Դանիելե Դե Ռոսսի

Դանիելե Դե Ռոսսի (իտալ.՝ Daniele De Rossi, հուլիսի 24, 1983(1983-07-24)^[1][2], Հռոմ, Իտալիա), իտալացի ֆուտբոլիստ, Ռոմայի և Իտալիայի հավաքականի կիսապաշտպան։ 2006 թվականի աշխարհի առաջնության և 2004 թվականի Եվրոպայի մինչև 21 տարեկանների առաջնության չեմպիոն։ 2004 թվականի Աթենքի Ամառային Օլիմպիական խաղերի բրոնզե մեդալակիր, 2006 թվականի Իտալիայի լավագույն երիտասարդ ֆուտբոլիստ։ Իտալիայի 2007 և 2008 թվականների գավաթակիր։

Դանիելե Դե Ռոսսի իտալ.՝ Daniele De Rossi
Անձնական տվյալներ
Ամբողջական անուն	Դանիելե Դե Ռոսսի
Ազգությունը	Իտալացի
Քաղաքացիությունը	Իտալիա
Մականուն	Capitan Futuro (ապագա ավագ)
Ծննդյան ամսաթիվ	հուլիսի 24, 1983 (42 տարեկան)
Ծննդավայր	Հռոմ, Իտալիա
Հասակ	185 սմ
Քաշ	83 կգ
Դիրք	Հենակետային կիսապաշտպան
Ակումբային տեղեկություններ
Ներկա ակումբ	Ռոմա
Համար	16
Պատանեկան կարիերա
1997-2000 Օստիա Մարե 2000-2003 Ռոմա
Մասնագիտական կարիերա*
Տարի	Ակումբ	Խաղ	(Գոլ)
2001- Ռոմա 450 (42)
Ազգային հավաքական‡
2001 Իտալիա Մ-19 3 (0) 2002 Իտալիա Մ-20 4 (0) 2003-2004 Իտալիա Մ-21 16 (3) 2004-2017 Իտալիա 117 (21)
Պարգևներ և
* Մասնագիտական կարիերայում ընդգրկված են միայն առաջնության խաղերը և գոլերը  ըստ Հոկտեմբերի 6, 2018: ‡ Ազգային հավաքականի խաղերն ու գոլերը ըստ Նոյեմբերի 13, 2017

Ակումբային կարիերա

Երիտասարդական

Դանիելեն սկսել է իր կարիերան Օստիա հռոմեական երիտասարդական ակումբում, որը գտնվում էր իր ծննդավայրում։ Այնտեղ նա հանդես է եկել որպես հարձակվող։ Այնուհետև նա խաղացել է Օստիա Մարե երիտասարդական ակումբում, որտեղից էլ նրա հայրը՝ Ռոմա երիտասարդական ակումբի ղեկավարն ու Պրատո ակումբի նախկին խաղացողը, տեղափոխում է Դանիելեին Ռոմա։

Առաջին քայլերը Ռոմայում

2000/01 մրցաշրջանում Դե Ռոսսին Ռոմայի առաջին կազմի հետ մասնակցում է մարզումներին^[3], այնուհետև Իտալիայի գավաթում անցկացնում է երեք հանդիպում։ 2001 թվականի հոկտեմբերի 30-ին՝ 18 տարեկանում, փոխարինելով Իվան Տոմեկին, Դանիելեն դուրս եկավ խաղադաշտ Չեմպիոնների լիգայում՝ Անդերլեխտի հետ խաղում, որն ավարտվեց 1:1 հաշվով։ 2002/03 մրցաշրջանում Դե Ռոսսին սկսեց ավելի հաճախ հանդես գալ ակումբի հիմնական կազմում։ 2003 թվականի հունվարի 25-ին Կոմոյի դեմ խաղում նա առաջին անգամ հանդես եկավ Սերիա A-ում։ Նույն թվականի մայիսի 10-ին Իտալիայի առաջնության Տորինոյի դեմ խաղում Դանիելեն խփեց իր առաջին գոլը «դեղնակարմիրների» կազմում։ 2003/04 մրցաշրջանում Դե Ռոսսին արդեն մասնակցել էր Իտալիայի առաջնության 17 և ՈՒԵՖԱ-ի գավաթի 6 խաղերի։ 2004 թվականի ամռանը Դե Ռոսսին Իտալիայի երիտասարդական հավաքականի հետ հաղթում է Եվրոպայի մինչև 21 տարեկանների առաջնությունը։ Հաջորդ մրցաշրջանի ընթացքում Դե Ռոսսին դառնում է ակումբի հիմնական կազմի անդամ, ինչպես նաև առաջին անգամ հանդես է գալիս Իտալիայի հավաքականում։

