Surah Al-Lail

Surat Al Lail (basa Arab:الّيل, al lail, "Peuting") nyaéta surat ka-92 dina al Qur'an. Surat ieu diwangun ku 21 ayat, kaasup golongan surat Makkiyah, diturunkeun sanggeus surat Al A'la. Surat ieu dingaranan Al Lail (peuting), dicokot tina kecap al lail anu aya dina ayat kahiji surat ieu.

Al-Lail

Al Lail الّيل
Informasi
Harti	Peuting
Golongan	Makkiyah
Surah ka	92
Juz	Juz 30
Statistik
Jumlah ruku'	1 ruku'
Jumlah ayat	21 ayat

Poko-poko eusi surat Al Lail

Usaha manusa éta téh rupa-rupa, alatan éta balesanana nu ogé béda-béda; jelema anu resep sidekah, takwa sarta ngaenyakeun ayana pahala anu panghadéna (sawarga) bakal dimudahkeun ku Alloh pikeun ngalakonan kahadéan anu mawa kana kabagjaan di ahérat, tapi jelema anu digampangkeun ku Alloh pikeun ngalakonan kejahatan-kejahatan anu mawa kasangsaraan di ahérat, harta bandana moal baris méré mangpaat ka manéhna; jelema anu medit ngarasa dirina cukup sarta ingkar kana ayana pahala anu panghadéna (sawarga).

Surat Al Lail ngajelaskeun yén amal-amalan anu dipigawé kalawan ihlas samata-mata néangan karidoan Alloh éta pisan anu mawa kabagjaan di ahérat jaga.

Eusi jeung Tarjamah

Ayat ka	Tulisan Arab	Tarjamah basa Sunda
1.	وَٱلَّيۡلِ إِذَا يَغۡشَىٰ	Demi peuting nalika poék (nutupan cahaya beurang),
2.	وَٱلنَّہَارِ إِذَا تَجَلَّىٰ	jeung beurang nalika caang padang narawangan.
3.	وَمَا خَلَقَ ٱلذَّكَرَ وَٱلۡأُنثَىٰٓ	jeung diciptakeunana lalaki jeung awéwé..
4.	إِنَّ سَعۡيَكُمۡ لَشَتَّىٰ	Saéstuna jalan (usaha) maranéh téh rupa-rupa.
5.	فَأَمَّا مَنۡ أَعۡطَىٰ وَٱتَّقَىٰ	Sing saha anu béréhan jeung takwa.
6.	وَصَدَّقَ بِٱلۡحُسۡنَىٰ	jeung anu ngaenyakeun kana ayana pahala panghadéna (sawarga),
7.	فَسَنُيَسِّرُهُ ۥ لِلۡيُسۡرَىٰ	nya ku Kami baris digampangkeun kana (jalan) anu gampang.
8.	وَأَمَّا مَنۢ بَخِلَ وَٱسۡتَغۡنَىٰ	Tapi sing saha anu korét turta ngarasa aya dina kacukupan,
9.	وَكَذَّبَ بِٱلۡحُسۡنَىٰ	jeung ingkar kana ayana pahala pangdéna (sawarga),
10.	فَسَنُيَسِّرُهُ ۥ لِلۡعُسۡرَىٰ	nya ku Kami baris digampangkeun kana jalan hésé-béléké.
11.	وَمَا يُغۡنِى عَنۡهُ مَالُهُ ۥۤ إِذَا تَرَدَّىٰٓ	Jeung harta-bandana moal bisa nulungan upama manéhna binasa.
12.	إِنَّ عَلَيۡنَا لَلۡهُدَىٰ	Saenyana kawajiban Kami méré pituduh.
13.	وَإِنَّ لَنَا لَلۡأَخِرَةَ وَٱلۡأُولَىٰ	Jeung saenyana boga Kami ahérat jeung dunya.
14.	فَأَنذَرۡتُكُمۡ نَارً۬ا تَلَظَّىٰ	Ku kituna, Kami ngawawadian maranéh ku seuneu nu ngéntab-ngéntab.
15.	لَا يَصۡلَٮٰهَآ إِلَّا ٱلۡأَشۡقَى	Moal dipanggang di dinya kajaba jalma nu pangcilakana.
16.	ٱلَّذِى كَذَّبَ وَتَوَلَّىٰ	Anu ingkar (tina bebeneran) turta ngabalieur (tina iman).
17.	وَسَيُجَنَّبُہَا ٱلۡأَتۡقَى	Jeung bakal dijauhkeun éta naraka téh ti jalma anu pangtakwana.
18.	ٱلَّذِى يُؤۡتِى مَالَهُ ۥ يَتَزَكَّىٰ	Anu ngadarmakeun harta-bandana lantaran hayang nyucikeunana.
19.	وَمَا لِأَحَدٍ عِندَهُ ۥ مِن نِّعۡمَةٍ۬ تُجۡزَىٰٓ	Padahal euwueh saurang ogé anu méré nikmat ka manéhna nu kudu dibales budina.
20.	إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ	Tapi karana miharep karido Pangéranna Nu Maha Luhung.
21.	وَلَسَوۡفَ يَرۡضَىٰ	Mangke éngké manéhna éstu bakal pinanggih jeung kapuasan.

Hubungan surat Al Lail jeung surat Adh Dhuha

Dina surat Al Lail diterangkan yén jelema anu takwa baris digampangkeun ku Alloh ngalampahkeun gawé takwana antukna meunang kabagjaan. Sedengkeun dina surat Ad Dhuha diterangkan yén kauntungan di ahérat leuwih alus batan kauntungan di dunya

Tumbu ka luar

Wikisource logo

Wikipabukon mibanda média séjénna nu patali jeung artikel ieu dina kaca

Al-qur'an/Al-Layl

Surat sateuacanna: Asy Syams	Surat 92	Surat saparantosna: Adh Dhuha
	Al Qur'an
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 Kotak ieu: tempo • sawala • édit