ထိန်လင်း (ဗိုလ်မှူးကြီး)

ဗိုလ်မှူးကြီး (ငြိမ်း) ထိန်လင်း (၁၉၆၀ မွေးဖွား) သည် လက်ရှိ ရခိုင်ပြည်နယ်ဝန်ကြီးချုပ် ဖြစ်သည်။ ၎င်းသည် ယခင်က ရခိုင်ပြည်နယ် မြောက်ပိုင်း၊ ဘူးသီးတောင်မြို့နယ် တွင် ဗျူဟာမှူးအဖြစ် တာဝန်ထမ်းဆောင်ခဲ့ပြီး၊ ထို့နောက် ရခိုင်ပြည်နယ်လွှတ်တော်ကိုယ်စားလှယ် (လုံခြုံရေးနှင့်နယ်စပ်ရေးရာဝန်ကြီး) အဖြစ် ခန့်အပ်ခံခဲ့ရသည်။ ၎င်းသည် တပ်မတော်သား အမျိုးသားလွှတ်တော်ကိုယ်စားလှယ်၊NLD သမ္မတရုံးအကြံပေး၊စစ်ကောင်စီဥက္ကဋ္ဌ ၏ အကြံပေးအဖြစ်တို့မှ လက်ရှိဝန်ကြီးချုပ်ရာထူးကို တာဝန်ပေးအပ်ခံရခြင်း ဖြစ်သည်။^[၃]

ဗိုလ်မှူးကြီး (ငြိမ်း) သီရိပျံချီ၊ ဦး ထိန်လင်း
ရခိုင်ပြည်နယ်ဝန်ကြီးချုပ်
တာဝန်ထမ်းဆောင်ဆဲ
တာဝန် စတင် ၃၁ ဇူလိုင် ၂၀၂၅
ခန့်အပ်သူ	အမျိုးသားကာကွယ်ရေးနှင့် လုံခြုံရေးကောင်စီ
သမ္မတ	မင်းအောင်လှိုင် (ယာယီတာဝန်)
ဆက်ခံသူ	ကိုယ်တိုင်
တာဝန်သက်တမ်း ၁ ဖေဖော်ဝါရီ ၂၀၂၃ – ၃၁ ဇူလိုင် ၂၀၂၅
ခန့်အပ်သူ	နိုင်ငံတော်စီမံအုပ်ချုပ်ရေးကောင်စီ
သမ္မတ	ဦးမြင့်ဆွေ (ယာယီ) ဗိုလ်ချုပ်မှူးကြီး မင်းအောင်လှိုင် (ယာယီတာဝန်)
ယခင်လူ	အောင်ကျော်မင်း
ဆက်ခံသူ	ကိုယ်တိုင်
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ ၏ အကြံပေးအဖွဲ့
တာဝန်သက်တမ်း ၁၈ ​ဖေ​ဖော်ဝါရီ ၂၀၂၁ – ၃၁ ဇူလိုင် ၂၀၂၅ ဒုတိယဗိုလ်ချုပ်ကြီး သန်းထွန်းဦး၊ဒုတိယဗိုလ်ချုပ်ကြီး လူအေး၊ဒေါက်တာ ရင်ရင်နွယ်၊ဒေါ်ယဥ်ယဥ်ဦး၊ဒေါက်တာ ဆလိုင်ငွန်ကျုံးလျန်၊ ဒေါ်ခင်ဦးလှိုင် တို့နှင့်အတူ
နိုင်ငံတော်သမ္မတရုံး၏ အကြံပေးပုဂ္ဂိုလ်
တာဝန်သက်တမ်း ၂၀ မေ ၂၀၂၀ – ၃၁ ဇန်နဝါရီ ၂၀၂၁
သမ္မတ	ဦးဝင်းမြင့်
တပ်မတော်သားအမျိုးသားလွှတ်တော်ကိုယ်စားလှယ်
တာဝန်သက်တမ်း ၂၁ ဩဂုတ် ၂၀၁၇ – ၄ နိုဝင်ဘာ ၂၀၁၉
ခန့်အပ်သူ	တပ်မတော်ကာကွယ်ရေးဦးစီးချုပ်
ယခင်လူ	ဒုတိယဗိုလ်မှူးကြီး ကျော်စံဦး
ဆက်ခံသူ	ဗိုလ်မှူးကြီး သန်းနိုင်ဝင်း [၁]
ရခိုင်ပြည်နယ် လုံခြုံရေးနှင့်နယ်စပ်ရေးရာဝန်ကြီး
တာဝန်သက်တမ်း ၇ ဧပြီ ၂၀၁၆ – ၁၇ ဇူလိုင် ၂၀၁၇
ပြည်နယ်ဝန်ကြီးချုပ်	ဦးညီပု
ယခင်လူ	ကိုယ်တိုင်
ဆက်ခံသူ	ဗိုလ်မှူးကြီး ဖုန်းတင့်
တာဝန်သက်တမ်း ၃၀ မတ် ၂၀၁၀ – ၃၀ မတ် ၂၀၁၆
ပြည်နယ်ဝန်ကြီးချုပ်	ဦးလှမောင်တင် [၂] ဦးမောင်မောင်အုန်း
ယခင်လူ	ဖွဲ့စည်းပုံစတင်
ဆက်ခံသူ	ကိုယ်တိုင်
ကိုယ်ရေး အချက်အလက်များ
မိခင်ကျောင်း	စစ်တက္ကသိုလ် အပတ်စဉ် ၂၄
အစိုးရအဖွဲ့	ရခိုင်ပြည်နယ် အစိုးရအဖွဲ့
ဆုတံဆိပ်များ	မြန်မာနိုင်ငံစစ်မှုထမ်းသင်္ဂဟတံဆိပ် (၂၀၁၉) ဝဏ္ဏကျော်ထင်ဘွဲ့ (၂၀၂၂) သီရိပျံချီဘွဲ့ (၂၀၂၅)
စစ်မှုထမ်းခြင်း
သစ္စာခံနိုင်ငံ	မြန်မာ
တပ်/တပ်ဖွဲ့ခွဲ	တပ်မတော် (ကြည်း)
အမှုထမ်းကာလ	၁၉၈၁ - ၂၀၁၉
ရာထူး	ဗိုလ်မှူးကြီး

