Домаш

Домаш, Доміш, Тумаш — мужчынскае імя і вытворнае ад яго прозьвішча.

Domisch
Паходжаньне
Мова(-ы)	германскія
Утворанае ад	Duomo + суфікс з элемэнтам -ш- (-sch-)
Іншыя формы
Варыянт(ы)	Доміш, Тумаш
Зьвязаныя артыкулы
якія пачынаюцца з «Домаш»

Паходжаньне

Асноўны артыкул: Імёны ліцьвінаў

Доміш (Domisch) — імя германскага паходжаньня^[1]. Іменная аснова -дом- (-тум-) (імёны ліцьвінаў Туміла, Домін, Тумар; германскія імёны Tumila, Domin, Thumer) паходзіць ад гоцкага dōms 'вырак, суд; слава'^[2].

Імёны Домаш і Думаш гістарычна бытавалі ў Польшчы: Paulich filius Domas (1204 год), Domas (1244 і 1249 гады), Dumas (1413 год)^[3].

У Ноўгарадзе бытавала імя Домаша (Домаса)^[4].

Варыянты імя ў гістарычных крыніцах: villanis… Mylosch Domaschewicz (1 жніўня 1472 году)^[5]; служебъ того дворца Бикушского… а Феда Домашевич (14 сьнежня 1508 году)^[6]; чотырех чоловеков в Новгородском повете Ловецкого десятку на има Домаша Контевича (27 жніўня 1511 году)^[7]; землю пустовскую тяглую у повете Радунском на имя Дамашишку (3 ліпеня 1513 году)^[8]; земль пустых в Оболцохъ… Богдановы Домашевича… Богдановы Домашовича (12 жніўня, 17 верасьня і 30 кастрычніка 1519 году)^[9]; Тумашъ з братомъ^[10], Ланко Тумашевичъ^[11] (1528 год); люди того жъ двора Ошъменъцовъ… Станько Домашевич (11 чэрвеня 1547 году)^[12]; sioło Czywilowo… Piotr Domaszewicz (4 сьнежня 1554 году)^[13]; Domass Koliessnik… Domas Wisiewicz (1558 год)^[14]; Janko Domiss (1560—1563 гады)^[15]; Домашъ Мирутичъ (1563 год)^[16]; Marcin Domiszewicz (26 жніўня 1767 году)^[17]; Domaszewicz Symon (16 сьнежня 1894 году)^[18].

Носьбіты

• Тумаш — гарадзенскі баярын, які ўпамінаецца ў попісе войска Вялікага Княства Літоўскага 1528 году
• Ланка Тумашавіч — ваўкавыскі баярын, які ўпамінаецца ў попісе войска ВКЛ 1528 году
• Сямён Домаш (1950—2019) — беларускі палітычны дзяяч

Дамішэвічы — літоўскі шляхецкі род^[19].

На 1904 год існавала сядзіба Домашанка (Дамашэнка) у Смаленскім павеце Смаленскай губэрні^[20].

На гістарычнай Наваградчыне існуе вёска Дамашэвічы, на гістарычнай Меншчыне — Дамашаны і Дамашкі, на гістарычнай Піншчыне — Дамашыцы, на гістарычнай Віцебшчыне — Дамашэва, на гістарычнай Віленшчыне — Домашышкі. Назву Дамашы маюць вёскі на гістарычных Ашмяншчыне, Браслаўшчыне, Наваградчыне і Меншчыне, назву Тумашы — на гістарычных Ашмяншчыне, Гарадзеншчыне і Наваградчыне.