Ясьвіл

Ясьвіл (Ясьвіла), Асьвіл (Ашвіла) — мужчынскае імя і вытворнае ад яго прозьвішча.

Паходжаньне
Мова(-ы)	германскія
Утворанае ад	Asi + Wilo
Іншыя формы
Варыянт(ы)	Ашвіла, Ясьвіла, Азавіла
Зьвязаныя артыкулы
якія пачынаюцца з «Ясьвіл»

Паходжаньне

Асноўны артыкул: Імёны ліцьвінаў

Асі або Осі (Asi, Osi) і Віла (Wilo) — імя германскага паходжаньня^[1]. Іменная аснова ас- (ос-) (імёны ліцьвінаў Осман, Асьміна, Ашнар; германскія імёны Osman, Osminna, Asinar) паходзіць ад гоцкага *anseis, германскага ans 'паганскае боства, ідал'^[2][3], а аснова -віл- (імёны ліцьвінаў Вільбут, Вільгейда, Мунтвіл; германскія імёны Willebut, Williheid, Muntwil) — ад гоцкага wilja 'воля'^[4]. Адзначалася германскае імя Asvild (As-vild)^[5], старажытнае германскае імя Osovildis (Oso-vildis)^[6].

Варыянты імя ў гістарычных крыніцах: чоловекъ, на имя Ясвиловичъ (1440—1492 гады)^[7]; земль пустовских леитьских в Троцком повете подле своего двора Троцкого на имя Ясвиловщины (15 ліпеня 1496 году)^[8]; чоловеков тяглыхъ у Оирякголскои волости… Монтеика, а Ясвила Прочевичовъ (30 траўня 1513 году)^[9]; Станко Есвилович… Ясвил Визборович (1537—1538 гады)^[10]; Шимко Есвилович (1 ліпеня 1542 году)^[11]; подданого… Яна Ясвиловича (4 кастрычніка 1586 году)^[12]; Oswyłowicz (Oswiłowicz, 1666 год)^[13]; Mikołaj Azawiła (1695 год)^[14]; Anna Jaswiłło (1794 год)^[15]; Róża Jaświło (1781 год)^[16]; Marianna Oszwiło (1821 год)^[17].

Носьбіты

На гістарычнай Лідчыне існуе хутар Ясьвілы.

Глядзіце таксама

• Аса
• Віла