Կարիերան Ռոմայում

Դե Ռոսսին Ռոմայում

2006 թվականի մարտի 15-ին ՈՒԵՖԱ-ի գավաթի շրջանակներում Միդլսբրո ակումբի հետ խաղի ժամանակ Դե Ռոսսին առաջին անգամ կրեց Ռոմայի ավագի թևկապը։ Նույն թվականի մարտի 19-ին Դե Ռոսսիի կողմից ձեռքով գոլ է գրանցվում Մեսսինիի դեմ խաղի ժամանակ, որը մրցավարը չի նկատում։ Սակայն Դե Ռոսսին վարվում է «արդար խաղ» կանոններին համապատասխան, մոտենում է մրցավարին և խնդրում չգրանցել գոլը^[4]։ Այնուամենայնիվ, Ռոման հաղթում է այդ խաղը 2:1 հաշվով։ 2007 թվականի մայիսի 17-ին Դե Ռոսսին նվաճում է Իտալիայի գավաթը։ 2007 թվականի օգոստոսի 19-ին Դե Ռոսսին 11 մետրանոց հարվածով գրավում է Ինտերի դարպասը՝ դրանով իր թիմին դարձնելով Իտալիայի սուպերգավաթակիր։ 2008 թվականի ապրիլի 9-ին Չեմպիոնների լիգայի քառորդ եզրափակչի անգլիական Մանչեսթեր Յունայթեդի դեմ խաղում, 0:0 հաշվի ժամանակ, Դե Ռոսսին չկարողացավ իրացնել 11 մետրանոց հարվածը՝ բարձր հարվածելով գնդակին, որից հետո Ռոման գոլ բաց թողեց և արդյունքում պարտվեց 0:1 հաշվով։ Խաղից հետո Դե Ռոսսին ասաց. «Սա իմ կարիերայի վատագույն դրվագն էր»^[5]։ 2008 թվականի մայիսի 24-ին Դե Ռոսսին հաղթում է իր երկրորդ Իտալիայի գավաթը` պարտության մատնելով Ինտերին։ 2008 թվականի հունիսի 30-ին Դե Ռոսսին երկարացնում է պայմանագիրը Ռոմայի հետ մինչև 2012 թվական` 7.2 միլիոն եվրո տարեկան աշխատավարձով։ 2009 թվականի սեպտեմբերի 13-ին Սիենայի հետ տնային խաղում հյուրերի երկրպագուները սկսում են երգել «Որտեղ է աները, որտեղ է աները»` հիշեցնելով Մասսիմո Պիսնոլիին` Դանիելեի աներոջը, ում սպանել էին Հռոմում 2008 թվականի օգոստոսի 11-ին^[6]։ Դե Ռոսսին փորձում է մոտենալ տրիբունային՝ երկրպագուների հետ խնդիրը պարզելու համար, սակայն նրա ակումբակիցները կանգնեցնում են նրան։ Սիենայի երկրպագուների ատելությունը սկսել է դեռ 2004/05 մրցաշրջանում՝ խաղի ավարտից հետո, երբ գավաթային խաղում Դե Ռոսսիի հետ ընդհարման ժամանակ Սիենայի խաղացողը վնասվածք է ստանում, ատելությունը ձգվում է մինչև 2006 թվականը, երբ Սիենայի խաղացող Բրևին դաշտից հեռացվում է Դե Ռոսսիին գցելու համար, որը, սիենցիների կարծիքով, ակնհայտ սիմուլյացիա էր։ Սիենայի նախագահը խաղից հետո ներողություն է խնդրում Դե Ռոսսիից իր ակումբի երկրպագուների պահվածքի համար և նշում է, որ Դանիելեն հիանալի ֆուտբոլիստ է։ 2009 թվականի ապրիլի 11-ին Դե Ռոսսին բացում է իր գոլերի հաշիվը «Հռոմեական դերբիում»՝ գրավելով Լացիոյի դարպասը։ 2010 թվականի հունվարի 19-ին Դե Ռոսսին ստանում է Սերիա A-ի 2008/09 մրցաշրջանի լավագույն իտալացի խաղացող մրցանակը^[7]։ 2012 թվականի փետրվարի 6-ին Դանիելեն երկարացնում է Ռոմայի հետ իր պայմանագիրը մինչև 2017 թվականի հունիսի 30-ը^[8][9]։ Նա դառնում է ամենաբարձր վարձատրվող իտալացի ֆուտբոլիստը Սերիա A-ում` ստանալով տարեկան 10 միլիոն եվրո աշխատավարձ<sup>[10][11]</sup>։ Ռոմայում հանդես եկող ֆուտբոլիստներից նույն «կոչմանը» արժանացել էր թիմի ավագ և խորհրդանիշ Ֆրանչեսկո Տոտտիին (8.9 միլիոն եվրո 2009/10 մրցաշրջանում)։ 2012 թվականի դեկտեմբերի 9-ին Դանիելեն անցկացնում է իր 400-րդ խաղը Ռոմայի կազմում, հոբելյանական հանդիպմանը Դանիելեի թիմը հաղթում է Ֆիորենտինային 4:2 հաշվով<sup>[12]</sup>։ Դանիելեն 2011/12 մրցաշրջանում մասնակցում է 32 խաղի և դառնում 4 գոլի հեղինակ։ 2012/13 մրցաշրջանում Դե Ռոսսին անցկացնում է միայն 25 հանդիպում։ Չեխ մասնագետ Զդենեկ Զեմանը հաճախ էր քննադատում Դե Ռոսսիի խաղաոճը, այդ պատճառով էլ վերջինս հազվադեպ էր դուրս գալիս խաղադաշտ։ Անդրեացcոլիի` մարզիչ լինելու ընթացքում Դե Ռոսսին սկսեց անընդմեջ խաղադաշտ դուրս գալ, սակայն այդպես էլ գոլի հեղինակ չդարձավ։ Ռոման Իտալիայի առաջնության 2013/14 մրցաշրջանը սկսում է տասն անընդմեջ հաղթանակով։ Դանիելեն խփում է այդ մրցաշրջանի իր առաջին գոլը Լիվորնոյի դեմ խաղում։ Նապոլիի հետ խաղում Դե Ռոսսին մեծ դերակատարում է ունենում` գնդակը դուրս հանելով անմիջապես դարպասային գծից, երբ հաշիվը դեռ 0:0 էր։ Այդ խաղում Ռոման հաղթանակ է տանում՝ շնորհիվ Պյանիչի երկու գոլերի^[13]։

