Абуд

Абуд (Абод), Абут (Абуць, Ябут) — мужчынскае імя.

Abbud
Паходжаньне
Мова(-ы)	германскія
Утворанае ад	Abo + Budo
Іншыя формы
Варыянт(ы)	Абод, Абут, Абуць, Ябут
Зьвязаныя артыкулы
якія пачынаюцца з «Абуд»

Паходжаньне

Асноўны артыкул: Імёны ліцьвінаў

Абод або Абуд, пазьней Абат (Abbod, Abbud^[1], Abbott) — імя германскага паходжаньня^[2]. Іменная аснова аб- (імёны ліцьвінаў Абека, Абор, Абрат; германскія імёны Abbeco, Abar, Abrada) паходзіць ад гоцкага aba 'мужчына, муж'^[3], а аснова -буд- (-бод-) (імёны ліцьвінаў Будзівід, Будар, Будрых; германскія імёны Bodwidus, Buder, Boderich) — ад бургундзкага buda 'пасол, пасланьнік' або германскага bodo 'гаспадар'^[4].

Варыянты імя ў гістарычных крыніцах: в Крожех — на имя Шевлянъ, шестнадцать чоловековъ, куничников… а Ебута (1440—1492 гады)^[5]; homines septem equorum pabulatores alias conyvchi… Jabvth (29 лютага 1476 году)^[6]; Воишвид Ябутович… Воишвил Ебутович… Можан Ебутович (1537—1538 гады)^[7]; Янел а Якубъ Ябутевичи (1 ліпеня 1542 году)^[8]; въ концу волокъ села Бирякголи грунту среднего морговъ два принялъ Маюлъ Абутовичъ^[9], войть Альберть Ябутовичъ^[10] (1554 год); Chwiedzko Obudowicz (1561—1566 гады)^[11]; Ociec Symon Obudowicz, praesbiter cerkwi hniezdziłowskiej (1690 год)^[12]; Abudowicz (1756/1758 год)^[13]; Anna Abodowicz (1803 год)^[14].

Носьбіты

• Казімер Абадзевіч (Kazimierz Abodziewicz) — магістар філязофіі і гуманітарных навук (1728 год)^[15]
• Антоні Абудовіч — уніяцкі сьвятар у Гнязьдзілавічах, які ўпамінаецца ў 1748 годзе^[16]

Абудовічы — літоўскі шляхецкі род^[17].

Абадовічы (Obodowicz) — літоўскі шляхецкі род з Ашмянскага павету^[18].

Абуцевіч — прозьвішча, гістарычна зафіксаванае на тэрыторыі цяперашняй Летувы^[19].

У XVI ст. існавала сяло Ябутавічы (Ябутовичи) у Жамойцкім старостве^[20].