл 21 Радрыгу 90+3' 24 Марыяна Дыяс Галоўны трэнэр: Карлё Анчэлёцьці