Гарадзенскае ваяводзтва

Гарадзенскае ваяводзтва — адміністрацыйна-тэрытарыяльная адзінка ў Вялікім Княстве Літоўскім. Сталіца — места Горадня.

Гісторыя

Утварылася па другім падзеле Рэчы Паспалітай (1793) на аснове Гарадзенскага і Мерацкага паветаў, спыніла сваё існаваньне ў выніку трэцяга падзелу Рэчы Паспалітай (1795)^[1].

Адміністрацыйна-тэрытарыяльны падзел

Падзялялася на тры зямлі:

• Гарадзенскую: Гарадзенская, Азёрская, Тэалінская, Гоская, Квасоўская, Мастоўская, Эйсмантаўская, Ліпскай, Краснаборская, Каменская, Індурская, Лунянская, Вялікабераставіцкая, Рачкоўская, Выгерская, Філіпаўская, Праросьленская, Віжанская, Еленёўская, Краснапольская, Сейненская, Берніцкая, Янавецкая, Шніборская і Бакалараўская парафіі.
• Ваўкавыскую: складалася з ранейшых парафіяў, акрамя Ялаўскай, далучанай да Сакольскай зямлі, а таксама Рэплянскай і Ваўпянскай.
• Сакольскую: складалася з астатніх парафіяў Гарадзенскага павету, акрамя далучаных да Мерацкай зямлі.

Ураднікі

На Вальным сойме было прадстаўленае двума сэнатарамі (ваяводам і кашталянам) і шасьцю пасламі (два з кожнай зямлі).

Ваяводы:

• Антоні Сухадольскі (7.3.1794, намінаваны з кашталяна мерацкага — 1795)^[2]

Кашталяны:

• Казімер Вольмэр (намінаваны яшчэ ў Гарадзенскім павеце 12.1.1793, прывілей атрымаў 26.10.1793 — 1795)