Ваз

Ваз (Вазь, Вязь, Вяж), Вас — мужчынскае імя.

Waso
Паходжаньне
Мова(-ы)	германскія
Іншыя формы
Варыянт(ы)	Вас, Вазь, Вязь, Вяж
Вытворныя формы	Войша
Зьвязаныя імёны	Васбут, Вазгайла, Вазгір, Вазгерд, Важгін, Васмунт
Зьвязаныя артыкулы
якія пачынаюцца з «Ваз»

Паходжаньне

Асноўны артыкул: Імёны ліцьвінаў

Васа або Ваза, Веса або Веза, Воса або Воза (Waso, Weso^[a], Woso) — імя германскага паходжаньня^[1]. Іменная аснова вас- (вос-, вес-) паходзіць ад стараверхненямецкага hwas 'востры, завостраны'^[2] або wasjan 'квітнець'^[3][b]. Сярод ліцьвінаў бытавалі імёны Васбут, Вазгір, Важгін, Васмунт. Адзначаліся германскія імёны Wospot, Wasger, Wesikin, Wassmundt.

У Польшчы адзначалася германскае імя Vasold^[5][c]: Henrici, filii quondam Vasoldi (1324 год)^[7].

У Ноўгарадзе бытавала імя Ваземут^[d]: у Воземута (1340 — пачатак 1380-х гадоў)^[9].

Варыянты імя ў гістарычных крыніцах: Кинъяту Ясколдовичу чотыри чоловеки… а Манко Возович (9 лістапада 1449 году)^[10]; земль пустовских в Бряславском повете у Городскои волости на Немецкои границы на имя Вяжовщины (5 сьнежня 1514 году)^[11]; Щастныи Вяжевичъ 2 кони. Якубъ Вяжевичъ З кони^[12], Миколаи Вяжевич^[13], Миколаи Старый Вас^[14], Говен Вяж^[15], Петръ Вежевичъ^[16] (1528 год); третій дымъ Бурко Возевичъ маетъ сыновъ два Панкратъ и Матей (27 чэрвеня 1590 году)^[17][e].

Носьбіты

• Вас Гердынавіч (Vassus Gerdynowic) — літоўскі баярын, які ўпамінаецца ў фундацыі Яна Гаштольда на касьцёл у Тыкоціне ад 1437 году^[28]
• Шчасны і Якуб Вяжэвічы — менскія баяры, якія ўпамінаюцца ў попісе войска Вялікага Княства Літоўскага 1528 году
• Мікалай Вяжэвіч — рудамінскі баярын, які ўпамінаецца ў попісе войска ВКЛ 1528 году
• Мікалай Стары Вас — бельскі баярын, які ўпамінаецца ў попісе войска ВКЛ 1528 году
• Говен Вяж — вялёнскі баярын, які ўпамінаецца ў попісе войска ВКЛ 1528 году
• Пётар Вежавіч — бяржанскі баярын, які ўпамінаецца ў попісе войска ВКЛ 1528 году

Вязевічы (Wiaziewicz) — літоўскі шляхецкі род з Амсьціслаўскага ваяводзтва^[29].

Вяжэвічы або Вязевічы (Wiażewicz, Wiaziewicz) гербу Ляліва — літоўскі шляхецкі род з Слуцкага княства^[30].

Монтвіды-Вяжэвічы (Монвілы-Вяжэвічы) — літоўскі шляхецкі род^[31].

На 1909 год існаваў фальварак Васішкі ў Менскім павеце Менскай губэрні^[32].

Заўвагі

1. Паводле назваў мясцовасьціў Wesenbecca, Wesincheim
2. Польска-летувіская аўтарка Юстына Вальковяк прызнае брак адэкватнага тлумачэньня іменнай асновы вас- (ваш-, вос-) зь летувіскай мовы^[4]
3. Адзначалася старажытнае германскае імя *Waswald^[6]
4. Адзначалася старажытнае германскае імя Wasmut^[8]
5. Таксама:

   • Вашэйка: Вашэйкі — літоўскі шляхецкі род^[18];
   • Вазіла (адзначалася старажытнае германскае імя Wasili^[1]): homo Hricz Wozilowicz (2 жніўня 1442 году)^[19];
   • Важан: слуг наших пүтных Полоцкого ж повета… а в Горасима, а в-в Оксюты Вожановичов (26 ліпеня 1492 — 11 траўня 1506 году)^[20];
   • Вазгід: Богданъ Возкгидовичъ (1528 год)^[21];
   • Вазгіл: з Возкгилишокъ (1567 год)^[22], Wazgiły (1744 год)^[23];
   • Важгінт, Вазгінт: чоловеков… Вожкгинъта (9 лістапада 1449 году)^[24], Wozginty (1744 год)^[23], Вазгінты — літоўскі шляхецкі род^[25];
   • Васэр (адзначалася германскае імя Washeri^[26]): u Jana Waserowicza (1690 год)^[27]