Montenegro i Eurovision Song Contest

Montenegro debuterte i Eurovision Song Contest i 2007 og har delteke tolv gongar. Montenegro deltok tidlegare i Eurovision Song Contest som ein del av Jugoslavia, både som Den sosialistiske føderale republikken Jugoslavia frå 1961 til 1991 og Den føderale republikken Jugoslavia i 1992, og deretter Serbia og Montenegro i åra 2004-2006. Frå 2007 har Montenegro delteke som sjølvstendig nasjon. Sidan debuten har Montenegro berre kvalifisert seg til finalen to av tolv gongar, sist i 2015.^[1]

← Montenegro
RTCG
Uttakingar
Nasjonalt	4
Internt	8
Deltaking
Debutår	2007
Deltakingar	12
Beste resultat
Semifinalen	7 (2014)
Finalen	13 (2015)
Verste resultat
Semifinalen	22 (2007)
Finalen	19 (2014)
Poeng
Semifinalane	516
Finalane	81
Totalt	597

Historikk

Montenegro var tidlegare ein del av Jugoslavia som deltok i Eurovision Song Contest frå 1961 til 1992. I 1991 lausreiv Slovenia, Kroatia, Bosnia-Hercegovina og dåverande Makedonia seg frå landet, og Serbia og Montenegro var i praksis dei einaste som deltok som Jugoslavia i Eurovision Song Contest i 1992. Året etter og fram til 2003, fekk ikkje Jugoslavia deltake i Eurovision Song Contest. Utestenginga var ein del av dei mange SN-sanksjonane mot nasjonen, på grunn av jugoslaviakrigane og den kroatiske sjølvstendekrigen.^[2][3]

Serbia og Montenegro søkte om å få deltake i Eurovision Song Contest igjen i 2003, men Den europeiske kringkastingsunionen (EBU) avslo søknaden og grunngav det med at for mange land ville bli ståande utanfor finale om ein slapp inn fleire nye land.^[4] I 2004 innførte EBU semifinale i Eurovision Song Contest, og dimed fekk Serbia og Montenegro deltake for fyrste gong. I 2006 vart føderasjonen Serbia og Montenegro oppløyst etter ei montenegrinsk folkeavrøysting om lausriving. Montenegro erklærte sitt sjølvstende i juni 2006, og den tidlegare føderasjonen vart delt opp i to sjølvstendige nasjonar: Montenegro og Serbia.^[5] Begge landa debuterte som sjøvstendige nasjonar i Eurovision Song Contest i 2007.

Liten suksess

I motsetning til nabolandet Serbia, har Montenegro hatt liten suksess i Eurovision Song Contest. Etter tre år utan finaleplass valde den montenegrinske kringkastaren Radio Televizija Crne Gore (RTCG) å trekkje seg i 2010. Årsaka var den vanskelege økonomiske situasjonen hos kringkastaren RTCG.^[6]

Etter to år vekke frå tevlinga, kom Montenegro tilbake igjen til Eurovision Song Contest i 2012, men kvalifiserte seg fyrst til ein finale i 2014 - på sitt sjette forsøk. I si fyrste finaledeltaking vart Montenegro nummer 19 av 26, og året etter kom den førebels beste plasseringa til Montenegro i Eurovision Song Contest; ein trettandeplass. Sidan den gongen har ikkje Montenegro kvalifisert seg til finalen.

Bidraga i Eurovision Song Contest

År	Artist	Song	Språk	Finalen		Semifinalen
				Poeng	Plass	Poeng	Plass
2007	Stevan Faddy	«'Ajde, kroči»	Montenegrinsk	Ikkje kvalifisert		33	22
2008	Stefan Filipović	«Zauvijek volim te»	Montenegrinsk			23	14
2009	Andrea Demirović	«Just Get Out of My Life»	Engelsk			44	11
Deltok ikkje 2010–2011
2012	Rambo Amadeus	«Euro Neuro»	Engelsk, montenegrinsk og tysk	Ikkje kvalifisert		20	15
2013	Who See	«Igranka»	Montenegrinsk			41	12
2014	Sergej Ćetković	«Moj Svijet»	Montenegrinsk	37	19	63	7
2015	Knez	«Adio»	Montenegrinsk	44	13	57	9
2016	Highway	«The Real Thing»	Engelsk	Ikkje kvalifisert		60	13
2017	Slavko Kalezić	«Space»	Engelsk			56	16
2018	Vanja Radovanović	«Inje»	Montenegrinsk			40	16
2019	D mol	«Heaven»	Engelsk			46	16
Deltok ikkje 2020–2021
2022	Vladana	«Breathe»	Engelsk	Ikkje kvalifisert

Røystehistorikk (2007-2021)

Finalane

Montenegro har gjeve flest poeng til # Land Poeng 01 Serbia 114 02 Russland 70 03 Albania 69 04 Italia 61 05 Aserbajdsjan 46

Montenegro har fått flest poeng frå # Land Poeng 01 Armenia 20 02 Slovenia 17 03 Makedonia 16 04 Albania 12 Serbia

Semifinale

Montenegro har gjeve flest poeng til # Land Poeng 01 Serbia 65 02 Slovenia 61 03 Russland 53 04 Albania 52 05 Hellas 49

Montenegro har fått flest poeng frå # Land Poeng 01 Serbia 57 02 Slovenia 46 03 Bosnia-Hercegovina 38 04 Aserbajdsjan 32 05 Albania 31

Galleri

• 
  Stevan Faddy i Helsingfors 2007
• 
  Stefan Filipović i Beograd 2008
• 
  Who See og Nina Žižić i Malmö 2013
• 
  Sergej Ćetković i København 2014
• 
  Knez i Wien 2015
• 
  Highway i Stockholm 2016
• 
  Slavko Kalezić i Kiev i 2017
• 
  Vanja Radovanović i Lisboa i 2018
• 
  D mol i Tel Aviv i 2019

Sjå òg

• Montenegro i Junior Eurovision Song Contest
• Serbia og Montenegro i Eurovision Song Contest
• Serbia og Montenegro i Junior Eurovision Song Contest
• Jugoslavia i Eurovision Song Contest