Nelson Goodman

Nelson Goodman (7. ágúst 1906 – 25. nóvember 1998) var bandarískur heimspekingur, einkum þekktur fyrir að fást við merkingu setninga sem fjalla um óraunveruleika, venslafræði og tilleiðsluvandann.

Nelson Goodman
Persónulegar upplýsingar
Fæddur	7. ágúst 1906
Svæði	Vestræn heimspeki
Tímabil	Heimspeki 20. aldar
Skóli/hefð	Rökgreiningarheimspeki
Helstu ritverk	The Structure of Appearance; Fact, Fiction, and Forecast; Ways of Worldmaking; Of Mind and Other Matters
Helstu kenningar	The Structure of Appearance; Fact, Fiction, and Forecast; Ways of Worldmaking; Of Mind and Other Matters
Helstu viðfangsefni	Málspeki, frumspeki, þekkingarfræði, hugspeki, fagurfræði

Hann fæddist í Somerville í Maryland í Bandaríkjunum. Hann brautskráðist frá Harvard University árið 1928. Að því loknu rak hann listasafn í Boston í Massachusetts í 11 ár. Goodman hlaut Ph.D.-gráðu í heimspeki árið 1941. Hann gekk í bandaríska herinn og gegndi herþjónustu til loka síðari heimsstyrjaldarinnar.

Að stríðinu loknu varði hann 18 árum við University of Pennsylvania í Phildalephiu. Hann var rannsóknarfélagi við Vitsmunavísindastofnunina á Harvard (Center for Cognitive Studies) frá 1962 til 1963 og gegndi stöðu prófessors við ýmsa háskóla frá 1964 til 1967, og var skipaður prófessor í heimspeki við Harvard árið 1968.

Goodman setti fram „nýja gátuna um tilleiðslu“, sem svo var nefnd með tilvísun til hins sígilda tilleiðsluvanda Davids Hume. Hann fjallaði fyrst um gátuna í bókinni Fact, Fiction, and Forecast. Venjulega er hún útskýrð með hugtökunum grauður eða brænn.

Helstu ritverk

• A Study of Qualities (1941/1990)
• The Structure of Appearance (1951/1966/1977) ISBN 90-277-0774-X
• Fact, Fiction, and Forecast (1954/1965/1973/1983) ISBN 0-674-29071-2
• Languages of Art: An Approach to a Theory of Symbols (1968/1976/1988) ISBN 0-915144-34-4
• Problems and Projects (1972/1978) ISBN 0-85527-853-6
• Basic Abilities Required for Understanding and Creation in the Arts: Final Report (ásamt David Perkins og Howard Gardner) (1972)
• Ways of Worldmaking (1978/1988) ISBN 0-915144-51-4
• Of Mind and Other Matters (1984/1987) ISBN 0-674-63126-9
• Reconceptions in Philosophy and other Arts and Sciences (ásamt Catherine Z. Elgin) (1988/2001) ISBN 0-87220-053-1

Tengt efni

• Fagurfræði
• Heimspeki listarinnar
• Nýja gátan um tilleiðslu
• Rökgreiningarheimspeki
• Tilleiðsla
• Tilleiðsluvandinn

Tengill

• Stanford Encyclopedia of Philosophy: „Nelson Goodman's Aesthetics“