Мінімонт
From Wikipedia, the free encyclopedia
Remove ads
Мінімонт (Мінімунд, Мінімунт, Мімунт, Мімонт) — мужчынскае імя і вытворнае ад яго прозьвішча.
Паходжаньне
Магінмунд (Maginmund) — імя германскага паходжаньня[1]. Іменная аснова -мін- (-мен-) (імёны ліцьвінаў Мінят, Асьміна, Гальмін; германскія імёны Miniatus, Osminna, Galmin) паходзіць ад гоцкага minan 'менаваць, памятаць, любіць'[2], minthi 'памяць'[3], аснова магін- (мэйн-) (імёны ліцьвінаў Мэйнар, Мэйнарт; германскія імёны Meinar, Meinart) — ад стараверхненямецкага magan, стараісьляндзкага megin, стараангельскага maegen 'сіла, магутнасьць, улада'[4], а аснова -мунд- (-мунт-, -монт-) (імёны ліцьвінаў Монтгерд, Валімонт, Жыгімонт; германскія імёны Mundgerd, Walmont, Sigimunt) — ад германскага *mundô 'рука, абарона, крэўнасьць'[5] або гоцкага munds 'моц розуму, імкненьне', mundrs 'гарлівы, палкі'[2]. Такім парадкам, імя Мінімонт азначае «гарлівы думкамі»[6] (тое ж, што і імя Мантымін).
Паводле францускага лінгвіста-германіста Раймонда Шмітляйна, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў, імя Мінімонт адпавядае германскаму імю Munimund[7]. Германскі характар літоўскіх імёнаў з асновай -монт- (-мант-) — як і запазычаньне самой асновы з германскіх моваў — таксама сьцьвердзіў амэрыканскі лінгвіст Альфрэд Зэн[8].
Варыянты імя ў гістарычных крыніцах: Iohannes dictus Minimunth (17 студзеня 1413 году)[9]; cum Mynimund Sessnykowicz[10], Minimund Sessnikouicz[11], Mynimund Sessnicouicz[12] (2 кастрычніка 1413 году); меняеть с Кибортомъ Минимонтовичомъ у Кернаве (Киборт Минимонтович[13], 1440—1492 гады)[14]; Минимонтъ, Минамонтъ[15] (1449—1478); Юрьи Минмонтовичъ з братею (1 траўня 1528 году)[16]; Якубъ Мимонтовичъ самъ. Ян Мимонтовичъ самъ (1528 год)[17]; przedemną Mateuszem Minmontem ziemskim xięstwa Żmuydzkiego regentem (25 траўня 1554 году, 1563 год, 1565 год, 18 лютага 1578 году)[18]; jmp. Adam Stanisław z Minmonta [s] Juszkiewicz, podstoli wendeński (27 ліпеня 1661 году)[19]; Ewa Minmont (1791 год)[20].
Remove ads
Носьбіты
- Мінімонт (у каталіцтве Ян; † па 1440) — літоўскі баярын, меў сына Кібарта
- Юры Мінімонтавіч — кроскі баярын, які ўпаамінаецца ў 1528 годзе
- Якуб і Ян Мімонтавічы — вількамірскія баяры, якія ўпамінаюцца ў попісе войска Вялікага Княства Літоўскага 1528 году
- Матэвуш Мінімонт — земскі рэгент Жамойцкага княства
- Марцін Мацеевіч Міньмантовіч — расенскі зямянін, які ўпамінаецца ў 1585 годзе[21]
- Станіслаў Мімунт — вількамірскі зямянін, які ўпамінаецца ў 1605 годзе[22]
- Адам Станіслаў зь Мінмонта Юшкевіч — дзяржаўны дзяяч Вялікага Княства Літоўскага і Рэчы Паспалітай, падстолі вэндэнскі
Мінманты (Мінмонты) — літоўскі шляхецкі род[23].
Міммонт-Ішлінскія — літоўскі шляхецкі род[24].
Remove ads
Глядзіце таксама
Крыніцы
Літаратура
Wikiwand - on
Seamless Wikipedia browsing. On steroids.
Remove ads