Formúla 1 2024

2024 FIA Formúla 1 Heimsmeistarakeppnin var 75 tímabilið af Formúlu 1 heimsmeistarakeppninni. Það er samkvæmt Fédération Internationale de l'Automobile (FIA), stjórn alþjóðlegra akstursíþrótta, hæsti flokkur í keppni bíla án yfirbyggingar yfir hjóla. Heimsmeistarakeppnin spannaði 24 kappakstra víðsvegar um heiminn. Tímabilið byrjaði í mars og lauk í desember.

Max Verstappen vann sinn fjórða titil í röð sem ökumaður Red Bull Racing-Honda RBPT.

Lando Norris endaði í öðru sæti, hans besti árangur síðan hann kom inní Formúlu 1 árið 2019, keyrandi fyrir McLaren-Mercedes.

Charles Leclerc endaði í þriðja sæti keyrandi fyrir Scuderia Ferrari.

McLaren-Mercedes unnu sinn níunda titil bílasmiða, þeirra fyrsti síðan 1998.

Scuderia Ferrari endaði í öðru sæti í keppni bílasmiða.

Red Bull Racing-Honda RBPT, ríkjandi heimsmeistarar, enduðu í þriðja sæti.

Keppt var um tvo heimsmeistaratitla, annarsvega ökumanna og hinsvegar bílasmiða. Ríkjandi heimsmeistari Max Verstappen hóf tímabilið af krafti og tók 5 sigra í fyrstu 7 keppnunum en var undir pressu frá McLaren ökumanninum Lando Norris þegar fór að líða á tímabilið þar sem MCL38 McLaren bíllinn fór að skara framúr RB20 Red Bull bílnum í afköstum. Þrátt fyrir það náði Verstappen reglulega að keppa meðal fremstu bíla og tók sinn fjórða heimsmeistaratitil í röð þegar hann sigraði Las Vegas kappaksturinn. McLaren fór framúr Red Bull í keppni bílasmiða og tók sinn níunda heimsmeistaratitil bílasmiða í Abú-Dabí kappakstrinum, fyrsti titill þeirra í 26 ár. McLaren varð þá fyrsti bílasmiðurinn til að vinna titilinn fyrir utan Red Bull og Mercedes síðan Brawn vann árið 2009.

Lið og ökumenn

Lið og ökumenn sem kepptu á 2024 tímabilinu

Lið	Bílasmiðir	Grind	Vél	Ökumenn
				Númer	Nafn ökumanna	Umferðir
BWT Alpine F1 Team	Alpine-Renault	A524[1]	Renault E-Tech RE24[2]	10 31 61	Pierre Gasly Esteban Ocon Jack Doohan	Allar 1–23 24
Aston Martin Aramco F1 Team	Aston Martin Aramco-Mercedes	AMR24[3]	Mercedes-AMG F1 M15[4]	14 18	Fernando Alonso Lance Stroll	Allar Allar
Scuderia Ferrari	Scuderia Ferrari	SF-24[5]	Ferrari 066/12[6]	16 55 38	Charles Leclerc Carlos Sainz Jr. Oliver Bearman	Allar Allar[a] 2
MoneyGram Haas F1 Team	Haas-Ferrari	VF-24[8]	Ferrari 066/10[9][10]	20 50 27	Kevin Magnussen Oliver Bearman Nico Hülkenberg	1–16, 18–24[b] 17, 21 Allar
McLaren Formula 1 Team	McLaren-Mercedes	MCL38[12]	Mercedes-AMG F1 M15[2][13]	4 81	Lando Norris Oscar Piastri	Allar Allar
Mercedes-AMG Petronas F1 Team	Mercedes	F1 W15[14]	Mercedes-AMG F1 M15[15]	44 63	Lewis Hamilton George Russell	Allar Allar
Visa Cash App RB F1 Team[16]	RB-Honda RBPT	VCARB 01[17]	Honda RBPTH002[18][19][20]	3 30 22	Daniel Ricciardo Liam Lawson Yuki Tsunoda	1–18 19–24 Allar
Oracle Red Bull Racing	Red Bull Racing-Honda RBPT	RB20[21]	Honda RBPTH002[19][20][22]	1 11	Max Verstappen Sergio Pérez	Allar Allar
Stake F1 Team Kick Sauber[23][24][25]	Kick Sauber-Ferrari	C44[26]	Ferrari 066/12[2]	24 77	Zhou Guanyu Valtteri Bottas	Allar Allar
Williams Racing	Williams-Mercedes	FW46[27]	Mercedes-AMG F1 M15[28]	2 43 23	Logan Sargeant Franco Colapinto Alexander Albon	1–15[c] 16–24 Allar
Heimildir:[25][30]

