Уладзіслаў Аляксандравіч Яцкевіч

У Вікіпедыі ёсць артыкулы пра іншых людзей з прозвішчам Яцкевіч.

Уладзіслаў Яцкевіч (нар. 29 верасня 1998) — беларускі футбаліст, абаронца клуба «Гомель».

Уладзіслаў Яцкевіч
Поўнае імя	Уладзіслаў Аляксандравіч Яцкевіч
Нарадзіўся	29 верасня 1998(1998-09-29)[1] (26 гадоў) Смаргонь, Смаргонскі раён, Гродзенская вобласць, Беларусь[2]
Грамадзянства	Беларусь
Рост	190 см
Вага	85 кг[2]
Пазіцыя	абаронца, паўабаронца
Інфармацыя пра клуб
Клуб	Гомель
Нумар	15
Маладзёжныя клубы
2011—2014 Шахцёр (Салігорск)
Клубная кар’ера[* 1]
2015—2017 Смаргонь 46 (3) 2018 Баранавічы 9 (0) 2018—2019 Смаргонь 18 (0) 2019—2022 Нёман (Гродна) 12 (0) 2021 →  Смаргонь 26 (1) 2022 →  Слуцк 6 (0) 2023 Слуцк 0 (0) 2023 Смаргонь 12 (0) 2024— Гомель
Нацыянальная зборная[* 2]
2019—2020 Беларусь (да 21) 3 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 26 студзеня 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 15 кастрычніка 2020

Клубная кар’ера

Выхаванец ДЮСШ горада Смаргонь, дзе займаўся да 12 гадоў. Пазней быў запрошаны ў салігорскі «Шахцёр», выступаў за юнацкія каманды клуба. У 2015 годзе вярнуўся ў «Смаргонь», за якую стаў гуляць у Першай лізе, пераважна выходзячы на замену. У сакавіку 2017 года падоўжыў кантракт са смаргонскім клубам^[3]. У сезоне 2017 замацаваўся ў стартавым складзе і стаў адным з асноўных ігракоў смаргонцаў.

З пачатку 2018 года трэніраваўся ў складзе «Баранавічаў», з трэнерам гэтага клуба Іванам Крутавым працаваў у салігорскім «Шахцёры». У лютым 2018 года падпісаў кантракт з баранавіцкім клубам^[4], аднак ужо ў ліпені таго ж года вярнуўся ў «Смаргонь»^[5].

У ліпені 2019 года стала вядома, што Уладзіслаў пакідае смаргонскі клуб і працягне кар’еру ў гродзенскім «Нёмане»^[6]. У жніўні афіцыйна перайшоў у гродзенскі клуб, падпісаўшы трохгадовы кантракт^[7]. У Вышэйшай лізе дэбютаваў 16 жніўня 2019 года, выйшаўшы на замену ў канцы сустрэчы супраць «Іслачы» (1:1). Выступаў пераважна за дубль гродзенцаў, у асноўнай камандзе звычайна зрэдку выхадзіў на замену.

У лютым 2021 года на правах арэнды далучыўся да «Смаргоні»^[8]. Стаў трывалым іграком стартавага складу, але не выратаваў каманду ад вылету ў Першую лігу. У лістападзе 2021 года па заканчэнні арэнды пакінуў «Смаргонь»^[9].

У студзені 2022 года пачаў трэніравацца з «Нёманам»^[10]. З лютага знаходзіўся на праглядзе ў «Слуцку», які ў сакавіку арандаваў абаронцу^[11]. У пачатку сезона выхадзіў на поле ў складзе слуцкай каманды, а з мая выбыў з-за траўмы і больш не гуляў. У снежні 2022 года па заканчэнні арэнды пакінуў слуцкі клуб^[12], Аднак тады ж скончыўся і кантракт з «Нёманам», і ў студзені 2023 года абаронца падпісаў паўнавартаснае пагадненне са «Слуцкам»^[13]. У сезоне 2023 згуляў за слуцкі клуб толькі ў адным матчы Кубка Беларусі, і ў чэрвені 2023 года па пагадненні бакоў пакінуў «Слуцк»^[14].

У ліпені 2023 года стаў іграком «Смаргоні»^[15]. У снежні 2023 года пакінуў клуб^[16].

У студзені 2024 года папоўніў склад «Гомеля»^[17].

Міжнародная кар’ера

8 чэрвеня 2019 года дэбютаваў у моладзевай зборнай Беларусі, калі выйшаў у стартавым складзе ў адборачным матчы чэмпіянату Еўропы супраць Гібралтара (10:0) і быў заменены ў другім тайме.

Статыстыка выступленняў

Сезон	Дывізіён	Клуб	Краіна	Матчы	Галы
2015	Д2	Смаргонь		10	0
2016	Д2	Смаргонь		8	0
2017	Д2	Смаргонь		28	3
2018 (1)	Д2	Баранавічы		9	0
2018 (2)	Д2	Смаргонь		7	0
2019 (1)	Д2	Смаргонь		11	0
2019 (2)	Д1	Нёман		6	0
2020	Д1	Нёман		6	0
2021	Д1	Смаргонь		26	1
2022	Д1	Слуцк		6	0
2023 (1)	Д1	Слуцк		0	0
2023 (2)	Д1	Смаргонь		12	0

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[18].