Карма (Ельскі раён)

Карма́^[1] — вёска ў Беларусі, на поўдні ад мэліярацыйнага канала. Уваходзіць у склад Валаўскага сельсавету Ельскага раёну Гомельскай вобласьці. Насельніцтва 104 чал. (2004). Знаходзіцца за 45 км на паўднёвы захад ад места і чыгуначнай станцыі Ельск (лінія Каленкавічы — Оўруч), за 222 км ад Гомелю. Палявая дарога злучае вёску з аўтамабільнай дарогай Скароднае — Стадолічы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Карма.

Карма
Краіна:	Беларусь
Вобласьць:	Гомельская
Раён:	Ельскі
Сельсавет:	Валаўскі
Насельніцтва:	104 чал. (2004)
Часавы пас:	UTC+3
Тэлефонны код:	+375 2354
СААТА:	3214808036
Нумарны знак:	3
Геаграфічныя каардынаты:	51°42′48″ пн. ш. 28°37′30″ у. д.
Карма на мапе Беларусі ± Карма Карма

Гісторыя

Упершыню Карма згадваецца ў XVI ст. як сяло Мазырскага павету Менскага ваяводзтва.

У выніку другога падзелу Рэчы Паспалітай (1793) мясьціна апынулася ў складзе Расейскай імпэрыі, у Мазырскім павеце Менскай губэрні. У 1816 вёска была цэнтрам аднайменнага маёнтку ў валоданьні Ваньковічаў. Паводле вынікаў перапісу (1897) у Карме існавалі капліца і крама. У 1908 паселішча ўваходзіла ў склад Скараднянскай воласьці.

Насельніцтва

• XIX стагодзьдзе: 1816 — 16 двароў; 1897 — 23 двары, 219 жыхароў, у фальварку 2 двары, 18 жыхароў (паводле перапісу)
• XX стагодзьдзе: 1908 — 48 двароў; 1917 — 406 жыхароў; 1924 — 84 двары, 438 жыхароў; 1940 — 117 двароў, 516 жыхароў; 1959 — 417 жыхароў (паводле перапісу); 1999 — 139 жыхароў
• XXI стагодзьдзе: 2004 — 63 гаспадаркі, 104 жыхары^[2]