Відзімонт

Відзімонт, Відымонт (памёр у 1382 годзе) — літоўскі баярын.

Відзімонт
лац. Vidzimont

Асабістыя зьвесткі
Памёр	1382(1382)

Магчыма, валодаў Відзімонтамі каля Палангі на Жамойці^[1].

Імя

Асноўны артыкул: Відзімонт (імя)

Відзімунд, Відмунд або Відзімунт, пазьней Відымонд (Widimund^[2], Widmund^[3], Widimunt^[4], Widimond^[5]) — імя германскага паходжаньня^[6]. Іменная аснова -від- (імёны ліцьвінаў Відзіман, Мельвід, Торвід; германскія імёны Widiman, Melvid, Torvid) паходзіць ад гоцкага wida 'повязь, злучэньне, моцнасьць' або ад гоцкага і германскага widus 'дрэва', а аснова -мунд- (-мунт-, -монт-) (імёны ліцьвінаў Монтгерд, Валімонт, Жыгімонт; германскія імёны Mundgerd, Walmont, Sigimunt) — ад германскага *mundô 'рука, абарона, крэўнасьць'^[7] або гоцкага munds 'моц розуму, імкненьне', mundrs 'гарлівы, палкі'^[8]. Такім парадкам, імя Відзімонт азначае «моц гарлівасьці» (тое ж, што і імя Монтвід)^[9].

Адпаведнасьць імя Відмант германскаму імю Witmund сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[10].

Варыянты імя ў гістарычных крыніцах: Wyndimund^[a] або Видимонтъ^[b] (Летапісец вялікіх князёў літоўскіх).

Біяграфія

Зь літоўскага баярскага роду, быў дзядзькам Біруты.

Упамінаецца толькі ў Летапісцы вялікіх князёў літоўскіх (і пазьнейшых яго сьпісах) у зьвязку з пакараньнем сьмерцю ў 1382 годзе: «Помшчая Вайдзіла, дву вялелі на калясе разьбіці, аднога, Відзімонта, дзядзю маткі князя вялікага Вітаўта, отчня брата маткі яго, што дзяржаў Уляну, потам пак была за Монвідам, а іных баяр многа пасьцінаў, помшчая таго Вайдзіла».

Заўвагі

1. Паводле Origo regis Jagyelo et Wytholdi ducum Lithuanie
2. Паводле Віленскага сьпісу