Барыла

Барыла (Барэль, Барэля, Баруль, Парыла) — мужчынскае імя і вытворнае ад яго прозьвішча.

Barilo
Паходжаньне
Мова(-ы)	германскія
Утворанае ад	Baro + суфікс з элемэнтам -л- (-l-)
Іншыя формы
Варыянт(ы)	Барэль, Барэля, Баруль, Парыла
Вытворныя формы	Бірыла
Зьвязаныя артыкулы
якія пачынаюцца з «Барыла»

Паходжаньне

Асноўны артыкул: Імёны ліцьвінаў

Барыла, пазьней Барэл або Парэл (Barilo, Barrell^[1], Parrell^[1]) — імя германскага паходжаньня^[2]. Іменная аснова -бар- (-бор-) (імёны ліцьвінаў Барвід, Барвін, Вісбар; германскія імёны Barvid, Barwin, Wisbar) паходзіць ад гоцкага bara, baur 'чалавек, дзіця' (літаральна — «народжаны»)^[3].

Імя Барыла гістарычна бытавала ў Польшчы: Barilo (1442 год)^[4], Borilo (1468 і 1490 гады)^[5].

Варыянты імя ў гістарычных крыніцах: Мишка Борыловича и братью его Лихача, Кузьму, Хому (18 лістапада 1544 году)^[6]; Гаврило Парило (1563 год)^[7]; Давидъ Борило… Давидъ Барило (1566 год)^[8]; подданых тогож пна Скипора — Шимука Барила (11 лютага 1590 году)^[9]; Baryły (1744 год)^[10]; Parafia głębocka… Baryły dwór… Baryły karczma (1784 год)^[11]; Marianna Baryłowicz (1815 год)^[12]; Teresa Barel (1818 год)^[13]; Rozalia Baryło (1827 год)^[14].

Носьбіты

• Міхаіл, Яська, Фёдар і Сьцяпан Барылы — жыхары вёскі Бяркоўшчыны (Ашмянскі павет), якія ўпамінаюцца ў 1718 годзе^[15]
• Ёсіф Барыла — жыхар вёскі Раманаўшчыны (Полацкае ваяводзтва), які ўпамінаецца ў 1782 годзе^[16]
• Мартын, Рыпіна і Павал Барылы — жыхары вёскі Забалоцьця (Полацкае ваяводзтва), якія ўпамінаюцца ў 1783 годзе^[17]
• Пётар Юр’евіч Барыла — селянін з ваколіцаў Коўны, які меў у валоданьні зямлю на 1882 год^[18]

Барулевічы (Borulewicz) — літоўскі шляхецкі род зь Вільні^[19].

Барэлі (Borela) — літоўскі шляхецкі род з Троцкага павету^[20].

Барыля (Baryla) — прозьвішча, зафіксаванае ў XIX стагодзьдзі ў ваколіцах Сувалкаў^[21].

У актах Вялікага Княства Літоўскага ўпамінаўся маёнтак Барылавічы (Бориловичи) у Полацкім ваяводзтве^[22].

На 1904 год існавала вёска Барулі (Борулі) у Бельскім павеце, а таксама вёска Барылаўка ў Красьнянскім павеце Смаленскай губэрні^[23].

На 1905 год існавалі вёска 1-я Барэлішкі, а таксама засьценкі 2-я і 3-я Барэлішкі ў Падбярэскай воласьці^[24].

На 1906 год існавала вёска Барылы ў Лепельскім павеце Віцебскай губэрні^[25].

На 1913 год існавала мясцовасьць Барылішкі (Baryliszki) у Немянчынскай парафіі^[26].