Мантрым

Мантрым (? — па 1439) — дзяржаўны дзяяч Вялікага Княства Літоўскага, староста маркаўскі ў 1434 годзе.

Мантрым
лац. Mantrym

Герб «Тапор»
Асабістыя зьвесткі
Памёр	па 1439
Дзеці	Багдан

Вотчынныя ўладаньні, відаць, знаходзіліся ў Маркаве (каля Салечнікаў і Жырмунаў)^[1].

Імя

Асноўны артыкул: Мантрым (імя)

Рымісмунд або Рымунд (Rimismund, Rimund) — імя германскага паходжаньня^[2]. Іменная аснова аснова -мунд- (-мунт-, -монт-) (імёны ліцьвінаў Монтгерд, Валімонт, Жыгімонт; германскія імёны Mundgerd, Walmont, Sigimunt) паходзіць ад германскага *mundô 'рука, абарона, крэўнасьць'^[3] або гоцкага munds 'моц розуму, імкненьне', mundrs 'гарлівы, палкі', а аснова -рым- (імёны ліцьвінаў Рымейка, Рымель, Рыман; германскія імёны Rimicho, Riemel, Rimann) — ад гоцкага rimis 'спакой, стрыманасьць, непарухлівасьць'^[4]. Такім парадкам, імя Монтрым азначае «непарушная гарлівасьць» (тое ж, што і імя Рымонт)^[5].

Варыянты імя ў гістарычных крыніцах: Montrimi (Montrim^[1]; 1 верасьня 1431 году)^[6]; Montrim Markowiensis [tenutarii] (27 лютага 1434 году)^[7]; Muntrim (1 жніўня 1439 году)^[8].

Біяграфія

Зь літоўскага баярскага роду. Відаць, быў у сваяцтве з Бутрымамі і Монтаўтамі, пра што сьведчыць гербавая роднасьць і блізкасьць уладаньняў.

Выступае як сьведка ў Чартарыйскай (1431 год) і Гарадзенскай (1434 год) умовах. У 1434 годзе быў старостам маркаўскім.

Меў сына Багдана, які ў 1440/1447 быў старостам ваўкавыскім. Разам з сынам выступае сьведкам ў наданьні Юрыя і Станіслава Радзівілавічаў віленскім францішканам ад 1 жніўня 1439 году (дакумэнт складаўся ў Салечніках)^[1].

Мова і культура

Асноўныя артыкулы: Ліцьвіны і Русіны

Да акту Чартарыйскага замірэньня (1431 год) прывесіў пячаць з рускім надпісам^[9]:

МОНТРИМОВА

Пячаць з рускім надпісам таксама прывесіў да акту Гарадзенскай умовы (1434 год)^[10].