Юцейка

Юцейка (Ютка, Ютыка, Юдзейка, Юдзека), Ятэйка (Ятэка) — мужчынскае імя і вытворнае ад яго прозьвішча.

Jüttke
Паходжаньне
Мова(-ы)	германскія
Утворанае ад	Juto + суфікс з элемэнтам -к- (-k-)
Іншыя формы
Варыянт(ы)	Ютка, Ютыка, Юдзейка, Юдзека, Ятэйка, Ятэка
Зьвязаныя артыкулы
якія пачынаюцца з «Юцейка»

Паходжаньне

Асноўны артыкул: Імёны ліцьвінаў

Юдыке або Ютке (Jüdicke, Jüttke) — імя германскага паходжаньня^[1]. Іменная аснова -ют- (-юд-, -ят-) (імёны ліцьвінаў Ютэль, Даўят, Карыят; германскія імёны Jutilo, Dowyatt, Cariatto) паходзіць ад гоцкага iuþa, старагерманскага joþ 'дзіцё, народзінец, нашчадак'^[2].

У 1594 годзе ў Каралявецкім унівэрсытэце навучаўся Augustinus Judzick, Liccensis Borussus^[3].

Варыянты імя ў гістарычных крыніцах: Jotheke (26 траўня 1390 году)^[4]; Билеви Куяне на имя: Скобеико, Юдеико (7 лістапада 1442 году)^[5]; люди господарьскии Мойшокгольци… Мартинъ Ютейковичь (1510—1517 гады)^[6]; пустовъщины в Моишокгольском повете… Ятеиковъщину (30 верасьня 1514 году)^[7]; Янушко Ютеиковичъ^[8], Можеико Юдеиковичъ^[9], Матеи Юдеиковичъ^[10] (1528 год); бояр нашых, шляхты Ковеньского повета и Вилкейского… Наръко Ятейкович зъ жоною своею Доротою и детми своими: Юремъ а Венцком, а Ганусом (1 лістапада 1529 году)^[11]; Ютко Петрович… Анъдреи Юткевич (1 ліпеня 1542 году)^[12]; Mikołay Juteykowicz… Mikołay Jutykowicz (4 сьнежня 1554 году)^[13]; Andrzey Jutkowicz… Juteyko Stankowicz (4 сьнежня 1554 году)^[14]; Марко Юткович (27 студзеня 1570 году)^[15].

Носьбіты

• Ятэка — літоўскі баярын з Эйраголы, які ў 1390 годзе засьведчыў умову з Тэўтонскім ордэнам
• Янушка Юцейкавіч — майшагольскі баярын, які ўпамінаецца ў попісе войска Вялікага Княства Літоўскага 1528 году
• Мажэйка Юдзейкавіч — бяржанскі баярын, які ўпамінаецца ў попісе войска ВКЛ 1528 году
• Мацей Юдзейкавіч — крожаўскі баярын, які ўпамінаецца ў попісе войска ВКЛ 1528 году
• Юдзейка Пятровіч — жыхар Жамойцкага староства, які ўпамінаецца ў 1537—1538 гадох^[16]
• Грыц Юдзейкавіч (Юдзекавіч) — жыхар Жамойцкага староства, які ўпамінаецца ў 1537—1538 гадох^[17]
• Стэць і Павал Яцейкавічы — жыхары Жамойцкага староства, якія ўпамінаюцца ў 1537—1538 гадох^[18]
• Ютка Пятровіч і Андрэй Юткевіч — сяляне з ваколіцаў Гегужына, які ўпамінаецца ў 1542 годзе
• Мікалай Юцейкавіч (Ютыкавіч) — лынгмянскі мешчанін, які ўпамінаецца ў 1554 годзе
• Андрэй Юткавіч і Юцейка Станкавіч — сяляне з ваколіцаў Лынгмянаў, які ўпамінаецца ў 1554 годзе
• Марка Юткавіч — селянін з ваколіцаў Кроняў, які ўпамінаецца ў 1570 годзе

Ятэйкі і Ятэйкі з Бортка — літоўскія шляхецкія роды^[19].

У XVI ст. існавалі сяло Юдзейкі, маёнтак Юдзейкішкі, «грунт» Юдзікішкі і гаспадарскае сяло Юцекі ў Жамойцкім старостве^[20].