Цудзенішкі

Цу́дзенішкі^[1] — вёска ў Беларусі, на рацэ Лошы. Уваходзяць у склад Каменналоскага сельсавету Ашмянскага раёну Гарадзенскай вобласьці.

Цудзенішкі лац. Cudzieniški
Краіна:	Беларусь
Вобласьць:	Гарадзенская
Раён:	Ашмянскі
Сельсавет:	Каменналоскі
Насельніцтва:	183 чал. (2010)
Часавы пас:	UTC+3
Тэлефонны код:	+375 1593
Паштовы індэкс:	231105
Нумарны знак:	4
Геаграфічныя каардынаты:	54°32′10″ пн. ш. 25°46′5″ у. д.
Цудзенішкі на мапе Беларусі ± Цудзенішкі Цудзенішкі
Галерэя здымкаў у Вікісховішчы

Назва

Асноўныя артыкулы: Дудзен і Таўтэн

Дудзен або Цьюдзін (Duden, Thiudin^[2]) — імя германскага паходжаньня^[3]. Іменная аснова -тот- (-дод-) (імёны ліцьвінаў Туцейка, Тутыла, Доман; германскія імёны Tuoticha, Tuotilo, Domann) паходзіць ад стараверхненямецкага toto 'хросны бацька'^[4], а аснова -тэўд- (-дэўт-, -тыд-) (імёны ліцьвінаў Таўтвід, Таўтывіл, Таўтгерд; германскія імёны Teutwidis, Theudowills, Teutgerdis) — ад гоцкага þiuda^[5], германскага þeudo^[6] 'род, народ'^[7].

Яшчэ этнограф і мовазнаўца Яўхім Карскі зьвяртаў увагу на тое, што ў латыскай Курляндыі, «большасьць беларускіх населеных месцаў заканчваюцца на -ішкі»^[8], пазьней падобныя тапонімы на -ішкі азначылі як «гістарычна балтыйскія» і нават «тыпова летувіскія»^[9]. Тым часам менскі дасьледнік Алёхна Дайліда зазначае, што «ва ўсходнегерманскіх мовах быў пашыраны суфікс -isk-: такім парадкам, так менаваная „лінія Сафарэвіча“ (мяжа перавагі паселішчаў з назовамі на -ішкі ў Панямоньні) не абавязкова зьнітаваная з балтамі»^[10].

Варыянты назвы ў гістарычных крыніцах: Thudeniskin (Паведамленьні аб літоўскіх дарогах)^[11]; Tudeniski (2 лютага 1395 году)^[12]; Thudeniszky (9 траўня 1397 году)^[13]; Тюденишки (15 траўня 1525 году)^[14]; до Тюденишокъ съ Тюденишокъ (каля 1565—1566 гадоў)^[15].

Насельніцтва

• 1999 год — 172 чалавекі
• 2010 год — 183 чалавекі