Вазгерд

Вазге́рд (Вазгірд, Вайзгірд) — мужчынскае імя і вытворнае ад яго прозьвішча Возгерд (Возгірд).

Wassgaard
Паходжаньне
Мова(-ы)	германскія
Утворанае ад	Waso + Gardo
Іншыя формы
Варыянт(ы)	Вазгірд
Зьвязаныя артыкулы
якія пачынаюцца з «Вазґерд»

Паходжаньне

Асноўны артыкул: Імёны ліцьвінаў

Ваза (Waso) і Герд або Гарда (Gerd, Gardo) — імёны германскага паходжаньня^[1][2][3]. Іменная аснова вас- (вос-, вес-) (імёны ліцьвінаў Васбут, Вазгір, Важгін; германскія імёны Wospot, Wasger, Wesikin) паходзіць ад стараверхненямецкага hwas 'востры, завостраны'^[4] або wasjan 'квітнець'^[5], а аснова -гард- (-герд-, -герт-) (імёны ліцьвінаў Альгерд, Мундыгерд, Тэўтыгерд; германскія імёны Algardus, Mundgerd, Teutgerdis) паходзіць ад гоцкага gairdan 'падпяразваць' (пераноснае 'ахоўваць'), garda 'агароджа' (пераноснае 'ахова, бясьпека')^[6]. У гістарычным германскім арэале адзначалася імя Wassgaard^[7] (Vasgaard^[8]).

Варыянты імя ў гістарычных крыніцах: Wazgierd possidebant… Wazgierd (24 траўня 1409 году)^[9]; locum cognominatum Waszgyerdowytzy (6 сьнежня 1497 году)^[10]; делницу на имя Вазъкгирдовщину (12 траўня 1497 году)^[11]; Я, Михайло Павъловичъ Вазкгиръдъ и з жоною моею Ульяною и з сынми нашими Васильемъ, а Семеномъ, Анъдреемъ, а Грицкомъ, и з дочками нашими с кнегинею Долзкою Любкою Тацъкою, а Мариною (4 красавіка 1542 году)^[12]; Jakub Wozgierd (1621 год)^[13]; Józef Wozgird (1752 год)^[14]; Wazgierd Sędzia Ziemski Trocki… Wazgierd Podstoli Trocki (1766 год)^[15]; Wayzgird (1802—1803 гады)^[16].

Носьбіты

• Вазгерд — літоўскі баярын, які ўпамінаецца ў 1409 годзе
• Міхайла Паўлавіч Вазгірд — валынскі зямянін, які ўпамінаецца ў 1542 годзе
• Якуб Возгерд — шляхціч Жамойцкага староства, які ўпамінаецца ў 1621 годзе

Вазгірды (Візгірды) і Вазгірды на Вазгірданах — літоўскія шляхецкія роды^[17].

Вазгірд (Wazgird) — прозьвішча, зафіксаванае ў XIX стагодзьдзі ў ваколіцах Сувалкаў^[18].

Глядзіце таксама

• Ваз
• Герд