春秋戰國

商末，太伯奔吳，建句吳國，設都吳城。514年，吳王闔閭興建都城闔閭城，有講法是就設勒該搭。

春秋時期（公元前514年），吳王闔閭建都，命楚國叛將伍子胥「相土嘗水」、「象天法地」，造闔閭城。今朝個規模位置基本浪朆變，來拉世界浪是少有少見個。顧頡剛認為蘇州是中國現存頂頂古老個城市。吳國亦重用孫武，訓練出仔一支擂堆個軍隊，北上伐齊，稱霸中原。前496年，闔閭埋勒虎丘。前473年，越國將吳國滅脫，蘇州亦成為仔越國個都城。前306年，楚國滅越國。

闔閭城個位置是歷史學上比較熱門的話題。部分史學界人士認為闔閭城就是蘇州，必過來勒常州搭仔無錫交界處發現仔「闔閭城遺址」。

從秦漢到隋唐

前222年，秦始皇滅楚後，置會稽郡，領縣26（吳、無錫、曲阿、毗陵、婁、陽羨、烏程、由拳、餘杭、富春、全唐、海鹽、余稽、山陰、諸暨、餘姚、上虞、剡、太末、句章、鄮、烏傷），郡治吳縣。

前209年，項羽勒許該個地方起義，幾年之後拿秦朝推翻脫。

前202年，會稽郡歸屬漢朝。第二年以東陽、鄣、會稽三郡五十三縣置荊國，國治吳。

三國屬吳。南朝置吳州。晉代，中原戰亂弗停，交關士紳舉族南遷，帶得來先進個文化搭仔技術。

隋開皇九年（589年）置蘇州，開通仔南北大運河，蘇州勒重要個商路丄。

唐朝 ，蘇州是江南東道個治所。825年，大詩人白居易修築連接蘇州城搭仔虎丘山個山塘街。

宋元明清

宋朝（960年-1279年）立了蘇州置平江府，為浙江西道治所。當時辰光個蘇州已經是得重要個工商業都會哉，特別以絲綢着稱。1035年，范仲淹建立文廟、創辦府學，此後，蘇州長期文風鼎盛，歷代文人雅士輩出。

1130年2月，金兵南下，毀壞咾屠殺過該個城市，戰後朆有多少辰光再恢復過來。

1275年，蒙古軍隊佔領蘇州。元改平江路。元末，張士誠自稱吳王、改平江路為隆平府，都治蘇州。

1367年，朱元璋個軍隊攻破蘇州，張士誠投降。明改蘇州府，直隸南京。但拿城中心個皇城拆脫。明時管理南直隸長江以南部分個應天巡撫駐紮勒拉蘇州。

清代，蘇州為江蘇巡撫搭江蘇布政使駐地。

明清兩代，蘇州經歷着一段更加鬧忙個時期。蘇州交畀中央政府個糧、稅佔到全國個十分之一。蘇州個地價水平也高居全國之首。由於工商業個發展，中心城市集聚交關人口，估計立50萬到100來萬，城市街區沿幾條主要通航河道向外放射狀延伸，頂遠個蕩化距離城門（閶門）已經超過仔10華里。所謂「蘇州以市肆勝」。明代蘇州個滸墅關立全國八個主要鈔關中稅收額名列第二。清代蘇州更名列天下四聚（四大商業中心）之一。由於消費人口集中，城外楓橋形成全國頂大個糧食交易市場，糧食供應來自長江中游個江西、湖南，一部分通過海路轉銷浙江、福建。蘇州個外港，勒明朝是太倉個瀏河（通過婁江聯繫蘇州），立清朝則是上海（通過蘇州河聯繫）。

歸段辰光，蘇州是全國主要個文化中心之一，並立了「士大夫必游五都會」里向。明清兩代全國狀元共出204名，而蘇州即產生着34名。蘇州籍個名相重臣蔚為大觀。立明（1368年-1644年）、清（1644-1911年）兩代，蘇州建造着交關著名個私家園林，里向有交關是回蘇州個退休官員建個，體現明顯個士大夫情趣，搭北京個皇家園林或揚州個鹽商園林有明顯個兩樣。蘇州個精緻典雅個文化風格，備受當時辰光人個讚賞。

