Логоварди
село во Општина Битола From Wikipedia, the free encyclopedia
Логоварди — село во крајниот источен дел на Општина Битола чиј атар се допира со подрачјето на Општина Новаци, во околината на градот Битола.
| Логоварди | |
  Логоварди Местоположба на Логоварди во Македонија
Логоварди на карта
| |
| Координати 41°1′46″N 21°24′41″E | |
| Општина | Битола |
| Население | 577 жит. (поп. 2021)[1] |
| Шифра на КО | 02071 |
| Надм. вис. | 563 м |
|
Логоварди на општинската карта  Атарот на Логоварди во рамките на општината | |
 Логоварди на Ризницата | |
Логоварди се наоѓа во Битолското Поле, оддалечено 7 километри источно од градот Битола.
Во XIX век селото било дел од Битолската каза на Отоманското Царство.
Вкупно 2 жители на оваа населба се заведени како жртви во Втората светска војна.[2]
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Логоварди живееле 420 жители, сите Македонци.[3] Според егзархискиот секретар Димитар Мишев, („La Macédoine et sa Population Chrétienne“) во 1905 година во Логоварди имало 480 Македонци, под врховенството на Бугарската егзархија.[4]
На Етнографската карта на Битолскиот Вилает од 1901 г. Логоварди (Чекркчи) се води како чисто македонско село во Битолската каза на Битолскиот санџак со 66 куќи.[5]
Според германска карта издадена во 1941 година, а заснована на пописот на Кралството Југославија од 1931 година, селото имало 500 Македонци.[6]
Според пописот од 2002 Логоварди брои 699 жители, од кои 696 Македонци, 1 Србин и 2 останати:[7]
Според последниот попис од 2021 година, во селото живееле 577 жители, од кои 541 Македонец, 1 Албанец, 8 Турци, 2 Срби и 25 лица без податоци.[8]
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 420 | 480 | 740 | 902 | 1.079 | 1.156 | 1.272 | 1.051 | 744 | 699 | 577 |
- Извор за 1900 г.: Македонија. Етнографија и статистика.[9]; за 1905 г.: La Macédoine et sa Population Chrétienne.[10]; за 1948-2002 г.: Државен завод за статистика на РМ.[11]; за 2021 г.: Државен завод за статистика на РМ.[12]
Родови
Логоварди е чисто македонско православно село, сите родови во селото се доселенички.
- Стари родови со непознато потекло се: Ласковци (6 к.), Ѓоргијовци (5 к.), Шишковци (7 к.), Тикваровци (4 к.), Кежовци (3 к.), Станоовци (1 к.) и Врџовци (1 к.). Последниот род е гранка на Ласковци.
- Родови доселени до 1912 се: Џумковци (13 к.) доселени се од селото Чумово; Ресуловци (6 к.), Коџобашовци (4 к.), Поповци (3 к.) доселени се од селото Рибарци; Беловолновци (3 к.) доселени се од соседното Новаци; Шелеменковци (2 к.) доселени се од Шелеверци; Паламидовци (4 к.) и Мајсторовци (4 к.) доселени се од Црничани; Јадилебовци (3 к.) доселени се од Добрушево; Воѓановци (1 к.) доселени се од Воѓани; Рокановци (2 к.), Дамевци (3 к.) и Чорбевци (1 к.) доселени се од Карамани; Соклевци (2 к.) доселени се од Путурус, во Путурус припаѓале на родот Џековци кои се доселиле во Путурус од некое село во леринско; Чекутковци (2 к.) доселени се од Дедебалци; Спировци (1 к.) доселени се од Трн; Еќимовци (2 к.), Зафировци (3 к.), Ѓешовци (4 к.), Јосковци (2 к.), Шарковци (1 к.), Сугаревци (1 к.), Оџовци (4 к.), Пановци (2 к.), Колевци (1 к.), Базгало (1 к.), Писовци (4 к.), Коларовци (1 к.), Калешковци (1 к.), Калпаковци (3 к.), Бабаџовци (3 к.) Љанговци (3 к.) и Преспаковци (1 к.) за сите овие родови старината е непозната.
- Родови доселени помеѓу двете светски војни: Данаиловци (4 к.), Поповци (1 к.), Николовци (1 к.), Василевци (1 к.), Дуковци (1 к.) и Димовци (1 к.) доселени се од селото Мренога во Железник; Тајшија (1 к.), Китановци (1 к.) и Љупевци (1 к.) доселени се од охридското село Скребатно; Доленчанци (1 к.) доселени се од селото Доленци во Железник; Вардинци (1 к.) доселени се од селото Вардино во Железник; Анаќијевци (1 к.) и Апостоловци (1 к.) доселени се во 1943 од селото Мраморец во Дебрца, таму припаѓале на родовите Перовци и Пејчиновци.[13] Козичанци (1 к.) доселени се од кичевското село Козичино; Беличанци (1 к.) доселени се од селото Белица во Копачка.[14]
- Аеродром Логоварди — спортски и поранешен патнички аеродром (пред Вт. светска војна)
Избирачко место
Во селото постои избирачкото место бр. 137 според Државната изборна комисија, сместени во просториите на дом на културата.[15]
На претседателските избори во 2019 година, на ова избирачко место биле запишани вкупно 558 гласачи.[16]
- Цркви[17]
- Црква „Св. Ѓорѓи“ — главната селска црква;
- Археолошки наоѓалишта
- Бресје — населба од неолитско време;[18]
- Дабички Пат — населба и некропола од римско време;[14]
- Мала Тумба — населба од неолитско време;[18]
- Голема Тумба — населба од брозено време;[18]
- Благоја Попоски (р. 1952) - македонски и австралиски поет;[19]
- Вангел Стефановски (р. 1950) - универзитетски професор и агроном;[20]
- Ѓорѓи Котевски (1950 - 2001) - пратеник во Македонското Собрание од 1991 до 1994 и од 1999 до 2001;[21][22]
- Иван Димов - Јон Пашата (1878 - 1907) - македонски револуционер;[23]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