Տոտտիի վնասվածք ստանալուց հետո Դե Ռոսսին ստանձնում է թիմի ավագի պաշտոնը։ Այդ ընթացքում Ռոման երեք անընդմեջ հանդիպում ավարտում է ոչ-ոքի և իջնում երկրորդ հորզիոնական՝ առաջատարի դիրքը զիջելով Թուրինի Յուվենտուսին։ Դե Ռոսսին խոստովանում է, որ համոզված չէ, արդյոք Ռոման կարող է Սկուդետտոյի համար պայքարել, քանի որ Յուվենտուսն ու Նապոլին ունեին ավելի ուժեղ կազմ^[14][15]։ Իր հարցազրույցներից մեկում նա նաև նշել էր, որ ամռանը նա գրեթե տեղափոխվում էր Մանչեսթեր Յունայթեդ, բայց տեղափոխումը չի կայացել, քանի որ տրանսֆերային պատուհանն արդեն փակ էր^[16]։ «Շնորհակալ եմ Աստծուց, որ չտեղափոխվեցի Մանչեսթեր, քանի որ այդ դեպքում արդեն ինքնասպանություն գործած կլինեի,-ասել է Դե Ռոսսին,-եթե ես լքեի Ռոման, ես երբեք չէի կարողանա դիտել Ռոմայի գոնե մեկ խաղ։ Դա ինձ համար չափազանց ցավոտ կլիներ։ Անցած մրցաշրջանում իմ խաղընկերների և երկրպագուների հետ հարաբերություններում ես ինձ նման չէի։ Բայց այս մրցաշրջանում ամեն ինչ այլ է»։ Դե Ռոսսին ձմեռային հանգստից հետո առաջին՝ Յուվենտուսի դեմ խաղի ժամանակ հեռացվում է խաղադաշտից։ Այդ խաղում Ռոման պարտվում է 3:0 հաշվով և ավարտում այդ մրցաշրջանը երկրորդ տեղով՝ զիջելով «բյանկոներներին» 8 միավորով^[17]։

Միջազգային կարիերա

Դե Ռոսսին Իտալիայի մինչև 21 տարեկանների հավաքականում անցկացրել է 16 խաղ, ինչպես նաև 2004 թվականի մինչև 21 տարեկանների Եվրոպայի առաջնության ժամանակ հանդես է եկել չեմպիոնական թիմի հիմնական կազմում։ Նույն տարում Իտալիայի օլիմպիական հավաքականի հետ նա բրոնզե մեդալի է արժանանում Աթենքի Օլիմպիադայում։ Մի քանի շաբաթ անց՝ վերադառնալով Հունաստանից, Դե Ռոսսին 21 տարեկանում Իտալիայի ազգային հավաքականի կազմում առաջին անգամ դուրս է գալիս խաղադաշտ, դա 2006 թվականի աշխարհի առաջնության ընտրական փուլի Նորվեգիայի դեմ հանդիպումն էր, հենց այդ խաղում Դանիելեն բացում է նաև իր գոլերի հաշիվը առաջին հավաքականում։ 2005 թվականի մարտի 30-ին Իսլանդիայի հետ ընկերական խաղում Դե Ռոսսին առաջին անգամ կրում է ավագի թևկապը։

ՖԻՖԱ Աշխարհի առաջնություն 2006

Դե Ռոսսին ընդգրկված էր Իտալիայի հավաքականի հայտացուցակում։ ԱՄՆ-ի դեմ երկրորդ խմբային խաղում Դե Ռոսսին միանգամից ստանում է կարմիր քարտ՝ Բրայան ՄաքԲրայդի դեմքին արմունկով հարվածելու համար։ ՄաքԲրայդն արյունոտ վիճակում լքում է խաղադաշտը, բայց վերադառնում է բուժումից հետո՝ ավելի ուշ ստանալով երեք կար։ BBC-ն այդ հանդիպումից հետո նշում է, որ Դե Ռոսսին վարկաբեկեց ինքն իրեն այդ քայլով^[18]։ Դե Ռոսսին ավելի ուշ ներողություն է խնդրում ՄաքԲրայդից^[19], երկրպագուներից և բաց նամակով ՖԻՖԱ-յից։ Այդ հարվածի համար տուգանվում է 10000 շվեյցարական ֆրանկով, որակազրկվում է 4 խաղով^[20], որի արդյունքում կարողանում է խաղալ միայն եզրափակչում՝ Ֆրանսիայի դեմ խաղում, որտեղ 61-րդ րոպեին փոխարինելով Ֆրանչեսկո Տոտտիին` իրացնում է հետխաղյա 11 մետրանոց հարվածներից մեկը և օգնում է Իտալիայի հավաքականին նվաճել իր չորրորդ աշխարհի գավաթը^[21]։

