1666

Árið 1666 (MDCLXVI í rómverskum tölum) var 66. ár 17. aldar sem hófst á föstudegi samkvæmt gregoríska tímatalinu en mánudegi samkvæmt júlíska tímatalinu sem er tíu dögum á eftir. Árið var kallað annus mirabilis í Englandi. Þetta var líka árið sem hefur alla rómversku tölustafina í ártalinu í röð þannig að hver kemur fyrir einu sinni.

Árþúsund:	2. árþúsundið
Aldir:	16. öldin 17. öldin 18. öldin
Áratugir:	1641–1650 1651–1660 1661–1670 1671–1680 1681–1690
Ár:	1663 1664 1665 1666 1667 1668 1669

Ísland

Ódagsettir atburðir

• Passíusálmar Hallgríms Péturssonar voru gefnir út á Hólum.

Fædd

• 21. mars - Jón Vídalín biskup í Skálholti (d. 1720).

Dáin

• 29. nóvember - Ólafur Ólafsson lærði karl, prestur og skólameistari

Ódagsett

• Pétur Einarsson á Ballará, lögréttumaður og skáld (f. 1597).

Opinberar aftökur

• Ónafngreind kona frá Rútsstöðum á Flóa tekin af lífi vegna dulsmáls.^[1]

Erlendis

Samtímamálverk af Lundúnabrunanum mikla.

• 13. janúar - Franski ferðalangurinn Jean-Baptiste Tavernier kom til Dakka í Bengal og hitti Shaista Khan.
• 17. janúar - Stól heilags Péturs var komið fyrir fyrir ofan altarið í Péturskirkjunni í Róm.
• 26. janúar - Frakkland sagði Englandi stríð á hendur til stuðnings Hollandi.
• 1. febrúar - Breska konungshirðin sneri aftur til London eftir Lundúnapláguna miklu.
• 8. febrúar - Tyrkjasoldán lét handtaka Shabbetaï Zevi.
• 5. maí - Jóhann 2. Kasimír Vasa bannaði gyðingum að bera mynd Shabbetaï Zevi.
• 4. júní - Mannhatarinn eftir Moliére var frumflutt í Théâtre du Palais-Royal í París.
• 11.-14. júní - Annað stríð Englands og Hollands: Fjögurra daga orrustan þar sem Hollendingar fóru með sigur af hólmi í einni lengstu sjóorrustu sögunnar. Englendingar misstu 1.000 menn og 10 skip en Hollendingar 4 skip og 1.550 menn.
• 19. júlí - Uppreisnarher Jerzy Sebastian Lubomirski vann sigur á her Pólsk-litháíska samveldisins við Matwy. Yfir 4.000 létust.
• 5. ágúst - Annað stríð Englands og Hollands: Orrustan við Ordforness þar sem England fór með sigur af hólmi.
• 9. ágúst - Varðeldur Holmes: Robert Holmes leiddi árás á hollensku eyjuna Terschelling þar sem hann brenndi 150 kaupför og rændi bæinn.
• 2.-5. september - Lundúnabruninn mikli hófst í bakaríi og breiddist út með þeim afleiðingum að um 16.000 byggingar brunnu. Aðeins 6 dóu en 80.000 urðu heimilislaus.
• 16. september - Shabbetaï Zevi snerist til íslam frammi fyrir Tyrkjasoldán.
• 15. nóvember - Svíþjóð og Bremen sömdu um frið sem batt enda á Annað Brimastríðið.
• 12. desember - Stóra kirkjuþingið í Moskvu setti Nikon patríarka af.
• 19. desember - Háskólinn í Lundi var stofnaður í Svíþjóð.
• 22. desember - Franska vísindaakademían var stofnuð.

Ódagsettir atburðir

• Isaac Newton lét hvítan ljósgeisla brotna í marga litaða geisla með glerstrendingi og jók þannig skilning manna á eðli ljóss og lita.

Fædd

• 6. september - Ívan 5. Rússakeisari (d. 1696).

Dáin

• 9. maí - Shah Jahan, Mógúlkeisari (f. 1592).
• 26. ágúst - Frans Hals, hollenskur listmálari (f. um 1580).
• 23. september - Hannibal Sehested, fyrrum ríkisstjóri Noregs (f. 1609).
• 25. september - Abbas 2. Persakonungur (f. 1633).
• 9. desember - Giovanni Francesco Barbieri, kallaður Guercino, ítalskur listmálari (f. 1591).