Ökumanns breytingar

Carlos Sainz Jr. þurfti að draga sig úr keppni fyrir Sádi-Arabíska kappaksturinn eftir vera greindur með botnlangabólgu.^[31] Í hans stað kom varaökumaður Ferrari og Formúlu 2 ökumaðurinn Oliver Bearman, sem keppti sína fyrstu keppni í Formúlu 1.^[7] Sainz kom aftur fyrir Ástralska kappaksturinn.^[32] Kevin Magnussen í Haas fékk tvö refsistig fyrir að valda árekstri í Ítalska kappakstrinum, var hann þá komin með 12 refsipunkta á tólf mánuðum sem setur hann sjálfkrafa í bann í eina keppni fyrir Aserbaísjan kappaksturinn.^[33] Bearman kom í hans stað í annað skipti á tímabilinu sem varaökumaður.^[34] Magnussen kom aftur fyrir Singapúr kappaksturinn.^[33] Bearman kom aftur í stað Magnussen í São Paulo vegna veikinda Magnussen.^{[35][36][37][11]}

Frá og með Ítalska kappakstrinum, kom Formúlu 2 ökumaðurinn Franco Colapinto í stað Logan Sargeant hjá Williams, frumraun hans í Formúlu 1. Sargeant var sagt upp eftir slaka frammistöðu yfir tímabilið, liðsstjórinn James Vowles sagði að breytingin myndi auka líkurnar á að liðið myndi skora einhver stig fyrir lok tímabils.^[38] Daniel Ricciardo var sagt upp hjá RB fyrir Bandaríska kappaksturinn eftir slaka frammistöðu á tímabilinu.^[39][40] Liam Lawson kom í hans stað en hann hafði keppt eina keppni fyrir RB á 2023 tímabilinu eftir að Ricciardo slasaðist í Hollenska kappakstrinum.^[41] Varaökumaðurinn Jack Doohan keppti sína fyrstu keppni í Abú-Dabí þar sem hann kom í stað Esteban Ocon hjá Alpine eftir að Ocon var sleppt frá Alpine svo hann gæti tekið prufur fyrir Haas í lok tímabils.^[42]

Dagatal

Umferð	Kappakstur	Ráspóll	Hraðasti hringur	Sigurvegari ökumaður	Sigurvegari lið
1	Barein kappaksturinn	Max Verstappen	Max Verstappen	Max Verstappen	Red Bull Racing-Honda RBPT
2	Sádi-Arabíski kappaksturinn	Max Verstappen	Charles Leclerc	Max Verstappen	Red Bull Racing-Honda RBPT
3	Ástralski kappaksturinn	Max Verstappen	Charles Leclerc	Carlos Sainz Jr.	Ferrari
4	Japanski kappaksturinn	Max Verstappen	Max Verstappen	Max Verstappen	Red Bull Racing-Honda RBPT
5	Kínverski kappaksturinn	Max Verstappen	Fernando Alonso	Max Verstappen	Red Bull Racing-Honda RBPT
6	Miami kappaksturinn	Max Verstappen	Oscar Piastri	Lando Norris	McLaren-Mercedes
7	Emilía-Rómanja kappaksturinn	Max Verstappen	George Russell	Max Verstappen	Red Bull Racing-Honda RBPT
8	Mónakóski kappaksturinn	Charles Leclerc	Lewis Hamilton	Charles Leclerc	Ferrari
9	Kanadíski kappaksturinn	George Russell	Lewis Hamilton	Max Verstappen	Red Bull Racing-Honda RBPT
10	Spænski kappaksturinn	Lando Norris	Lando Norris	Max Verstappen	Red Bull Racing-Honda RBPT
11	Austurríski kappaksturinn	Max Verstappen	Fernando Alonso	George Russell	Mercedes
12	Breski kappaksturinn	George Russell	Carlos Sainz Jr.	Lewis Hamilton	Mercedes
13	Ungverski kappaksturinn	Lando Norris	George Russell	Oscar Piastri	McLaren-Mercedes
14	Belgíski kappaksturinn	Charles Leclerc	Sergio Pérez	Lewis Hamilton	Mercedes
15	Hollenski kappaksturinn	Lando Norris	Lando Norris	Lando Norris	McLaren-Mercedes
16	Ítalski kappaksturinn	Lando Norris	Lando Norris	Charles Leclerc	Ferrari
17	Aserbaídsjan kappaksturinn	Charles Leclerc	Lando Norris	Oscar Piastri	McLaren-Mercedes
18	Singapúr kappaksturinn	Lando Norris	Daniel Ricciardo	Lando Norris	McLaren-Mercedes
19	Bandaríski kappaksturinn	Lando Norris	Esteban Ocon	Charles Leclerc	Ferrari
20	Mexíkóborgar kappaksturinn	Carlos Sainz Jr.	Charles Leclerc	Carlos Sainz Jr.	Ferrari
21	São Paulo Kappaksturinn	Lando Norris	Max Verstappen	Max Verstappen	Red Bull Racing-Honda RBPT
22	Las Vegas kappaksturinn	George Russell	Lando Norris	George Russell	Mercedes
23	Katarski kappaksturinn	George Russell	Lando Norris	Max Verstappen	Red Bull Racing-Honda RBPT
24	Abú Dabí kappaksturinn	Lando Norris	Kevin Magnussen	Lando Norris	McLaren-Mercedes
Heimildir:[43]