Вілгайла (імя)

Вілгайла (Вілгал, Вільгал, Вільгела), Вілігайла (Вілікайл) — мужчынскае імя і вытворнае ад яго прозьвішча.

Wilgils
Паходжаньне
Мова(-ы)	германскія
Утворанае ад	Wilo + Gilo Wilo + Gailo
Іншыя формы
Варыянт(ы)	Вілігайла, Вілгал, Вільгал, Вільгела, Вілікайл
Зьвязаныя артыкулы
якія пачынаюцца з «Вілґайла»

Паходжаньне

Асноўны артыкул: Імёны ліцьвінаў

Вілгілс (Wilgils^[1][a], Uilgils^[3]) — імя германскага паходжаньня^[4]. Іменная аснова -віл- (імёны ліцьвінаў Вільбут, Вільгейда, Мунтвіл; германскія імёны Willebut, Williheid, Muntwil) паходзіць ад гоцкага wilja 'воля', а аснова -гайл- (-гал-, -гел-) (імёны ліцьвінаў Відзігайла, Інгела, Монтгайла; германскія імёны Widigail, Ingeila, Montigel) — ад гоцкага і бургундзкага gails 'жвавы, свавольны, ганарысты'^[5] або ад асновы -гісіл- (-гіл-)^[6]. Такім парадкам, імя Вілгайла азначае «жвавая воля»^[7].

У Польшчы адзначаецца прозьвішча Вілігала (Wiligała, Willigalla)^[8].

Варыянты імя ў гістарычных крыніцах: Виликаилъ (умова 1219 году); uxor Villegaylen satrape (Хроніка Лівоніі Германа Вартбэрга)^[9]; Вилкгаилу семъица (1440—1450 гады)^[10]; Болько Вилькголовичъ (1528 год)^[11]; Вилкгол Семашкович (1537—1538 гады)^[12]; Froncem Wilgoyłowiczem (1621 год)^[13]; od Mikołaja i Jana Wilgayłów (1667 год)^[14]; Wilgieła (1671—1681 гады)^[15].

Носьбіты

• Вілгайла († па 1219) — літоўскі князь
• Вілігайла — літоўскі баярын, які атрымаў наданьні ад вялікага князя Казімера ў 1442 і паміж 1440 і 1450 гадамі^[16]
• Болька Вільголавіч — пералайскі баярын, які ўпамінаецца ў попісе войска Вялікага Княства Літоўскага 1528 году
• Вілгал Сямашкавіч — жыхар Жамойцкага староства, які ўпамінаецца ў 1537—1538 гадох
• Сьцяпан Паўлавіч Вільгойла — расенскі зямянін, які ўпамінаецца ў 1599 годзе^[17]

Глядзіце таксама

• Віла
• Гайла

Заўвагі

1. Паводле гэтага ж выданьня: Gilswith < Gelesuintha^[2]