ՈՒԵՖԱ Եվրո 2008

Դրվագ Եվրո 2012-ի Անգլիա - Իտալիա խաղից

Դե Ռոսսին մասնակցում է Եվրո 2008-ի ընտրական Իտալիայի բոլոր հանդիպումներին` 2 գոլի հեղինակ դառնալով Վրաստանի հավաքականի դեմ խաղում, այդ երկու գոլերը Դե Ռոսսին նվիրում է իր մահացած աներոջը^[22]։ Դանիելեին պատիվ է ընձեռվում կրելու 10 համարի մարզաշապիկը այն բանից հետո, երբ Տոտտին որոշում է լքել հավաքականը աշխարհի առաջնության եզրափակչից հետո։ Դանիելեն ազգային հավաքականին ավագի թևկապով խաղադաշտ է դուրս բերում 3 անգամ՝ 2007 թվականի հոկտեմբերի 17-ին Հարավային Աֆրիկայի և 2008 թվականի փետրվարի 6-ին Պորտուգալիայի դեմ երկու ընկերական խաղերում և Ֆարերյան կղզիների դեմ Եվրո 2008-ի ընտրական փուլի հանդիպմանը։ Եվրոպայի առաջնության առաջին խաղում գլխավոր մարզիչ Ռոբերտո Դոնադոնին չի հայտավորում Դե Ռոսսիին հիմնական կազմում, հանդիպումը ավարտվում է 0:3 հաշվով պարտությամբ, ինչից հետո Դե Ռոսսին սկսեց անընդմեջ խաղադաշտ դուրս գալ հանդիպման առաջին րոպեներից։ Եվրո 2008-ի ժամանակ՝ հունիսի 17-ին, Ֆրանսիայի հավաքականի դեմ խաղում Դե Ռոսսին դառնում է գոլի հեղինակ և հաղթանակ պարգևում Իտալիային (2:0), որից հետո ճանաչվում է հանդիպման լավագույն ֆուտբոլիստ^[23]։ Դա Դանիելեի 5-րդ գոլն էր խփում ազգային հավաքականում, որն Իտալիային դուրս բերեց առաջնության քառորդ եզրափակիչ։ Քառորդ եզրափակչի Իսպանիայի դեմ խաղում հետխաղյա 11 մետրանոց հարավածաշարի ժամանակ Իկեր Կասիլյասը ետ է մղում Դե Ռոսսիի հարվածը, և Իտալիան պարտվում է 4:2 հաշվով։

ՖԻՖԱ Կոնֆեդերացիաների Գավաթ 2009

Կոնֆեդերացիաների Գավաթի խաղարկության ժամանակ, ԱՄՆ-ի դեմ հանդիպման 71-րդ րոպեին Դե Ռոսսին հեռահար հարվածով գրավում է հյուսիսամերիկացիների դարպասը և հավասարեցնում է հաշիվը, որից հետո իտալացիները Ջուզեպպե Ռոսսիի խփած երկու գնդակների շնորհիվ հաղթում են 1:3 հաշվով։ Շատերը կարծում էին, որ Դե Ռոսսին կլինի Ֆաբիո Կանավառոյից հետո հաջորդ ավագը՝ շնորհիվ Դե Ռոսսիի նվիրվածությանը միջազգային ֆուտբոլին։ 2008/09 մրցաշրջանում, աշխարհի առաջնության ընտրական փուլի խաղերի ժամանակ Դե Ռոսսին խփել է Իտալիայի համար մեծ կարևորություն ունեցող գոլեր։ Ռոմայի կազմում Դե Ռոսսին հիմնականում խաղում է որպես պաշտպանողական ոճի կիսապաշտպան, իսկ հավաքականում նա խաղում է հարձակողական ոճով, այդ պատճառով էլ ավելի շատ գոլեր է խփում հավաքականում քան իր հարազատ ակումբում։

Ֆուտբոլի աշխարհի առաջնություն 2010

Դե Ռոսսին խփում է Իտալիայի առաջին գոլը 2010 թվականի աշխարհի առաջնության Պարագվայի դեմ խաղում՝ հաշիվը դարձնելով 1:1^[24]։ Նոր Զելանդիայի հավաքականի դեմ երկրորդ խաղում Դե Ռոսսին տուգանային հրապարակում խախտում է կատարում, որի պատճառով նշանակվում է 11 մետրանոց հարված և Իտալիան կրկին ավարտում է խաղը 1:1 հաշվով^[25]։

ՈՒԵՖԱ Եվրո 2012

Դրվագ Եվրո 2012-ի եզրափակիչ խաղից

Եվրո 2012-ի խմբային խաղերի ժամանակ Իսպանիայի և Խորվաթիայի դեմ խաղերում Դե Ռոսսին խաղում էր որպես կենտրոնական պաշտպան։ Խմբային փուլի վերջին՝ Իռլանդիայի դեմ խաղում նա հանդես եկավ որպես կիսապաշտպան, որից հետո քառորդ եզրափակչի Անգլիայի դեմ խաղում Դանիելեն շարունակում է խաղալ արդեն որպես կիսապաշտպան, որտեղ հետխաղյա 11 մետրանոց հարվածաշարը ավարտվում է Իտալիայի օգտին։ Դե Ռոսսին նաև մասնակցում է առաջնության մյուս խաղերին՝ հաղթելով Գերմանիային կիսաեզրափակչում և պարտվելով Իսպանիային եզրափակչում (4:0)^[26]։