1860年，李秀成率領太平天國軍隊進攻蘇州，蘇州經歷一次浩劫，知府下令放火，將繁華個城西閶門商業區徹底焚毀，大批市民逃往上海租界避難，成為後來上海居民個重要組成部分。蘇州是太平天國蘇福省的省會，建有李秀成金碧輝煌個忠王府。1863年12月，戈登個常勝軍配合淮軍從太平軍手中奪取蘇州。但戰後蘇州全國經濟中心地位已經讓位畀上海。立慘烈個戰爭當中，蘇州損失慘重，一逕到今朝，蘇州市（範圍略大一點）個人口數仍舊朆恢復到1860年以前範圍略小一眼個蘇州府個人口數。

1895年個馬關條約簽訂以後，蘇州闢為商埠，城南還設立在蘇州日租界，但該租界始終未繁榮起來，只是後來立世界內開辦仔瑞豐絲廠。1906年滬寧鐵路通車以後，閶門外石路地區一度有所恢復，1937年抗日戰爭中又受到重創。清末民初，蘇州商會總會統轄蘇州、凇江、常州、鎮江四府和太倉直隸州各商務分會，與上海、江寧兩地商會共管江蘇商務。蘇州商會採取一系列措施扶持創辦事業，蘇州個民族資本主義工業因此得到進一步發展。蘇州狀元陸潤庠創辦個蘇綸紗廠。

清朝以後

• 1912年，廢脫府留牢了子吳縣。
• 1937年，日軍入侵以後造成了交關園林撥毀壞。汪精衛統治時期，拿江蘇省會從鎮江遷到了蘇州。
• 1949年，蘇州變成工市，屬於蘇南行政公署（省級）管理。1950年代初，修復拙政園等園林。
• 1953年，蘇南行政公署、蘇北行政公署搭南京直轄市合併，成立江蘇省。下設蘇州市（省轄）搭蘇州專區，蘇州專區轄1市（常熟），9縣（常熟、吳縣、吳江、太倉、崑山、無錫、宜興、江陰、震澤），專署駐蘇州市。
• 1956年，拿宜興縣劃歸鎮江專區，原轄鎮江專區個武進縣划進蘇州專區。
• 1958年，蘇州市劃歸蘇州專區領導；撤銷常熟市，併到常熟縣裏向；無錫縣劃歸無錫市領導，武進縣劃歸常州專區。
• 1960年，撤銷震澤縣，併到吳縣裏向。　　
• 1961年，設立沙洲縣（駐楊舍鎮）。　
• 1962年，蘇州市仍舊改成省轄市。老早無錫市領導個無錫縣劃入蘇州專區。　　　
• 1983年，實行市管縣體制，撤銷蘇州地區，蘇州市轄1市（常熟）5縣（太倉、崑山、吳縣、吳江、沙洲）4區（平江、金閶、滄浪和郊區）。
• 1986年，沙洲縣改設張家港市。此後崑山、吳江、太倉搭吳縣陸續改設縣級市。　
• 1992年，蘇州市開始開發西部新區。
• 1993年，蘇州畀國務院批准為「較大個市」，擁有部分立法權。
• 1994年，蘇州立東郊婁葑、跨塘、斜塘、唯亭、勝浦5個鎮建立蘇州工業園區。
• 1997年，蘇州古典園林撥列為世界遺產。
• 2001年，撤銷仔縣級吳縣市，改設吳中區搭相城區。
• 2012年，撤銷仔縣級吳江市，改設吳江區；金閶區、滄浪區、平江區合併，設立姑蘇區。