စစ်မှုထမ်းခြင်း

ဗိုလ်မှူးကြီး ထိန်လင်း (ငြိမ်း) သည် စစ်တက္ကသိုလ် (DSA) ၏ အပတ်စဉ် ၂၄ သင်တန်းတွင် သင်ယူခဲ့သူ ဖြစ်သည်။၎င်းသည် ၁၉၈၀ ပြည့်နှစ်နောက်ပိုင်းကစပြီး ပြန်တမ်းဝင်အမှတ် ကြည်း - ၁၇၅၁၇ ဖြင့် စစ်မှုစထမ်းသည်။ စစ်ရေးချုပ်ဟောင်း ဒုတိယဗိုလ်ချုပ်ကြီး ဆန်းဦး တို့ နှင့် အပတ်စဥ် တူသည်။

လွှတ်တော်နိုင်ငံရေး နှင့် ပြည်နယ်ဝန်ကြီးဘဝ

ဗိုလ်မှူးကြီး ထိန်လင်းသည် ၂၀၁၁ ခုနှစ်၊ဇန်နဝါရီ ၂၀ ရက် တွင် ရခိုင်ပြည်နယ်လွှတ်တော် ၏ တပ်မတော်သားလွှတ်တော်ကိုယ်စားလှယ် ၁၂ ဦးထဲ ခေါင်းဆောင်တစ်ဦးအနေဖြင့် တင်သွင်းကြေညာခံရပြီး လွှတ်တော်နိုင်ငံရေးထဲသို့ ရောက်ရှိလာခဲ့သည်။^[၄]၂၀၁၁ ခုနှစ်၊မတ် ၃၀ ရက် တွင် ရခိုင်ပြည်နယ်အစိုးရအဖွဲ့ တွင် လုံခြုံရေးနှင့်နယ်စပ်ရေးရာဝန်ကြီး အဖြစ် တာဝန်ပေးအပ်ခံရသည်။^[၅]

သူသည် ၂၀၁၂ ခုနှစ် တွင် ပေါ်ပေါက်ခဲ့သည့် ရခိုင်ပြည်နယ် ပဋိပက္ခ အား လုံခြုံရေးနှင့်နယ်စပ်ရေးရာဝန်ကြီးအနေဖြင့် ကိုင်တွယ်ဖြေရှင်းခဲ့ရသည်။^{[၆] [၇]}

