Полуотворена задна незаоблена самогласка

Полуотворена задна незаоблена самогласка или ниско-средна задна незаоблена самогласка^[1] — вид самогласен глас застапен во низа јазици. Акустички претставува полуотворена задно-средишна незаоблена самогласка.^[2] Симболот во меѓународната фонетска азбука кој го претставува гласот ⟨ʌ⟩. При препис на англискиот јазик, овој симбол често се користи за речиси отворената самогласка од среден ред, а во преписот на данскиот, за (донекаде средоредната) отворена задна заоблена самогласка.

Полуотворена задна незаоблена самогласка
ʌ
Слика
МФА-бр.	314
Шифрирање
Единица (дек.)	ʌ
Уникод (хекс.)	U+028C
X-SAMPA	V
Киршенбаум	V
преглед разговор уреди

Особености

Табела на самогласки по МФА
Предни Речиси​предни Средни Речиси​задни Задни Затворени •iy •ɨʉ •ɯu •ɪʏ •ɪ̈ʊ̈ •ʊ •eø •ɘɵ •ɤo •e̞ø̞ ə •ɤ̞o̞ •ɛœ •ɜɞ •ʌɔ •æ ɐ •aɶ •ä •ɑɒ Речиси затворени Полузатворени Средни Полуотворени Речиси отворени Отворени
Самогласките во парови се: незаоблена • заоблена
Помош за МФА • легенда • табела •  табела со звуци • погл.

• Според висината, самогласката е полуотворена (среднониска), што значи дека јазикот се става на средината помеѓу положбата на отворена и положбата на средна самогласка.
• Според местото на образување (редот), самогласката е задна, што значи дека јазикот се става што е можно поназад во устата без да направи препрека што би ја окарактеризирала како согласка.
• Според обликот на усните, самогласката е незаоблена, што значи дека усните се лабави и не заземаат округол облик.

Застапеност

Јазик		Збор	МФА	Значење	Белешки
	општ јужноафрикански[3]	no	[nʌː]	не	Напати место неа може да биде дифтонгот [ʌʊ̯].[4]
	кардифски[5]	thought	[θʌ̟ːt]	мисла	Речиси задна,[5] кај некои говорници е заоблена и позатворена.
англиски	кејптаунски[6]	lot	[lʌ̟t]	многу	Речиси задна.[6] Одговара на благо заоблената [ɒ̈] во сите други јужноафрикански дијалекти.
	внатрешен северноамерикански[7]	gut	[ɡʌt]ⓘ	утроба	Кај највеќето дијалекти е предната [ɜ] или предна и снижена [ɐ].
	некои естуарски говорници [8]
	мултикултурен лондонски[9]
	наталски[6]
	њуфаундледски[10]
	општоамерикански[11]
	филаделфиски[12]
	шкотски[13]
германски	кемнички[14]	machen	[ˈmʌχɴ̩]	прави	Алофон на /ʌ, ʌː/ (кои се фонетски средишни [ɜ, ɜː])[15] пред и по /ŋ, kʰ, k, χ, ʁ/. Точната задност се разликува од говорник до говорник; најзадна е пред /χ, ʁ/.[16]
ирски	алстерски[17]	ola	[ʌl̪ˠə]	масло
каинганшки[18]		[ˈɾʌ]		белег	Се движи од задно [ʌ] до средишно [ɜ].[19]
кенсиу[20]		[hʌ̟ʎ]		поток	Речиси задна.[20]
корејски[21]		너 / neo	[nʌ]	ти
лилуетски		[се бара пример]			Повлечен соодветник на /ə/.
махмерски[22]		[се бара пример]			Алофон на /ə/; може да биде средна [ə] од среден ред или полузатворена задна [ɤ].[22]
руски	санктпетербуршки[23]	голова	[ɡəɫ̪ʌˈvä]	глава	Одговара на [ɐ] во стандардниот московски изговор;[23] се јавува веднаш пред нагласени слогови.
тамилски[24]		[се бара пример]			Назализирана. Фонетска творба на низата /am/, може да биде [õ] или [ã].[24]
француски	Пикардија[25]	alors	[aˈlʌʀ̥]	тогаш	Одговара на /ɔ/ во стандардниот француски.
хајдски[26]		ḵwaáay	[qʰwʌʔáːj]	карпата	Алофон на /a/ (понекогаш и /aː/) по ресични и надгласилни согласки.[27]