သက်ပုံ

ဦးသက်ပုံ (ကြည်း ၂၀၇၃၅) သည် မြန်မာတပ်မတော် ထိပ်တန်းအရာရှိကြီးတစ်ဦးဖြစ်သည်။သူသည် အမှတ် (၅) စစ်ဆင်ရေး အထူးအဖွဲ့မှူး၊အမှတ်(၆)စစ်ဆင်ရေးအထူးအဖွဲ့မှူး နှင့် တပ်မတော်စစ်ဆေးရေးအရာရှိချုပ် တို့ အဖြစ် တာဝန်ထမ်းဆောင်ခဲ့သူဖြစ်သည်။

သက်ပုံ
တပ်မတော်စစ်ဆေးရေးအရာရှိချုပ်
တာဝန်သက်တမ်း မတ် ၂၀၂၅ – စက်တင်ဘာ ၂၀၂၅
ခေါင်းဆောင်	ဗိုလ်ချုပ်မှူးကြီးမင်းအောင်လှိုင်
ယခင်လူ	ဒုတိယဗိုလ်ချုပ်ကြီး နီလင်းအောင်
ဆက်ခံသူ	ဗိုလ်ချုပ် မျိုးမင်းထွန်း (အရှေ့အလယ်ပိုင်းတိုင်းမှူးဟောင်း)[၁]
အမှတ် (၆) စစ်ဆင်ရေး အထူးအဖွဲ့မှူး
တာဝန်သက်တမ်း ဇန်နဝါရီ ၂၀၂၅ – မတ် ၂၀၂၅
ခေါင်းဆောင်	ဗိုလ်ချုပ်မှူးကြီးမင်းအောင်လှိုင်
ယခင်လူ	ဒုတိယဗိုလ်ချုပ်ကြီး ဖုန်းမြတ်
ဆက်ခံသူ	ဒုတိယဗိုလ်ချုပ်ကြီး နီလင်းအောင်
အမှတ် (၅) စစ်ဆင်ရေး အထူးအဖွဲ့မှူး
တာဝန်သက်တမ်း ဇွန် ၂၀၂၀ – ဇန်နဝါရီ ၂၀၂၅
ခေါင်းဆောင်	ဗိုလ်ချုပ်မှူးကြီးမင်းအောင်လှိုင်
ယခင်လူ	ဒုတိယဗိုလ်ချုပ်ကြီး မင်းနောင်
ဆက်ခံသူ	ဒုတိယဗိုလ်ချုပ်ကြီး ဖုန်းမြတ်
ရန်ကုန်တိုင်းစစ်ဌာနချုပ် တိုင်းမှူး
တာဝန်သက်တမ်း မေ ၂၀၁၇ – ဇွန် ၂၀၂၀
ယခင်လူ	ဗိုလ်ချုပ် မျိုးဇော်သိန်း
ဆက်ခံသူ	ဗိုလ်ချုပ် ညွန့်ဝင်းဆွေ
ကိုယ်ရေး အချက်အလက်များ
မွေးဖွား	စစ်ကိုင်းမြို့
လူမျိုး	မြန်မာ
ကြင်ဖော်	ဒေါ်နှင်းနှင်းအိ
သားသမီး	ဖြိုးပြည့်သက်ပုံ မင်းပြည့်သက်ပုံ
စစ်မှုထမ်းခြင်း
သစ္စာခံနိုင်ငံ	မြန်မာ
တပ်/တပ်ဖွဲ့ခွဲ	တပ်မတော် (ကြည်း)
ရာထူး	ဒုတိယဗိုလ်ချုပ်ကြီး

စစ်မှုထမ်းဘဝ

သက်ပုံ သည် စစ်တက္ကသိုလ် အပတ်စဉ် ၂၉ ဖြင့် ကျောင်းဆင်းခဲ့သူ ဖြစ်သည်။^[၂]သူသည် ရန်ကုန်တိုင်းစစ်ဌာနချုပ် တိုင်းမှူးအဖြစ် တာဝန်ထမ်းဆောင်ခဲ့ပြီး၊ ၂၀၂၀ ပြည့်နှစ် ဇွန်လတွင် အမှတ်(၅) စစ်ဆင်ရေးအထူးအဖွဲ့မှူးအဖြစ် ခန့်အပ်ခံရသည်။

သူသည် အတိုကောက် ကစထ(၅)မှူး တာဝန်ကို တည်ငြိမ်စွာဖြင့် ရှည်ကြာစွာထမ်းဆောင်ခဲ့ရသူလည်း ဖြစ်သည်။^[၃]

၂၀၂၅ ခုနှစ်၊ဇန်နဝါရီ တွင် ထိုတာဝန်မှ နေပြည်တော်အခြေစိုက် ကစထ(၆)မှူး အဖြစ်သို့လည်းကောင်း^[၄]၊ထိုမှ မတ်လ တွင် တပ်မတော်စစ်ဆေးရေးအရာရှိချုပ် အဖြစ်သို့ လည်းကောင်း ရာထူးပြောင်းရွှေ့ထမ်းဆောင်ခဲ့သည်။^[၅]

၂၀၂၅ မြန်မာ ငလျင်ကြီး လှုပ်ခတ်ပြီး‌နောက် သူသည် စစ်ကိုင်းမြို့ ငလျင် ကယ်ဆယ်ရေးနှင့် ပြန်လည်ထူ ထောင်ရေးလုပ်ငန်းများ ‌ ဆောင်ရွက်ရန် တာဝန်ပေးအပ်ခြင်း ခံရသည်။^[၆]

၂၀၂၅ ခုနှစ်၊စက်တင်ဘာတွင် စစ်ဘက်ရာထူးများမှ အနားယူခဲ့ပြီး^[၇]၊စစ်ကိုင်းမြို့ ပြည်သူ့လွှတ်တော်ကိုယ်စားလှယ်လောင်းအဖြစ်ဖြင့် ၂၀၂၅ အထွေထွေရွေးကောက်ပွဲဝင်ရန် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ သို့ ဝင်ရောက်ခဲ့သည်။^[၈]

ပုဂ္ဂိုလ်ရေးဘဝ

အိမ်ထောင်ဖက်မှာ ဒေါ်နှင်းနှင်းအိ ဖြစ်ပြီး သားနှစ်ဦး ရှိသည်။^[၉]

အရေးယူပိတ်ဆို့ခံရမှုများ

ဥရောပသမဂ္ဂ၊ ဆွစ်ဇာလန်နှင့် ကနေဒါနိုင်ငံတို့သည် သက်ပုံအား လူ့အခွင့်အရေးဖောက်ဖျက်မှုနှင့် အရပ်သားများအပေါ် ပြစ်မှုကျူးလွန်ခဲ့ခြင်းကြောင့် ပိတ်ဆို့အရေးယူမှုများ ပြုလုပ်ခဲ့သည်။^{[၁၀][၁၁]}

ဆက်စပ်ဖတ်ရှုရန်

• ပြည်သူ့ခုခံတော်လှန်စစ်
• နိုင်ငံတော်စီမံအုပ်ချုပ်ရေးကောင်စီ
• တပ်မတော်