ՖԻՖԱ Կոնֆեդերացիաների Գավաթ 2013

Դե Ռոսսին 2013 թվականի հունիսին մասնակցում է Բրազիլիայում տեղի ունեցող Կոնֆեդերացիաների գավաթին, որտեղ նա գոլ է խփում Ճապոնիայի դեմ խաղում (4:3)^[27]։

Ֆուտբոլի աշխարհի առաջնություն 2014

Դե Ռոսսին Իտալիայի հավաքականի կազմում մասնակցում է նաև Բրազիլիայում տեղի ունեցող աշխարհի 20-րդ առաջնությանը՝ հանդիսանալով Ռոմայի միակ ներկայացուցիչը հավաքականում^[28]։

2014 թվականի հունիսի 20-ի տվյալներով Դե Ռոսսին Իտալիայի հավաքականի պատմության ընթացքում ամենաշատ հանդիպում անցկացրած ֆուտբոլիստների մեջ զբաղեցրրեց 7-րդ տեղը^[29]։

Վիճակագրություն

Ակումբային

Ըստ 2014-ի ապրիլի 25-ի.

Մրցաշրջան	Ակումբ	Առաջնություն			Գավաթ			Մայրցամաքային			Այլ գավաթներ			Ընդհանուր
		Առաջն.	Խաղեր	Գոլեր	Առաջն.	Խաղեր	Գոլեր	Առաջն.	Խաղեր	Գոլեր	Առաջն.	Խաղեր	Գոլեր	Խաղեր	Գոլեր
2001-02	Ռոմա	A	0	0	ԻԳ	3	0	ՉԼ	1	0	-	-	-	4	0
2002-03		A	4	2	ԻԳ	2	0	ՉԼ	0	0	-	-	-	6	2
2003-04		A	17	0	ԻԳ	4	0	ՈՒԳ	6	1	-	-	-	27	1
2004-05		A	30	2	ԻԳ	5	1	ՉԼ	2	1	-	-	-	37	4
2005-06		A	34	6	ԻԳ	4	0	ՈՒԳ	7	0	-	-	-	45	6
2006-07		A	36	2	ԻԳ	8	2	ՉԼ	10	2	ԻՍԳ	1	0	55	6
2007-08		A	34	5	ԻԳ	6	0	ՉԼ	10	0	ԻՍԳ	1	1	51	6
2008-09		A	33	3	ԻԳ	2	0	ՉԼ	7	0	ԻՍԳ	1	1	43	4
2009-10		A	33	7	ԻԳ	4	1	ԵԼ	12	3	-	-	-	49	11
2010-11		A	28	2	ԻԳ	4	0	ՉԼ	7	1	ԻՍԳ	1	0	40	3
2011-12		A	32	4	ԻԳ	0	0	ԵԼ	0	0	-	-	-	32	4
2012-13		A	25	0	ԻԳ	4	0	-	-	-	-	-	-	29	0
2013-14		A	32	1	ԻԳ	4	0	-	-	-	-	-	-	36	1
Ընդհանուր			338	34		50	4		62	8		4	2	454	48