၂၀၁၅ ခုနှစ်၊ အထွေထွေရွေးကောက်ပွဲ အပြီး ၂၀၁၆ ခုနှစ်၊ဇန်နဝါရီ ၁၈ ရက် တွင် ဒုတိယအကြိမ် ရခိုင်ပြည်နယ် လွှတ်တော် တွင် တပ်မတော်သား ပြည်နယ်လွှတ်တော်ကိုယ်စားလှယ် အဖြစ် ဆက်လက်တင်သွင်းကြေညာခံရသည်။^[၈]ရခိုင်ပြည်နယ် အစိုးရအဖွဲ့ဝင်၊ လုံခြုံရေးနှင့်နယ်စပ်ရေးရာ ဝန်ကြီးအဖြစ် အဆိုပြုရွေးချယ်ခံရသည်။

၂၀၁၆ ခုနှစ်၊ ဧပြီ ၄ ရက် တွင် ကျင်းပသည့် ဒုတိယအကြိမ် ရခိုင်ပြည်နယ် လွှတ်တော် အစည်းအဝေး ၌ ကျမ်းသစ္စာကျိန်ဆိုပြီး ရခိုင်ပြည်နယ်အစိုးရအဖွဲ့တွင် လုံခြုံရေးနှင့်နယ်စပ်ရေးရာ ဝန်ကြီးအဖြစ် ဆက်လက်တာဝန်ထမ်းဆောင်သည်။^[၉]ထို့နောက် ၂၀၁၇ ခုနှစ်၊ဇွန် ၁၇ ရက် တွင် စစ်ဘက်သို့ ပြန်လည်ခေါ်ယူခြင်းခံရပြီး^{[၁၀] [၁၁]} ၂၀၁၇ ခုနှစ်၊ ဇူလိုင် ၁၁ ရက် တွင် ဗိုလ်မှူးကြီး ဖုန်းတင့်က ၎င်း၏ နေရာကို ဆက်ခံခဲ့သည်။^{[၁၂][၁၃]}

ရခိုင်ပြည်နယ်၊ နယ်လုံဝန်ကြီး တာဝန်မှ ရပ်နားပြီး စစ်ဘက်မူလတာဝန်ထမ်းဆောင်နေသည့် ၎င်းအား တပ်မတော်ကာကွယ်ရေးဦးစီးချုပ် သည် ၂၀၁၇ ခုနှစ်၊ဩဂုတ် ၂၁ ရက် တွင် အမျိုးသား လွှတ်တော် ၌ တပ်မတော်သားအမျိုးသားလွှတ်တော် ကိုယ်စားလှယ်အဖြစ် ဒုတိယဗိုလ်မှူးကြီး ကျော်စံဦး နေရာတွင် အစားထိုးတာဝန်ပေးအပ်ခဲ့သည်။^[၁၄]သူသည် တပ်မတော်သား အမျိုးသားလွှတ်တော် ကိုယ်စားလှယ် အဖြစ် ၂၀၁၉ ခုနှစ်၊နိုဝင်ဘာ ၄ ရက် အထိ တာဝန် ထမ်းဆောင်ခဲ့သည်။ ^[၁၅]

ဗိုလ်မှူးကြီး ထိန်လင်း သည် စစ်တပ်မှ အနားယူပြီးနောက် ၂၀၂၀ ပြည့်နှစ်၊ မေလ ၂၀ ရက်နေ့တွင် နိုင်ငံတော်သမ္မတရုံး၏ အကြံပေးပုဂ္ဂိုလ်အဖြစ် ခန့်အပ်ခြင်းခံခဲ့ရသည်။ ထိုတာဝန်မှာ ဦးဝင်းမြင့်အစိုးရလက်ထက် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) ၏ ငြိမ်းချမ်းရေးလုပ်ငန်းစဉ်များအတွက် အကြံပြုတင်ပြရန်ဖြစ်သည်။^{[၁၆][၁၇]}သူသည် ရခိုင်ပြည်နယ်မြောက်ပိုင်းတွင် ကာလရှည်ကြာ ဖြစ်ပွားခဲ့သည့် မွတ်ဆလင်များ အရေးနှင့် ပတ်သက်၍ အစိုးရ၏ လုပ်ငန်း ဆောင်တာများတွင်လည်း နှစ်ရှည် ပါဝင်ဆောင်ရွက်ခဲ့သူဖြစ်၍ ထိုတာဝန်ကို သမ္မတ ဦးဝင်းမြင့် က ပေးအပ်ခဲ့ခြင်း ဖြစ်သည်။