共產黨治下蘇州歷代行政長官

（註：括號內是在任個辰光）

• 曲福田（2016年1月-）
• 周乃翔（2012年2月-2016年1月）2012年2月至2012年3月任"代市長"）
• 閻立（2001年1月-2012年2月）2004年11月至2005年1月任"代市長"）
• 楊衛澤（2001年1月-2004年11月）
• 陳德銘（1997年12月-2000年12月）
• 章新勝（1989年-1997年）
• 俞興德（1986年1月 - 1989年10月）
• 段緒申（1984年7月 - 1986年1月）
• 方明（1981年1月 - 1984年7月）
• 賈世珍（1977年3月 - 1981年1月，"革命委員會"個辰光）
• 劉伯英（1975年11月 - 1977年3月，"革命委員會"個辰光）
• 曲言斌（1971年2月 - 1975年2月，"革命委員會"個辰光）
• 向孝書（1968年3月 - 1969年8月，"革命委員會"個辰光）
• 華林森（1967年2月 - 1968年3月，"革命委員會"個辰光）
• 朱亞民（1965年8月 - ?）
• 焦康壽（1960年12月 - 1965年8月）
• 李芸華（1952年12月 - 1960年12月，在任個辰光名稱有變化）
• 王東年（1949年8月 - 1952年12月）
• 惠浴宇（1949年4月 - 1949年8月）

地理

蘇州勒許太湖平原上向，沿江是高沙平原，河湖密布，一落頭地有「魚米之鄉」個美稱。

氣候

屬北亞熱帶濕潤季風氣候，年均降水量1100毫米，年均溫15.5℃，1月均溫2.5℃。7月均溫28℃。

水運

蘇州有京杭運河穿過^[3]，還有內河航道2700公里多點，構成水陸交通動脈。蘇州港是河、海兩用港，是江蘇省頂大個港口、中國大陸第五大港口搭世界第七大港口（參見世界上最繁忙的港口），2012年貨物吞吐量4.28億噸，集裝箱吞吐量586萬TEU。^[4]

還有交關多個小河勒市區穿過，有個已經變仔旅遊船個路線。

長途交通

鐵路

京滬鐵路、滬寧城際鐵路搭京滬高速鐵路儕經過蘇州市。京滬鐵路有一百年多點個歷史，滬寧城際鐵路是2010年通個，京滬高速鐵路是2011年通個。^[5]

• 線路
  • 京滬鐵路
  • 滬寧高速鐵路
  • 京滬高速鐵路
  • 通蘇嘉城際鐵路（勒規劃）
• 火車站
  • 蘇州火車站
  • 蘇州北站
  • 蘇州西站
  • 蘇州園區站
  • 蘇州新區站

市里向高架公路

• 東環高架快速路
• 南環高架快速路
• 西環高架快速路
• 北環快速路

市域高速公路

• 滬寧高速公路
• 沿江高速公路
• 蘇嘉杭高速公路
• 蘇州繞城高速（2006年新建，分為西南段、西北段、蘇滬、蘇崑太高速公路四部分）
• 滬蘇浙高速公路（立了修）
• G312、G318 、G204
• 蘇通長江大橋

市區里向交通

城市軌道交通

主文章：蘇州軌道交通

蘇州是全國地級市里向頭一個自家有地鐵個城市^[6]。現在一共有4條線，1號線2號線3號線搭4號線，共總166.7公里。蘇州造地鐵個前期準備勒1996年就開始做哉，近期規劃7條線，遠期規劃9條線，總共規劃仔380公里（包括延伸段），中心城區規模265公里，有181隻站頭，37隻換乘站頭。3號線搭4號線還勒造。蘇州地特會照「統一規劃、分步實施」個原則，滿足2015年蘇州市600萬人次個出行需求。

蘇州還規劃仔6條市域軌道交通，搭4個縣級市連勒一道^[7]。當前已經公示出來個有S1線搭S2線，估計勒2030年前頭造好^[8]。

佛教

• 靈岩山寺
• 寒山寺
• 西園戒幢律寺
• 石公山

道教

• 玄妙觀

基督教

• 聖約翰堂
• 樂群社會堂（宮巷堂）
• 思杜堂（使徒堂）

天主教

• 楊家橋聖母七苦堂
• 伊斯蘭教