Lewis Hamilton

Sir Lewis Carl Davidson Hamilton (f. 7. janúar, 1985) er breskur ökuþór sem keppir í Formúlu 1 fyrir Ferrari. Hamilton hefur unnið heimsmeistaratitill ökumanna í Formúlu 1 sjö sinnum sem er met sem hann deilir með Michael Schumacher. Hamilton á metin í að vinna flestar keppnir (105), flestir ráspólar (104), og verðlaunapallar (202), ásamt öðru.

Sir Lewis Hamilton
Hamilton árið 2022
Fæddur	Lewis Carl Davidson Hamilton 7. janúar 1985 (1985-01-07) (40 ára) Stevenage, Hertfordshire, England
Þjóðerni	Breskur
Störf	Formúlu 1 ökumaður

Hamilton er fæddur og uppalinn í Stevenage og byrjaði í go-kart 6 ára. Eftir að hafa unnið nokkra breska titla í go-kart náði hann athygli Ron Dennis, þáverandi liðsstjóri McLaren, sem fékk hann í McLaren akademíuna. Hann sigraði Formula 3 Euro seríuna og GP2 mótaröðina (Formúla 2) og skrifaði í kjölfarið undir sem ökumaður fyrir McLaren í Formúla 1 fyrir 2007 tímabilið með Fernando Alonso sem liðsfélaga. Á fyrsta tímabilinu sínu vann Hamilton 4 keppnir og endaði í öðru sæti í ökumannsmótinu, einu stigi á eftir Kimi Räikkönen. Hamilton vann fyrsta titil sinn 2008 og varð þá yngsti ökumaðurinn til að vinna titil ökumanna á þeim tíma.^[1] Árið 2013 fór Hamilton frá McLaren og skrifaði undir hjá Mercedes og varð liðsfélagi Nico Rosberg sem hafði áður verið liðsfélagi hans í go-kart.^[2] Hamilton vann ökumannstitilinn 2014 og 2015. Rosberg tók ökumannstitilinn 2016 og hætti þá í Formúlu 1. Valtteri Bottas kom þá í stað Rosberg. Hamilton hélt áfram sigurgöngu sinni og vann ökumannstitilinn frá 2017 til 2020. Hörð barátta var á milli Hamilton og Max Verstappen árið 2021 sem fór að Verstappen vann titill eftir umdeilda niðurstöðu í seinustu keppni tímabilsins.^[3] Hamilton fór sigurlaus í gegnum 2022 og 2023 tímabilið en vann tvær keppnir 2024 tímabilið. Hann skrifaði undir hjá Ferrari fyrir 2025 tímabilið og er samningsbundinn þeim út 2026 tímabilið.^[4]