အခြားတာဝန်များ

မြန်မာ့တပ်မတော်သည် ၂၀၂၁ ခုနှစ်၊ဖေဖော်ဝါရီ ၁ရက် တွင် အာဏာသိမ်းမှု ပြုလုပ်ပြီး နိုင်ငံတော်စီမံအုပ်ချုပ်ရေးကောင်စီ ကို ဖွဲ့စည်းလိုက်ပြီးနောက်၊ ၂၀၂၁ ခုနှစ်၊ ဖေဖော်ဝါရီ ၁၈ ရက်တွင် ကောင်စီအမိန့်အမှတ် ၇၂/၂၀၂၁ အားဖြင့် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၏ အကြံပေးအဖွဲ့ကို ဖွဲ့စည်းခဲ့ရာတွင် ဗိုလ်မှူးကြီး (ငြိမ်း) ထိန်လင်း သည် အဖွဲ့ဝင် အဖြစ် ခန့်အပ်ခံရသည်။ ^[၁၈]

ဝန်ကြီးချုပ်

နိုင်ငံတော်စီမံအုပ်ချုပ်ရေးကောင်စီသည် ရခိုင်ဝန်ကြီးချုပ်ဟောင်း ဒေါက်တာအောင်ကျော်မင်း အား စစ်ကောင်စီအဖွဲ့ဝင် အဖြစ် ပြောင်းလဲခန့်အပ်ပြီးနောက် သူသည် ၂၀၂၃ ခုနှစ်၊ ဖေဖော်ဝါရီလ ၁ ရက်နေ့တွင် ရခိုင်ပြည်နယ်အစိုးရအဖွဲ့ ဝန်ကြီးချုပ် အဖြစ် ခန့်အပ်ခံရသည်။ ^[၁၉]

ဂုဏ်ပြုခံရခြင်း

၂၀၁၉ ခုနှစ်၊ဇန်နဝါရီ ၄ ရက် တွင် နိုင်ငံတော်သမ္မတရုံး အမိန့်ကြော်ငြာစာ (၃/၂၀၁၉) ဖြင့် မြန်မာနိုင်ငံစစ်မှုထမ်းသင်္ဂဟတံဆိပ် ကို ချီးမြှင့်ခံရသည်။^[၂၀]

၂၀၂၂ ခုနှစ် ၊ နိုဝင်ဘာလ ၁၉ ရက်တွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ မင်းအောင်လှိုင် သည် ၎င်းအား စွမ်းဆောင်မှုဆိုင်ရာ ဂုဏ်ထူးဆောင်ဘွဲ့ဖြစ်သည့် ဝဏ္ဏကျော်ထင်ဘွဲ့ကို ချီးမြှင့်ခဲ့သည်။ ^[၂၁]

၂၀၂၅ ခုနှစ်၊ ဧပြီလ ၁၇  ရက် တွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ မင်းအောင်လှိုင် သည် ၎င်းအား စွမ်းဆောင်မှုဆိုင်ရာ ဂုဏ်ထူးဆောင်ဘွဲ့ဖြစ်သည့် သီရိပျံချီဘွဲ့ကို အပ်နှင်းချီးမြှင့်သည်။^[၂၂]

ပုဂ္ဂိုလ်ရေးဘဝ

ဦးထိန်လင်း သည် အိမ်ထောင်သည် တစ်ဦးဖြစ်ပြီး ဇနီးဖြစ်သူမှာ ဒေါ်ဆွေဆွေမြတ် ဖြစ်သည်။ဒေါက်တာ မေသူခိုင် နှင့် မောင်ရဲကောင်းပိုင် ဆိုသည့် သားသမီး ၂ဦး ထွန်းကားခဲ့သည်။^[၂၃]