Мільмонт

Мільмонт (Мэльмонт, Мільмунт) — мужчынскае імя і вытворнае ад яго прозьвішча.

Паходжаньне
Мова(-ы)	германскія
Утворанае ад	Milo + Mont
Іншыя формы
Варыянт(ы)	Мэльмонт, Мільмунт
Зьвязаныя імёны	Muntemil
Зьвязаныя артыкулы
якія пачынаюцца з «Мільмонт»

Паходжаньне

Асноўны артыкул: Імёны ліцьвінаў

Міла (Milo) і Мунд або Монт (Mund, Mont) — імёны германскага паходжаньня^[1][2]. Іменная аснова -міл- (-мел-) (імёны ліцьвінаў Мілейка, Мельвід, Мілар; германскія імёны Milike, Melvid, Milehar) паходзіць ад гоцкага mildeis 'мяккі, прыязны'^[3][4], а аснова -мунд- (-мунт-, -монт-) (імёны ліцьвінаў Монтгерд, Валімонт, Жыгімонт; германскія імёны Mundgerd, Walmont, Sigimunt) — ад германскага *mundô 'рука, абарона, крэўнасьць'^[5] або гоцкага munds 'моц розуму, імкненьне', mundrs 'гарлівы, палкі'^[6]. Адзначалася старажытнае германскае імя *Mallamundus (Malla-mundus)^[7], Malmund^[8][9] (магчыма, пазьнейшае Malmont^[10]).

Германскае (паўночнагерманскае) паходжаньне літоўскага шляхецкага прозьвішча Мілімант (Milimont) сьцьвярджалася яшчэ ў артыкуле «Жамойць» Усеагульнай энцыкляпэдыі Самуэля Аргельбранда (1868 год)^[11].

Германскі характар літоўскіх імёнаў з асновай -монт- (-мант-) — як і запазычаньне самой асновы з германскіх моваў — сьцьвердзілі францускі лінгвіст-германіст Раймонд Шмітляйн^[12] і амэрыканскі лінгвіст Альфрэд Зэн^[13].

У Прусіі бытавала імя Мунтыміл: Munthemil (1289 год)^[14]; Muntemil (1299 год)^[14], Muntmille (1334 год)^[15], Montemyle (1392 год)^[16].

Варыянты імя ў гістарычных крыніцах: бояре ясвонские на имя… Евнивил Милмонтовичъ (30 траўня 1496 году)^[17]; Jakub Milmunt (1662 год)^[18]; Milmont… Mikołaj Milmont… Samuel Milmont… Jana Milmonta… Stanisław Szymowicz Milmont^[a] (1667 год)^[19]; Zachariasz Milmont^[20], Paweł Milmont^[21], Pani Jagnieszka Kuszłeykówna Aleksandrowa Milmontowa^[22] (1690 год); Marianna Melmont (1725 год)^[23]; Dominik Milmont (16 красавіка 1764 году)^[24]; Jerzy Milmont (9 лютага 1785 году)^[25]; Marianna Milmontt (1794 год)^[26].

Носьбіты

• Еўнівіл Мільмонтавіч — ясвойнскі баярын, які ўпамінаецца ў 1496 годзе
• Бартламей Мільмант (Bartłomiej Milmont) — навучэнец Папскай сэмінарыі ў Вільні ў пачатку XVIII стагодзьдзя^[27]

Мільмонты (Мільманты, Міліманты^[28]) — літоўскі шляхецкі род, які меў уладаньні на Жамойці^[b].

Глядзіце таксама

• Міл
• Мунд

Заўвагі

1. Таксама ўпамінаюцца Krzysztof Wojciechowicz Mimont… Symon Mimont na miejscu Mikołaja Mimonta
2. Гісторык Гжэгаж Блашчык аб'ядноўвае Мільмонтаў і Мімонтаў з больш вядомымі Мінімонтамі