Միջազգային

Դանիելե Դե Ռոսսիի բոլոր հանդիպումները Իտալիայի հավաքականում  

Ամսաթիվ	Անցկացման վայրը	Տնային	Արտագնա	Հաշիվ	Գոլեր	Առաջնություն
04-09-2004	Պալերմո	Իտալիա	Նորվեգիա	2:1	1	2006 թ. ԱԱ ընտրական փուլ
09-10-2004	Ցելե	Սլովենիա	Իտալիա	2:2	-	2006 թ. ԱԱ ընտրական փուլ
13-10-2004	Պարմա	Իտալիա	Բելառուս	4:3	1	2006 թ. ԱԱ ընտրական փուլ
17-11-2004	Մեսսինա	Իտալիա	Ֆինլանդիա	1:0	-	Ընկերական հանդիպում
09-02-2005	Կալյարի	Իտալիա	Ռուսաստան	2:0	-	Ընկերական հանդիպում
26-03-2005	Միլան	Իտալիա	Շոտլանդիա	2:0	-	2006 թ. ԱԱ ընտրական փուլ
30-03-2005	Պադովա	Իտալիա	Իսլանդիա	0:0	-	Ընկերական հանդիպում
04-06-2005	Օսլո	Նորվեգիա	Իտալիա	0:0	-	2006 թ. ԱԱ ընտրական փուլ
17-08-2005	Դուբլին	Իռլանդիա	Իտալիա	1:2	-	Ընկերական հանդիպում
03-09-2005	Գլազգո	Շոտլանդիա	Իտալիա	1:1	-	2006 թ. ԱԱ ընտրական փուլ
08-10-2005	Պալերմո	Իտալիա	Սլովենիա	1:0	-	2006 թ. ԱԱ ընտրական փուլ
12-10-2005	Լեչչե	Իտալիա	Մոլդովա	2:1	-	2006 թ. ԱԱ ընտրական փուլ
12-11-2005	Ամստերդամ	Նիդերլանդներ	Իտալիա	1:3	-	Ընկերական հանդիպում
16-11-2005	Ժնև	Իտալիա	Կոտ դ՛Իվուար	1:1	-	Ընկերական հանդիպում
01-03-2006	Ֆլորենցիա	Իտալիա	Գերմանիա	4:1	1	Ընկերական հանդիպում
31-05-2006	Ժնև	Շվեյցարիա	Իտալիա	1:1	-	Ընկերական հանդիպում
02-06-2006	Լոզան	Իտալիա	Ուկրաինա	0:0	-	Ընկերական հանդիպում
12-06-2006	Հաննովեր	Իտալիա	Գանա	2:0	-	2006 թ. աշխարհի առաջնություն
17-06-2006	Կայզերսլաուտերն	Իտալիա	ԱՄՆ	1:1	-	2006 թ. աշխարհի առաջնություն
09-07-2006	Բեռլին	Իտալիա	Ֆրանսիա	1:1 5:3 (11մ)	-	2006 թ. աշխարհի առաջնություն
02-09-2006	Նեապոլ	Իտալիա	Լիտվա	1:1	-	Եվրո 2008-ի ընտրական փուլ
06-09-2006	Փարիզ	Ֆրանսիա	Իտալիա	3:1	-	Եվրո 2008-ի ընտրական փուլ
07-10-2006	Հռոմ	Իտալիա	Ուկրաինա	2:0	-	Եվրո 2008-ի ընտրական փուլ
11-10-2006	Թբիլիսի	Վրաստան	Իտալիա	1:3	1	Եվրո 2008-ի ընտրական փուլ
15-11-2006	Բերգամո	Իտալիա	Թուրքիա	1:1	-	Ընկերական հանդիպում
28-03-2007	Բարի	Իտալիա	Շոտլանդիա	2:0	-	Եվրո 2008-ի ընտրական փուլ
06-06-2007	Կաունաս	Լիտվա	Իտալիա	0:2	-	Եվրո 2008-ի ընտրական փուլ
08-09-2007	Միլան	Իտալիա	Ֆրանսիա	0:0	-	Եվրո 2008-ի ընտրական փուլ
17-10-2007	Սիենա	Իտալիա	ՀԱՀ	2:0	-	Ընկերական հանդիպում
17-11-2007	Գլազգո	Շոտլանդիա	Իտալիա	1:2	-	Եվրո 2008-ի ընտրական փուլ
21-11-2007	Մոդենա	Իտալիա	Ֆարերյան կղզիներ	3:1	-	Եվրո 2008-ի ընտրական փուլ
06-02-2008	Ցյուրիխ	Իտալիա	Պորտուգալիա	3:1	-	Ընկերական հանդիպում
26-03-2008	Էլչե	Իսպանիա	Իտալիա	1:0	-	Ընկերական հանդիպում
13-06-2008	Ցյուրիխ	Իտալիա	Ռումինիա	1:1	-	Եվրո 2008
17-06-2008	Ցյուրիխ	Ֆրանսիա	Իտալիա	0:2	1	Եվրո 2008
22-06-2008	Վիեննա	Իսպանիա	Իտալիա	0:0 4:2 (11մ)	-	Եվրո 2008
20-08-2008	Նիս	Իտալիա	Ավստրիա	2:2	-	Ընկերական հանդիպում
06-09-2008	Լարնակա	Կիպրոս	Իտալիա	1:2	-	2010 թ. ԱԱ ընտրական փուլ
10-09-2008	Ուդինե	Իտալիա	Վրաստան	2:0	2	2010 թ. ԱԱ ընտրական փուլ
11-10-2008	Սոֆիա	Բուլղարիա	Իտալիա	0:0	-	2010 թ. ԱԱ ընտրական փուլ
15-10-2008	Լեչչե	Իտալիա	Չեռնոգորիա	2:1	-	2010 թ. ԱԱ ընտրական փուլ
19-11-2008	Աթենք	Հունաստան	Իտալիա	1:1	-	Ընկերական հանդիպում
10-02-2009	Լոնդոն	Բրազիլիա	Իտալիա	2:0	-	Ընկերական հանդիպում
28-03-2009	Պոդգորիցա	Չեռնոգորիա	Իտալիա	0:2	-	2010 թ. ԱԱ ընտրական փուլ
01-04-2009	Բարի	Իտալիա	Իռլանդիա	1:1	-	2010 թ. ԱԱ ընտրական փուլ
15-06-2009	Պրետորիա	ԱՄՆ	Իտալիա	1:3	1	2009 թ. Կոնֆ. գավաթ
18-06-2009	Յոհաննեսբուրգ	Եգիպտոս	Իտալիա	1:0	-	2009 թ. Կոնֆ. գավաթ
21-06-2009	Պրետորիա	Իտալիա	Բրազիլիա	0:3	-	2009 թ. Կոնֆ. գավաթ
