Герыла

Герыла (Герла, Герэль, Геруль, Гірэла), Керыла (Керэль) — мужчынскае імя і вытворнае ад яго прозьвішча.

Gerilo
Паходжаньне
Мова(-ы)	германскія
Утворанае ад	Gero + суфікс з элемэнтам -л- (-l-)
Іншыя формы
Варыянт(ы)	Герла, Керыла, Керэль, Герэль, Гірэла, Геруль, Гарэль
Зьвязаныя артыкулы
якія пачынаюцца з «Ґерыла»

Паходжаньне

Асноўны артыкул: Імёны ліцьвінаў

Герыла, Герла, Керыла або Керэла (Gerilo^[1], Gerlo, Kerilo, Kerelo) — імя германскага паходжаньня^[2]. Іменная аснова -гер- (-гар-, -гір-) (імёны ліцьвінаў Гералт, Гермонт, Бутгер; германскія імёны Gerolt, Geromont, Butger) паходзіць ад стараісьляндзкага geirr, стараверхненямецкага gēr 'дзіда'^[3].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Geryl^[4]: circumspecto viro, consule civitatis Crosne… Iacobo Geril (1412 год)^[5].

У Польшчы адзначаюцца прозьвішчы Герэла (Giereła, Gierełło, Giereło), Керэла (Kiereło) і Керэловіч (Kierełowicz)^[6].

Варыянты імя ў гістарычных крыніцах: et aliam viam, que vadit ad Gerylo (7 чэрвеня 1492 году)^[7]; у волости Грезкои… землъ пустовъских… Кгирелевъщины а Кормановъщины (20 сьнежня 1551 году)^[8]; Girela (1671—1681 гады)^[9]; et Annae Kierulowna (18 жніўня 1710 году)^[10]; wieś Wozowniki… Franciszek Gierel (23 красавіка 1755 году)^[11]; Symon Gierulewicz, Tadeusz Gerulewicz… Zygmunt Gierulewicz (9 лютага 1791 году)^[12]; Ignacy Gieryllowicz (1828 год)^[13]; Ignacy, Wiktoria Gierylowicz (1831 год)^[14]; Zofia Kieryło (1833 год)^[15].

Носьбіты

• Юры Гірэла (Jerzy Gireła) — віленскі мешчанін, які ўпамінаецца ў 1665 годзе^[16]
• Браніслаў і Вінцэнт Герыловічы (Gieryłowicz) — уладальнікі Камайску каля Докшыцаў на 1912 год^[17]

Керэлі (Kierel) — прыгонныя зь вёсак Навасядаў і Мікуцянаў (Ашмянскі павет), якія ўпамінаюцца ў XIX стагодзьдзі^[18].

Герловічы (Gerłowicz) і Герулевічы (Gierulewicz) — літоўскія шляхецкія роды зь Вільні^[19].

Герловічы (Gierłowicz) гербу Геральт — літоўскі шляхецкі род з Троцкага павету^[20].

Гірыловічы (Giryłowicz) — шляхецкі род Рэчы Паспалітай з Жытоміру^[21].

Гарэль (Garel) — прозьвішча, зафіксаванае ў XIX стагодзьдзі ў ваколіцах Сувалкаў^[22].

У актах Вялікага Княства Літоўскага ўпамінаўся маёнтак Гарылішкі каля Вялёны^[23].

На гістарычнай Віленшчыне існуе вёска Керэлі, у гістарычнай Прусіі — Гералішкі.