09-09-2009	Թուրին	Իտալիա	Բուլղարիա	2:0	-	2010 թ. ԱԱ ընտրական փուլ
10-10-2009	Դուբլին	Իռլանդիա	Իտալիա	2:2	-	2010 թ. ԱԱ ընտրական փուլ
14-10-2009	Պարմա	Իտալիա	Կիպրոս	3:2	-	2010 թ. ԱԱ ընտրական փուլ
03-03-2010	Մոնակո	Իտալիա	Կամերուն	0:0	-	Ընկերական հանդիպում
03-06-2010	Բրյուսել	Իտալիա	Մեքսիկա	1:2	-	Ընկերական հանդիպում
05-06-2010	Ժնև	Շվեյցարիա	Իտալիա	1:1	-	Ընկերական հանդիպում
14-06-2010	Քեյփթաուն	Իտալիա	Պարագվայ	1:1	1	2010 թ. աշխարհի առաջնություն
05-06-2010	Մբոմբելա	Իտալիա	Նոր Զելանդիա	1:1	-	2010 թ. աշխարհի առաջնություն
24-06-2010	Յոհաննեսբուրգ	Սլովակիա	Իտալիա	3:2	-	2010 թ. աշխարհի առաջնություն
10-08-2010	Լոնդոն	Իտալիա	Կոտ դ՛Իվուար	0:1	-	Ընկերական հանդիպում
03-09-2010	Տալլին	Էստոնիա	Իտալիա	1:2	-	Եվրո 2012-ի ընտրական փուլ
05-06-2010	Ֆլորենցիա	Իտալիա	Ֆարերյան կղզիներ	5:0	1	Եվրո 2012-ի ընտրական փուլ
8-10-2010	Բելֆաստ	Հյուսիսային Իռլանդիա	Իտալիա	0:0	-	Եվրո 2012-ի ընտրական փուլ
17-11-2010	Կլագենֆուրտ	Ռումինիա	Իտալիա	1:1	-	Ընկերական հանդիպում
09-02-2011	Դորտմունդ	Գերմանիա	Իտալիա	1:1	-	Ընկերական հանդիպում
10-08-2011	Բարի	Իտալիա	Իսպանիա	2:1	-	Ընկերական հանդիպում
02-09-2011	Տորսհավն	Ֆարերյան կղզիներ	Իտալիա	0:1	-	Եվրո 2012-ի ընտրական փուլ
06-09-2011	Ֆլորենցիա	Իտալիա	Սլովենիա	1:0	-	Եվրո 2012-ի ընտրական փուլ
07-10-2011	Բելգրադ	Սերբիա	Իտալիա	1:1	-	Եվրո 2012-ի ընտրական փուլ
11-10-2011	Պեսկարա	Իտալիա	Հյուսիսային Իռլանդիա	3:0	-	Եվրո 2012-ի ընտրական փուլ
11-11-2011	Վրոցլավ	Լեհաստան	Իտալիա	0:2	-	Ընկերական հանդիպում
15-11-2011	Հռոմ	Իտալիա	Ուրուգվայ	0:1	-	Ընկերական հանդիպում
29-02-2012	Ջենովա	Իտալիա	ԱՄՆ	0:1	-	Ընկերական հանդիպում
01-06-2012	Ցյուրիխ	Իտալիա	Ռուսաստան	0:3	-	Ընկերական հանդիպում
10-06-2012	Գդանսկ	Իսպանիա	Իտալիա	1:1	-	Եվրո 2012
14-06-2012	Պոզնան	Իտալիա	Խորվաթիա	1:1	-	Եվրո 2012
18-06-2012	Պոզնան	Իտալիա	Իռլանդիա	2:0	-	Եվրո 2012
24-06-2012	Կիև	Անգլիա	Իտալիա	0:0 2:4 (11մ)	-	Եվրո 2012
28-06-2012	Վարշավա	Գերմանիա	Իտալիա	1:2	-	Եվրո 2012
01-07-2012	Կիև	Իսպանիա	Իտալիա	4:0	-	Եվրո 2012
15-08-2012	Բեռն	Իտալիա	Անգլիա	1:2	1	Ընկերական հանդիպում
07-09-2012	Սոֆիա	Բուլղարիա	Իտալիա	2:2	-	2014 թ. ԱԱ ընտրական փուլ
12-10-2012	Երևան	Հայաստան	Իտալիա	1:3	1	2014 թ. ԱԱ ընտրական փուլ
16-10-2012	Միլան	Իտալիա	Դանիա	3:1	1	2014 թ. ԱԱ ընտրական փուլ
06-02-2013	Ամստերդամ	Նիդեռլանդներ	Իտալիա	1:1	-	Ընկերական հանդիպում
21-03-2013	Ժնև	Իտալիա	Բրազիլիա	2:2	1	Ընկերական հանդիպում
07-06-2013	Պրահա	Չեխիա	Իտալիա	0:0	-	2014 թ. ԱԱ ընտրական փուլ
11-06-2013	Ռիո դե Ժանեյրո	Իտալիա	Հայիթի	2:2	-	Ընկերական հանդիպում
16-06-2013	Ռիո դե Ժանեյրո	Մեքսիկա	Իտալիա	1:2	-	2013 թ. Կոնֆ. գավաթ
19-06-2013	Ռեսիֆի	Իտալիա	Ճապոնիա	4:3	1	2013 թ. Կոնֆ. գավաթ
27-06-2013	Ֆորտալեզա	Իսպանիա	Իտալիա	0:0 7:6 (11մ)	-	2013 թ. Կոնֆ. գավաթ
30-06-2013	Սալվադոր	Իտալիա	Ուրուգվայ	2:2 3:2 (11մ)	-	2013 թ. Կոնֆ. գավաթ
14-08-2013	Հռոմ	Իտալիա	Արգենտինա	1:2	-	Ընկերական հանդիպում
06-09-2013	Պալերմո	Իտալիա	Բուլղարիա	1:0	-	2014 թ. ԱԱ ընտրական փուլ
10-09-2013	Թուրին	Իտալիա	Չեխիա	2:1	-	2014 թ. ԱԱ ընտրական փուլ
31-05-2014	Լոնդոն	Իտալիա	Իռլանդիա	0:0	-	Ընկերական հանդիպում
04-06-2014	Պերուջա	Իտալիա	Լյուքսեմբուրգ	1:1	-	Ընկերական հանդիպում
14-06-2014	Մանաուս	Անգլիա	Իտալիա	1:2	-	2014 թ. աշխարհի առաջնություն
20-06-2014	Ռեսիֆի	Իտալիա	Կոստա Ռիկա	0:1	-	2014 թ. աշխարհի առաջնություն
	Ընդհանուր	Խաղեր՝ 97	Գոլեր՝ 15

Անձնական կյանք

Դե Ռոսսին ծնվել է Հռոմում։ Նրա հայրն Ալբերտո Դե Ռոսսին է՝ Ռոմայի նախկին խաղացողն ու Ռոմայի երիտասարդական թիմի մարզիչը։ Դե Ռոսսիի նախնին՝ Իվան Դե Ռոսսին, ճարտարապետ էր, ով տեղափոխվել էր Միլանից Սանկտ-Պետերբուրգ Պետրոս I-ին կայսեր հրավերով^[30]։ Դե Ռոսսին ամուսնացել է երկու անգամ։ Առաջին կինը նախկին պարուհի Սառա Բանդուն է, ումից Դե Ռոսսին ունի աղջիկ՝ Գայան (ծնված՝ 2005 թվականի հուլիսի 16-ին)^[30]։ Աղջկա ծնունդից հետո Դե Ռոսսին սկսեց հանդես գալ Ռոմայում 16 համարի ներքո։ Մինչ այդ Դե Ռոսսին հանդես էր գալիս նախ 27 (երկու մրցաշրջան), այնուհետև 4 համարների ներքո։ Երկրորդ կինը նույնպես նախկին պարուհի էր՝ Թամարա Պիսնոլին (ամուսնությունը գրանցվել է 2006 թվականի մայիսի 16-ին)։ Դե Ռոսսին բաժանվում է Թամարայից 2009 թվականի փետրվարին^[31]։ 2006 թվականի դեկտեմբերի 26-ին Դե Ռոսսին Men’s Health ամսագրի հարցումների հիման վրա ճանաչվում է Իտալիայի տարվա մարդ։ 2007 թվականին Դե Ռոսսին նկարահանվում է Unicredit բանկի գովազդում հավաքականի իր թիմակիցների՝ Անդրեա Պիրլոյի և Մարկո Մատերացցիի հետ։ 2008 թվականին ընտրվում է Pringles-ի կողմից՝ որպես ներկայացուցիչ 2008 թվականի Եվրոպայի առաջնությանը եվրոպական այլ հայտնի ֆուտբոլիստների հետ միասին։ Դե Ռոսսին նաև հայտնվել է FIFA 09 խաղի իտալական տարբերակի շապիկին։ Նկարը պատկերում է 2008 թվականի Իտալիայի սուպերգավաթի ժամանակ Ինտերի դեմ խաղում գոլ խփելու պահը։

Նվաճումներ

Թիմային

Ռոմա

• Սերիա A
  • Փոխ-չեմպիոն (7)՝ 2003–04, 2005–06, 2006–07, 2007–08, 2009–10, 2013-14, 2014-15
• Ֆուտբոլի Իտալիայի գավաթ

Դրվագ Եվրո 2012-ի եզրափակիչ խաղից. Դե Ռոսսին Ալվարո Արբելոայի դեմ պայքարում

• • Գավաթակիր (2)՝ 2006-07, 2007-08
  • Եզրափակչի մասնակից (5)՝ 2002-03, 2004-05, 2005-06, 2009–10, 2012-13
• Ֆուտբոլի Իտալիայի սուպերգավաթ
  • Սուպերգավաթակիր (1)՝ 2006-07
  • Եզրափակչի մասնակից (3)՝ 2005-06, 2007-08, 2009-10

Իտալիայի հավաքական

• Մինչև 21 տարեկանների Եվրոպայի առաջնության չեմպիոն՝ 2004
• Եվրոպայի առաջնության փոխչեմպիոն՝ 2012
• Աշխարհի չեմպիոն՝ 2006
• Կոնֆեդերացիաների Գավաթ՝ 2013

Անձնական

• Սերիա A-ի լավագույն երիտասարդ ֆուտբոլիստ՝ 2006
• Իտալիացի լավագույն ֆուտբոլիստ՝ 2009
• Եվրո 2012-ի խորհրդանշական կազմի անդամ

Ռեկորդներ

• Ռոմայի ֆուտբոլիստներից Իտալիայի հավաքականում ամենաշատ գոլ խփած ֆուտբոլիստ՝ 15 գոլ
• Ռոմայի ֆուտբոլիստներից Իտալիայի հավաքականում ամենաշատ հանդիպում անցկացրած ֆուտբոլիստ՝ 97 խաղ

Տիտղոսներ

5-րդ՝ ասպետական աստիճանի շքանշան «Իտալիայի Հանրապետությանը մատուցած ծառայությունների համար» (Cavaliere Ordine al merito della Repubblica Italiana)՝ 2004^[32]

Պատվո շքանշան շղթայով «Սպորտային ոլորտում մատուցած ծառայությունների համար» (Collare d'oro al Merito Sportivo)՝ 2006^[33]

4-րդ՝ սպայական աստիճանի շքանշան «Իտալիայի Հանրապետությանը մատուցած ծառայությունների համար» (Ufficiale Ordine al merito della Repubblica Italiana)՝ 2006^[34]